Israel Kan 141
141
Dawid inan kanam ta.
1O Ujazen, ŋa o ŋiwigio, o ŋawoi pasakoi!
Ŋa owoi ŋawogmap ina tiliŋa auag daŋepe!
2Inag gadiŋ me mozgazeŋ egin gamun funowoi,
nimag biseknen me juza inan janauk egin dab paniwoi!
3O Ujazen, o auag inan tizinek ta panag,
fiziŋog inan dalauan o dab panipe!
4Unaup bubeg abaŋ salan ta so daŋewoi,
tamol abaŋ salan denaudime
me leŋadinlon ŋa nauknauk salan ilog so gazewoi;
inadin anaŋ gamungamun mai so ŋaniwoi!
5Tamol gauai me lolon pututagpa teap bebanagoi,
ge salanbibian nadin gazeŋ gateg so bubuniwoi;
inag godoaneklon sansan nadin nauk salasala ŋedaŋeŋame.
6I me meselanektamol nimadinlon didulemap,
saen melon i Ujanzen inan azu malik me diloŋoi.
7Pat bodok me umlon salulon tefalep
boiboi pitikaig ilaime egin,
megin nadin dog Hades auanlon sezanep ilawoi.
8Ge inag malag o diŋio, O Ujazen Anut;
olonge ŋa seafuknen ŋelaŋaiŋame, o ŋa so binag mon!
9O ŋawoi i siŋ denaulak mewoi tizinagpe,
salannaukgaz nadin doboi mai!
10Unaup salanbibian sebadin nadin doblon didulemap
ŋa ŋauwoi.
Currently Selected:
Israel Kan 141: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
