Israel Kan 43
43
1O Anut, fug dukubulilak tiduk unau,
tealakgaz ilonnen ŋainag azu stemani;
tamol sekauk taoz tealak maiwoi
tetazag ŋiliagpe!
2O Anut ŋan me i‐lon ŋa ŋeseafug ŋemadoŋame.
Dodinge o betetanaglak?
Dodinge ŋa agez inan modoanekoi
ŋatameg ŋatozŋame?
3Oina lelaman, oina malik niŋon mai unaup itasa;
i ŋa duzagoi,
ubolpa i ŋa oina did gun, oina ablon mai
duzagpa ŋaduwoi!
4Meginpe ŋa Anut inan wiwa izinnen ŋalawoi,
Anut, ŋainag zigiek gauai mok, i izinnen;
ŋa laiarlon kalel ŋabip ŋepanowoi,
O Anut, ŋainag Anut.
5Nitug, dodinge o jau tea,
dodinge o iloglon uzezume?
O Anutoi suzuazoupe, ŋa faun te iwoi kalel ŋabiwoi,
ŋainag dinek, ŋainag Anut mai.
Currently Selected:
Israel Kan 43: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
