Filipi 2
2
PAULUS INAN BEBANEK AZU TA, 2
Krisgaz nug ilon panipaniwoi
1Mewoi tansaek, ilonpanek inan iloŋalek, Uzgun inan peleŋanek, teŋaen alan dininen mai Kristuslon ienmap 2aŋ anaup ŋainag zigiek idusawoi, kankan taimonlon, ilopanek taimonlon atoz, daŋan lami kankan taimon.#Fil 4:2; Rom 15:5 3Siailon biŋan lasenlon lami taimonpa so anau mon, tea, ibinip adup nugoi lami ibol, Taig i kagin gauailon ŋa nenazagime.#Gal 5:26; Rom 12:10 4Ta i siben inan abaŋoi mon so ibol mon, tea, aenta nadinoi mai iboloi.#Kor I 10:24, 33
Krisgaz Jesus inan bini iduknen deteŋaniwoi
5Aŋ kankan me abi me aŋ Kristus Jesuslon aŋalelak, 6me i bo Anut kilian, ge i Anut maip zazep madonen me jabi gegaun mokoi so ibol,#Joh 1:1, 2; 17:5 7tea, i siben inan kubel binig begabeg ikol, tamolai kiliadin inaulak.#Jes 53:3; Kor II 8:9 8I tamol kilianmeg i siben bini idug dagom inaug ileg mateŋlon geg, es, jakebazeklak imat pasilag geg.#Heb 12:2 9Mewoi Anut i biseg latnen inaulak, nean ta ipani me neadin aenta daŋan beleŋanaime.#Apos 2:33; Ef 1:21; Heb 1:3, 4 10Me Jesus neanlon dugudin daŋan sebenaiwoi, didlon, tanlak, tan paenlon me mai,#Jes 45:23; Joh 5:23 11balen daŋan fun deblaniwoi, me Jesus Kristus i Ujanzen, Anut Mam inan kubeloi.#Rom 10:9
Medaeŋgaz patunisaknenoi jaeŋ sufutanawoi
12Meginge, bubeggaz, aŋ sansan dagom anaulak egin, ŋa ŋemademeg mon tea, tea, gazomnen mok ŋa aŋ mai so temadotame melon mai, nami putumiisaknenoi azutmap tinimi terere ibolmap mon uzat anau.#Pet I 1:17; Kan 2:11 13Anut lamilon tiwon pazeg uzat inauime me aŋ mai anauwoi, aboloi, i gamun funinen.#Joh 15:5; Kor II 3:5
14Abaŋ daŋan uŋuzuznen, lamise lamilanen tealon anau,#Pet I 4:9 15meginpe aŋ ja teab tali mon amado, Anut nanungaz peneŋ teag daz mikilin kubuzek mai leŋadinlon aŋ sul egin panupanulon lelamanoi.#Fil 1:10; Mat 5:14 16Azu basnen abimap ŋa Kristus inan nallonpa zigiagoi, ŋa se so ŋepalu, uzat wagai se so ŋenaulak e ŋaboloi.#Tes I 2:19; Jes 49:4; Gal 2:2 17Ŋa nami lamilon maliknen inan janauk inan naz egin wiwalak wiliagoipe ŋa ilog gauaipa aŋ daŋan maip jaud isawoi.#Tim II 4:6 18Aŋ mai lami gauaipa ŋa maip jaud isawoi.#Fil 3:1; 4:4
Timoteusoi azu ta
19Ujanzen Jesuslon ŋusuzuazouŋame, kitek ta maip ŋa Timoteus ŋenaup ziminen ilap aŋ dodin amadoame me ŋaloŋmap ilog gauaioi. 20Ta izignen so madoime me i egin aŋ malik gauai amadoame jaeŋ funiime.#Kor I 16:10 21Daŋan nadinoi mon dedaleldime, Jesus Kristus inanoi tea.#Tim II 4:10, 16 22Ge Timoteus inan segatek aŋ aloŋ gauai, i nanun taman diniime egin totol gamunlon uzat anaulak. 23Mewoilakoi ilog ibol ŋa dodin donoagoi me ŋaloŋpa ŋa i ŋenaup ziminen ilawoi. 24Kitektap ŋa sibeg mai ŋalawoi Ujanzen ŋenau ŋepaniŋame.#Fil 1:25
Epafroditusoi azu ta
25Ŋa Epafroditus, ŋainag taig, uzatbi, jubi biag paluknen mai me nami totol ŋenaup ziminen ilawoi iduse ŋabol.#Fil 4:18 26I aŋ daŋanoi jateg madoimelak, i maiai funig biŋ aloŋlakoi mai ilon izut. 27Malik, i sub funig mateŋ siziz. Anut bo kanim ŋaleg pani, ge i mon tea, ŋa mai, ŋa teŋaeg alannen so batep ilawoi. 28Mewoi ŋa i kin pasak ŋenaup ilawoi ŋisisikŋame, aŋ i faun anasip lami gauaioi, me ŋa mai ilog pasa iboloi. 29Aŋ iwoi jumi isap Ujanzenlon aŋale, tamol i egin aŋ lamilon mon biŋadin ibisa.#Kor I 16:16 30I Kristus inan uzatoi imat bedanilak, noami iŋalge biag palumeg siben tinin bas madowoi wolaul so inau.
Currently Selected:
Filipi 2: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
