Israel Kan 32
32
Dawid inan kanam. Maskil ta.
1Patun isap me i inan zegaik paze idulak,
me inan aupasek toanilak.
2Tamol patun isap me Ujanzen aupasek tawoi tinin so isaeime,
inan uzlon sekauk ta so ienime.
3Ŋa ŋainag aupasek beŋten so ŋenaumeg tinig me gezaŋailak,
nal melaen daŋan inan sagaiklon.
4Ad tidom mai oina nima muzuange foglak ien;
sansaen inan wonanan eginlon inag zagug makazlak. Sela
5Ŋa ŋainag aupasek o naonen ŋeblanilak,
inag salannauk so ŋimiŋianilak;
ŋa ŋabol, Ŋa inag zegaik Ujanzen naonnen beŋten ŋenauwoi;
meginge o inag aupasek inan ja ilo padallak. Sela
6Mewoi daŋan me o dikoldime me
o izinen gadiŋ denauwoi;
modoanek inan saenlon, lom gauz iduime saen melon
i izinnen so iduwoi.
7O ŋainag seafuknen aben,
o dab panagpa abaŋ alan so funag;
o tetazag ŋiliagnenoi lilitagume. Sela
8Ŋa dal o uzip utozoi menen
kibiai ŋepanop maŋau mai ŋepeteŋanowoi;
malag stoanop ŋa azu ŋepaowoi.
9O hors teap doŋki egin so utoz mon, i ladin tea,
i siwalilon mon didauzidime,
teap i o maip atoznen tea.
10Salanbibiangaz nadin ladin izoznen kuzum;
ge me i Ujanzen inau paniime i ilopanek segatekdaŋan lilitiime.
11Ujanzenlon jau isa, O taozgaz, aŋ zigiaŋ,
aŋ me bubumi tidukdaŋan, aŋ jumidaŋan muguzuŋ anau!
Currently Selected:
Israel Kan 32: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
