Israel Kan 17
17
Dawid inan gadiŋ ta.
1Azu tiduk ta uloŋpe, O Ujazen, inag tiŋia dab paniŋan!
Fiziŋog sekauk teag tiliŋalon inag gadiŋ dab pani!
2Olonpa inag fug beŋten itasawoi!
Oina mala abaŋ tiduk dab paniwoi!
3O inag bubeg kibianip, tidomlon izignen udutap,
o ŋa titag nasagpa, o kagin salan iloglon so nasiwoi;
auag au so ipasime.
4Oina aua inan azulon ŋa tamol nadin nauknauk
ilonnen, wagaitamol nadin dal mai ŋezezeŋani.
5Ŋa oina dal ŋapazge so ŋibinilak,
ŋainag nieg so peselaulak.
6Ŋa o ŋiwigioŋame, O Anut, i auag wabiwoilakoi;
tiliŋa diŋiagpa, inag azu uloŋpe.
7O kubellon oina ilopanek segatekdaŋan beŋten unaupe,
O inadin putudinpaseknen me nadin agezoi
bezazou diabig nima waŋlon deseafulak.
8Salanbibiangaz me dibininiagdime,
inag agez gegaun dililitagdime iwoi
9mala patun egin ŋa toanagpe,
ina bani inan jauŋlon toanagŋan.
10Bubudinlon teŋaealannen dibitidime;
auadinlon azu fezafuz diboldime.
11I dububuzagdime, mug dililitag mai;
tanlak debetetanag ŋabal ŋaduwoi meladinlon disiagdime.
12I laion egin detetazagoi gik denaudime,
laion faun kukumlon fenafunime egin.
13Umaispa, Ujazen, diŋiape, betetana!
Oina sebuzilon inag tinig wagaigaz nimadinlon tetazi ŋalepe.
14O Ujazen, oina nimalon tamol nimadinlon,
tanuzekgaz nimadinlon mai tetazag ŋiliagpe.
Abaŋ o iwoi padalnen bageunen unaulak melon loadin didiwoi;
nunudin mai abaŋ idusanen subuŋan mai deŋalewoi;
i mai nunudingaz abaŋ ta fuzan dipinidinoi.
15Ŋa bo taozlon nao ŋedeleŋaniwoi;
ŋa bas ŋamaispa ŋa nao mok ŋenasip tinig pasa iboloi.
Currently Selected:
Israel Kan 17: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
