Israel Kan 1
1
TEZEPALEK 1
1Tamol i salanbibian nadin auadin dab so pinidin,
i patun isag madoime.
I aupasekgaz nadin dallak so ipazime,
dizawaikgaz nadin metaliklon maig so matalime.
2Tea, Anut inan kibiaiŋoi ilon zigeime,
admap tidommap inan kibiaiŋoi ilon kankange ibolime.
3Tamol me ja
naz dagendagen izinnen ipaelak egin madoime,
melaunsaen idup niŋon ien,
inan zaun so makazoi.
Abaŋ daŋan inauime me inaunen iloŋime.
4Ge salanbibian egin tea,
i tim kizika ŋaleg ilaime egin demadodime.
5Mewoi salanbibiangaz betenaeknal idup madonen tea,
aupasekwain i taozgaz nadin medaeŋlon so demadowoi.
6Ujanzen taozgaz nadin dal iloŋime,
ge salanbibiangaz nadin dal teaboi.
Currently Selected:
Israel Kan 1: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
