Israel Kan 18
18
Kanamkamaŋ inan. Dawid, Ujanzen inan begabeg, inan kanam ta. Ujanzen Dawid agez nimadin, Saul nimanlon mai patun pasimeg Dawid kanam e sepaleg Anut naonnen jabilak.
1Ujazen, ŋainag tiwog, ŋa o ilog ŋepano
2Ujanzen i ŋainag gogoŋ, ŋainag kaboŋ, ŋainag seafuk,
ŋainag Anut, ŋainag pat, i‐lon ŋeseafup ŋemadonen ŋaloŋ,
inag gubiz, patugpasinen fai, ŋainag sep.
3Ŋa Ujanzen ŋewagiŋame, i kalel paninen iduse,
meginpe ŋa agezoi patug pasig ŋemadoŋame.
4Mateŋ inan mol me zikiaglak,
padalnen lom toanagoi inau;
5Hades inan mol poag,
mateŋ inan amag tiniagoi inau.
6Alan noagmeg ŋa Ujanzen ŋewagi;
inag Anut aneg iduwoi ŋepai.
Inan tempellonge i auag iloŋ,
inag wagiŋ tiliŋan iloŋ.
7Meginge tan ninig silisala ibol;
did fun mai gojogoja ibol
gedegadi mai, Ujanzen buzun isalakoi.
8Win inan jaulon jakas itase,
auanlonge nefazeknen ja idu;
i‐longe medagez inan balen mai lelaman.
9Did inaug takokge i tanlak idu;
nien paenlon mafuz tukan ien.
10I kerublak matalge izou;
i pasak mok tim baninlon idu.
11Mafuz tukan siben lilitig,
i fonlak uitaen metalun naz gauz taŋeg mummum.
12Naonnen lelamanlon inan uitaenlonge ui madid
git nanek mai idu.
13Ujanzen mai didlon wail inauime,
Sutan Mok i auan bufateg iwog,
ui madid git nanek mai itase.
14Inan tu ipange tamol ipititilia;
lelei inaug idug i sulusulag diau.
15Meginge mas mamasge
tan inan fod ipasig beŋten itase,
oina bebaneklon, Ujazen,
oina wi inan fezeŋaneklon.
16I latnenge niman woteg ŋiliag,
naz kuzumlonge ziag.
17Ŋainag agez gegaun nimanlon tetazag ŋiliaglak,
dumugunaglak iwoi mai;
ŋa i mai so ŋaduselakoi.
18Inag nal alanlon i izignen didu;
ge Ujanzen i ŋainag satuk.
19I duzagge aben bebaŋanlon noag;
inan buben ŋawoi ienlakoi i tetazag ŋiliag.
20Ujanzen i inag taoz sinanlon naon iduseg panaglak;
nimag ikokge dab ipanig naon iduseg panag.
21Ŋa Ujanzen inan dal ŋuzi ŋepanilakoi,
ŋa bubeg funig ŋainag Anut so ŋibinilak.
22Inan kibiaiŋ daŋan naognen ien,
inan kagin ŋa so ŋibitilak.
23Ŋa i naonnen au so ŋapas,
ŋa dab ŋenaug ja ta so biaglak.
24Mewoilakoi Ujanzen i inag taoz sinanlon naon iduseg panaglak,
i malanlon nimag ikoklak sinanlon naon inau.
25Bubudin maliklak me zidinnen bube malik e dibol;
tamol tininnen ja tealak izinnen o ja teabe dibol.
26Ikoklak me leŋadinlon o ikok e dibol;
azu dukumedime i zidinnen o kumekwain e dibol.
27Ibin didulak o putudin pasiumelakoi;
ge meladin latnenlak me uwab diduwoi.
28Au, o ŋainag lamp tuni panagume;
Ujanzen Anut inag mafuz me lelaman inauime.
29Es, olonpa ŋa judaup puzotoananen ŋaloŋ;
ŋainag Anutlon ŋa mad ŋodoloaninen ŋaloŋ.
30Anut e inan dal me gauai mok;
Ujanzen inan blanipanek me malikime;
daŋan me i izinnen deseafudime iwoi i gubiz inauime.
31Ujanzen teap it tat Anut niŋon?
Anut teap it tat pat egin gegaun?
32Anut me tiwon panagime,
inag dal mai kibine panagime, ŋa so ŋezegaiŋame.
33I noagge nieg isi nien ikol,
aben biseklaklon noagge ŋa gauai ŋemadoŋame.
34I nimag junauk inan maŋau peteŋaniime,
meginge nimag fi bronslon kibinelak ŋejaenen ŋaloŋ.
35O oina patunisaknen gubiz panaglak,
nima waŋ me dinaglak,
o aneg udulaklon biŋag panaglak.
36Nieg pazeknen aben bebaŋan panaglak,
nieg so iaulak.
37Ŋa inag agez ŋauzge ŋaŋallak;
ŋa ŋafu gauaimeg mon faun ŋamul.
38Ŋa ŋitizibibiag i dimaisnen so diloŋ;
i nieg paenlon dibal didu.
39O junaukoi tiwonlon bubutag,
didiŋiaglak me unauge paeglon didu.
40O unauge ŋainag agez miz depanag,
me i ŋa dumugunaglak me ŋafulak.
41Tata anedin diduwoi diwog, ge putudinpasinen ta so made,
Ujanzen mai dewagi, ge i auadin so jabi.
42Ŋa kulukal tim tuteimelak egin ŋepetefazalak;
sasa egin panu gezaŋenlon ŋesezanelak.
43Tamol panupanuwain maig azoimeg o tetazag ŋiliaglak;
O panupanu nadin getadin noaglak;
tamolpain ŋa get so ŋaloŋlak me biag depalu.
44I ŋawoi diloŋge i dagom depanag;
panu baswain detakokmeg izignen dise.
45Panu baswain bubudin fu ibolge,
dizutmeg nadin seplonge ditaseg dise.
46Ujanzen madoime; inag pat patun isap mado,
inag patugpaseknen inan Anut biŋan imais ilawoi.
47Anut me inaug ŋawoi tamolai naon pinidin,
fatufatu inan tamolpain ŋa paeglon inaulak.
48I me agez nimadinlon tetazag ŋiliaglak;
au, o noagge ŋa inag agez ŋenenazag ŋataselak;
wagaitamol nimadinlon o tetazag ŋiliaglak.
49Mewoi ŋa biŋa ŋibisawoi, Ujazen, panupanu ilonnen,
ina neaoi kalel ŋabiwoi.
50Inan kiŋ seŋanek ujan paniime,
me i buzugusilak i ilopanek segatekdaŋan paniime,
sansanpe, Dawid, inan daz mai.
Currently Selected:
Israel Kan 18: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
