Israel Kan 33
33
1Aŋ taozgaz, Ujanzenlon zigiaŋ!
Bubudin tiduklak iwoi biŋan bisanen iduse.
2Aŋ laiarlon Ujanzen biŋan ibisawoi,
harp wol tendaŋan melon klagun ta abip i apani!
3Dug faun ta abip apani,
harp inan wol tezepasip muguzuŋlon asae.
4Ujanzen inan azu tiduklakoi;
inan uzat daŋan buben malikdaŋanlon inauime.
5I taozoi talek tidukoi mai imat;
Anut inan ilopanek segatekdaŋan tan daŋan fuamime.
6Ujanzen inan azulon did inaulak,
patui daupdaŋan inan auan inan uzlon.
7I naz mas mai nabudlon egin tigililak
mas betabet inan badlon egin inau.
8Tan daŋan Ujanzenoi dizutŋan,
fatufatu nadin tamolpain daŋan iwoi dizutpa ditiuzŋan.
9I ibollakoi, abaŋ itase;
i kibiai panig abaŋ itiuzge ien.
10Ujanzen inaug panupanu nadin azu denaug bedani;
i panupanu abaŋ nean denaulak gusutip teabime.
11Ujanzen inan azu dedeŋanip ienoi,
inan buben inan kankan daz uzek daŋanlon.
12Patun isap fatu me inan Anut Ujanzen madoime,
tamolpain me Anut siben inan fuzan egin pilianalak me!
13Ujanzen didlakge iwogime,
tamol nadin aigaz daŋan iliŋe;
14i pezatiulak matalime menge malan ilap
tamolpain tanlak daŋan ilime,
15ŋan i me i daŋan bubudin pinidinlak,
nadin nauknauk daŋan mai dab pinidinime me.
16Kiŋ tata inan daup ujanlon siben patun pasinen tea;
jutamol siben inan gegaunlon siben tetazip ŋalenen tea.
17Ju inan hors inan seŋanekoi suzuazouknen tea,
inan tiwon zenlon mai tamol patun pasinen tea.
18Nasi, i me iwoi dizutdime i fodinlak Ujanzen inan malan ienime,
ŋan i me inan ilopanek segatekdaŋanoi dusuzuazoudime me fodinnen.
19Meginpe nutudin mateŋlonpa tataz iŋalp,
so dimatoi, anaŋ teamap mai.
20Nutuma Ujanzen malan denaudime;
i idinad dinek gubiz mai.
21Es, bubed i‐lon jaud isa,
id inan nean gun tenau tepanilakoi.
22O Ujazen, oina ilopanek segatekdaŋan fomalak ienoi,
am owoi suzuazouame egin.
Currently Selected:
Israel Kan 33: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
