Israel Kan 143
143
Dawid inan kanam ta.
1O Ujazen, inag godoanek dab pani;
ŋainag gadiŋ tiliŋa unaupe!
o bube maliklak, oina taozlon mai auag wabipe!
2Oina begabegoi kort so nau mon;
tamol bas tata o naonen taoz tealakoi.
3Agez i ŋa uzaglakoi;
i tinig nitug mai puzotoanig tanlak idu;
i noagge ŋa get dimatlak egin mafuzlon ŋematal.
4Mewoi iloglon jaeŋ sufutanag;
bubeg tinig ilonnen zoazukdaŋan.
5Ŋa nal wagamnen ilog isou,
o unaulak me daŋanoi ilog kankanime;
oina nima inaulak mewoi ilog gazeime.
6O naonen nimag ŋowoteŋame;
nitug tan kazak nazoi imatlak egin owoi imatime. Sela
7O Ujazen, pasak auag wabipe!
Ŋainag uz bodo ibolime!
Nao ŋawoi so miŋiani mon,
teap ŋa i egin Loflon ŋadulawoi.
8Unaup ŋa bomon oina ilopanek segatekdaŋan dab ŋepaniwoi,
ŋa o ŋenau ŋepanolakoi.
Dal ŋuzip ŋatozoi me peteŋanagpe,
o naonen ŋa nitug ŋibisaŋamelakoi.
9O Ujazen, ŋainag agez nimadinlon tetazag ŋiliagpe!
Ŋa bezazou ŋabig seafukoi o izinen ŋale!
10Oina aua uzi paninen peteŋanagpe,
o ŋainag Anutlakoi!
Unaup oina uz gauai duzagpe,
dal tiduklak.
11O Ujazen, oina neaoi tizinagpe!
oina taoz sinanlon abaŋ alanlon pisiagpe!
12Oina ilopanek segatekdaŋanlon inag agez gusutape,
inag daŋekgaz daŋan pitiŋina,
ŋa oina begabeglakoi.
Currently Selected:
Israel Kan 143: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
