Israel Kan 142
142
Dawid inan Maskil ta, gogoŋlon sepalelak.
1Ŋa klaguglon Ujanzen naonnen ŋawogŋame,
auaglon ŋa Ujanzen ŋogodoaniŋame,
2i naonnen inag azu muzuan beŋten ŋenauŋame,
inag alanoi i naonnen ŋabolŋame.
3Inag nitug miliaumap,
o inag dal uloŋ!
Dal ŋa ŋapazŋame
i siŋ ta ŋawoi dimiŋianilak.
4Inag malag waŋlon ilap dab ŋepani,
ge tata ŋawoi dab so panagime;
ŋa seafuknen ta tea,
tamol tata ŋawoi so ibolime.
5O Ujazen, ŋa o ŋiwigio;
ŋa ŋabol, O inag seafuknen,
tamolpain bas nadin fatulon o ŋainag fuzag.
6O inag tiŋia dab panipe;
ŋa alan mok noag!
Inag ŋalekuzekgazoi tetazag ŋiliagpe;
i gugudin, ŋa i mai so ŋaduse!
7Sebaneklonpa pisiag,
meginpe ŋa nea pez ŋepaniwoi!
Taozgaz i dililitagoi;
o ŋa kibiniag gauaipa idusawoi.
Currently Selected:
Israel Kan 142: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
