Israel Kan 16
16
Dawid inan Miktam ta.
1Dab panagpe, Anut, olon ŋeseafug ŋemadoŋamelakoi.
2Ujanzen ŋepai, O ŋainag Ujanzen;
o tealon ŋawoi abaŋ gauai ta so ŋaloŋ.
3Gungaz tanlak i tamolai gizaud,
iwoi ilog ibolime.
4Me i tibud dubuli deŋaledime; i nadin alan subuŋan dezaedime;
inadin ja nauk daz ŋewalinen ŋamoi,
neadin mai baleglak so ienoi.
5Ujanzen i ŋainag fuzag, inag gab mai;
o ina sagen noaglak.
6Fatu gauailon tan panaglak;
au, inag fuzag me gauai.
7Ujanzen kibiai panagime me pez ŋepaniŋame;
tidomlon bubeg bebanagime.
8Ujanzen gaid naognen ŋenau;
i tinig waŋlonmap ŋa so ŋibiliŋewoi.
9Mewoi bubeg jaun isa, ŋainag uz zigeime;
tinig mai toanig gauai madoime.
10O ŋa binagpa Hadeslon so ŋemadowoi,
oina dagom unaup loflon so padaloi.
11Dal basnen me peteŋanagume;
o naonen zigieknen dadon isa,
oina nima waŋlon zigianek dedeŋanipnen.
Currently Selected:
Israel Kan 16: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
