Israel Kan 3
3
Dawid inan ai Absalomoi bezazou iauge kanam me jabilak.
1O Ujazen, ŋainag agez kuzum mok!
Kuzum naognen dimais ditiuzdime;
2Kuzum ŋawoi dibol,
Anut izinnen inan anen idunen tea.
3Ge o, Ujazen, o gubiz egin lilitag,
o inag kubel, o ŋa naog bisaknen.
4Ŋa beŋten Ujanzenoi ŋawog,
i inan did gunlonge auag jabiime.
5Ŋa ŋaenmap ŋa ŋaen ŋepadalŋame,
faun ŋamais, Ujanzen zagug panagimelakoi.
6Ŋa tamolai 10,000 kuzum didiŋiag dililitaglak
iwoi so ŋazutŋame.
7Umaispa, Ujazen!
O inag Anut titiziag ŋiliagpe!
O inag agez daŋan weladin fedaziume,
o salanbibiangaz nadin liwodin pitiŋiniume.
8Ujanzen i tetazekŋaleknen fun;
oina baz oina tamolai fodinlak iduŋan. Sela
Currently Selected:
Israel Kan 3: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
