Filipi 1
1
PAULUS SIBENOI, EPAFRODITUSOI MAI IBOL, GODOANEK BEBANEK AZU MAI BATE, 1
Tabei panek
1Paulus Timoteus mai Kristus Jesus inan begabeg, aŋ gungaz Filipinen amadoame daŋan, gaten dinekgaz mai,#Kor I 1:2; Tim I 3:1, 8 2Anut inad Mam, Ujanzen Jesus Kristus mailon kanim mazozdaŋan amado.#Rom 1:7
Pez panek godoanek mai
3Ŋa aŋoi ilog isoumap ŋa sansan ŋainag godoanek daŋanlon aŋ daŋanoi Anut pez ŋepaniŋame,#Rom 1:8; Kor I 1:4 4jaugdaŋan godoanek ŋenauŋame, 5name peleŋanek totol gamun ilanenoi nal malanlonge ileg gazomnen. 6Ŋan ewoi ilog malikime, me i aŋlon uzat gauai fun inaulak i inaup ilap Kristus inan nallonpa dadon isawoi.#Fil 2:13; Kor I 1:6–8 7Ŋa aŋ daŋanoi bubeg meginlak me iduse, aŋ daŋan bubeglon amadoamelak, aŋ ŋainag sebaneklon totol gamun stemaneknen sigianeknen mailon ŋa mai kanim wei teŋaletame. 8Anut i ŋainag sigianekged, ŋa Kristus Jesus bubenlon aŋoi ilog gauz ibolime.#Rom 1:9 9Mewoi ŋagodŋame, nami lamipanek iloŋnenlon betenaeknenlon mai dadon isa mok isawoi,#Rom 15:14 10Meginpe kagin niŋonoi Me gauai e aboloi, lap aŋ bubumi ikok peneŋ teab amadowoi, Kristus inan nallonpa.#Rom 12:2; Tes I 5:23 11Taoz inan niŋon kuzum me Jesus Kristuslon itasaime me aŋ ifofokoi, Anut inan kubel kalel paneknen mai mewoi.#Ef 5:9
Paulus inan sebaneklon totol gamun pezezeŋaneg ile
12Taiggaz, aŋ aloŋoi ŋabol, abaŋ i ŋa donoaglak melon totol gamun inan dal pasilak.#Tim II 2:9 13Meginge opas nadin panu inan daup ujan, aenta mai mug diloŋ ŋa Kristusoi desebanaglak.#Fil 4:22 14Taidgaz kuzum ŋainag sebaneklon Ujanzen denau depanimeg gauz disililig dizeznen teag Anut azu dibol. 15Aenta bo i jenain isuiklon siailon mai Kristus inan fun deflaledime, ge aenta malollon. 16E me ilopaneklon denaudime, i diloŋ ŋa totol gamun stemaneknenoi donoaglak. 17Aenta bo bulaseslon Kristusoi fun deflaledime, ladin taozlon tea, tea, inag sebaneklon alan nauk ta degatep depanagoi.#Fil 1:7; Rom 2:8 18Mewoi dodin? Me mon, dal daŋanlon Kristus inan fun deflalewoi, se mon tat, tea, malik niŋonlon tat, mewoi zigiagime, au, sansan zigiagoi.#Fil 2:17, 18
Tanlak madonen me medaeŋoi gauai, mateŋ Kristus maip madonen me Paulusoi gauai
19Au, ŋa zigiagoi, ŋa ŋaloŋlak aŋnami godoaneklon, Jesus Kristus inan Uz mai aneg idumap abaŋ elon patug pasek iduwoi.#Kor II 1:11 20Ŋa tinig gauz ŋenauŋamelak egin ŋusuzuazou mai ŋa mamai so ŋeŋalewoi, tea, ŋa se ŋisililip sansan ŋenaulak egin gazo e mai Kristus inan biŋan ŋainag tiniglon imais ilawoi, baslon tat, tea mateŋlon tat. #Pet I 4:16 21Kristus i inag bas madoknen, mateŋ me ŋainag naon subuŋan ŋaleknen.#Gal 2:20 22Ŋa tiniglon bas ŋemadowoitap ŋa Anut inan uzat ŋenauwoi, ge abaŋte tat ŋipilianiwoi, me so ŋaloŋ.#Rom 1:13 23Abaŋ azugen me pinagge ŋemadoŋame. Bubeg ibol ŋa tan ŋibinip Kristus maip amadowoi me aenta nenazig gauai mok.#Kor II 5:8; Tim I 4:15 24Ge tiniglon tanlak ŋemademap me aŋoi iduse. 25Ewoi ilog malikge ŋaloŋ, ŋa ŋemademap aŋ ŋidinaŋpa lamilon maliknen inan zigieklon adaiawoi. 26Meginpe ŋa faun te ziminen ŋalemap aŋ ŋawoi Kristus Jesusoi zigiaŋnen gauz aloŋoi.
Medaeŋgaz gauai ditozoi bebanaime.
27Ge me nami tazeŋ Kristus inan totol gamunoi idusap atozooi, meginpe ŋa ŋalap ŋenasaŋmap, tea, so ŋaletap aŋoi ŋaloŋoi, aŋ uz taimonlon gauai atiuzame, kankan taimonlon totol gamun inan ilonlon maliknenoi temanig wagai anauame.#Kol 1:10; Tes I 2:12 28Agez abaŋ talon so debetezeŋanaŋoi. Me iwoi padalnen bagoz, ge aŋoi putumi paseknen, me mai Anutlon.#Kor I 16:9 29Kristus Jesusoi me panaŋlak aŋi se mon so lamilon malikoi, tea, aŋ mai iwoi alan anaup amadowoi.#Apos 5:41 30Ju me get ŋalon anasilak me gazomnen aŋ mai aloŋ anauwoi.#Apos 16:22
Currently Selected:
Filipi 1: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
