Israel Kan 2
2
1Dodinge panupanu ladin detemani,
tamolai fatufatulon kankange debedani?
2Tan kiŋgaz dedaŋeg demadodime,
kibiaipanekgaz nug dikibiaiwoi detemani,
Ujanzen, i buzuguseklak maiwoi dibol,
3Tamaispe nadin mol e me tuzubutawoi,
tinidlon nadin zaeŋ seflalep tani ilawoi.
4Me i didlak matalime i di iwaime;
Ujanzen i dizadin iwaiime.
5Saen melon inan buzunlon ipidinoi,
buzun kekazunlon dizutnen pinidinoi.
6Ŋa inag kiŋ
didgun Sionlak ŋenaug madoime.
7Ŋa Ujanzen inan kibiaikoi ŋaboloi:
I ŋa paiag, O inag nanug,
gazomnen ŋunuolak.
8Godoanagpa ŋa panupanu fuza ŋepanowoi,
fatu wadan me o ŋalewoi.
9Kem toklon o pitiŋinawoi,
bod ganal egin tizipiliap dilawoi.
10Mewoi aŋ lami kaginkagindaŋan, aŋ kiŋgaz;
Tan inan kibiaipanekgaz, aŋ dab anau.
11Azutmap Ujanzen bian apalu,
tinimi terere ibolmap
12nien musuk apani,
teamap i buzun isap aŋ dallak apadaloi;
kekazun ibolnen me kin pasaklakoi.
Putudin isap daŋan me i‐lon jamumlap demadodime.
Currently Selected:
Israel Kan 2: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
