Mateus 8
8
KRISTUS MAŊAU KUZUM INAUIME, 8–9
Jesus tamol ta pizapizdaŋan kibine
1I didlakge idug tamolpain malan ujanujan i duzi. 2Nasi ta pizapizdaŋan izinnen iseg naonnen dagun sebenaig ibol, Ujazen, o so umoitap o tinig upaip inag pizapiz sezanep ikokoi. 3I inan niman woteg jabig ibol, Ŋa so ŋamoi, o tini ikokoi. Buntaimon inan pizapiz ibinig tinin gauai. 4Jesus ipai, Dab nau, ta so pai mon, tea, ulap waliŋtamol tini peteŋanip, lo abaŋ mewoi Moses kibiaiŋ ienime me unaup tamolpain diloŋoi.#Mat 9:30; Mar 7:36; Luk 7:14; Lew 14:2–32
Opasgaten inan ai maiaidaŋan
5Kapernaum idulemeg opasgaten ta izinnen iseg igosigosmeg 6ibol, Ujazen, ŋainag ai ablon bebazum funig ienime, tinin gauz dizozdime. 7I ipai, Ŋa ŋalap ŋikibinewoi. 8Opasgaten auan jabig ibol, Ujazen, o ŋainag ablon udusanen ŋa so iduse, azu mon ubolpa inag ai tinin gauaioi. 9Ŋa mai tamol gaten paenlon ŋemadoŋame, ŋa paeglon mai opas ta demadodime. Ŋa ta ŋepaimap, Ula! i ilaime; ta ŋepaimap, Uso! i isoime; inag begabeg ta ŋepaimap, Unau! i inaumine. 10Jesus e iloŋge izut, uzekgaz ipidin, Malik ŋa aŋ ŋepaiaŋ, ilonlon maliknen zen egin ta Israel ilonlon get so ŋenasilak.#Mat 15:28 11Ŋa aŋ ŋepaiaŋ, kuzum kazag baŋenlonge, dadau baŋenlonge disop Abraham, Isak Jakob mai didnen kiŋdomlon tuz dimiliwoi.#Jes 49:12; Luk 13:28, 29; Kan 107:3 12Ge kiŋdom inan nanungaz mafuz tinanlon siziniawoi, melak tiŋia iduwoi, liwodin grigra ibol maiwoi.#Mat 22:13; 24:51; 25:30; Kan 112:10 13Jesus opasgaten ipai, Oinanen ula, o ilolon moliklak egin, megin o izinen iduwoi. Ai saen me moklon tinin pasa ibol.#Mat 9:29; 15:28
Petrus inan zauan
14Jesus Petrus inan ablak iduseg inan zauan maiai funig ien.#Kor I 9:5 15I inan niman jabig maiai funilak me binig i imaisge bian ipalu.#Mar 5:41; Mat 9:25 16Juzameg i buga salandaŋan kuzum diŋalge izinnen dise. I azulon buga sladin ikuduag maiai ifulak daŋan kibinia. 17Profet Jesaia ibollak me niŋon inauwoi, i ibol, I siben idinad miliau iŋalge idinad maiai i joaze.#Jes 53:4; Joh 1:29, 36
Jesus i sunuzekoi ibol
18Ge Jesus tamolpain malan ujan i dililitimeg ilge i ibol, Id aen talon talawoi.#Mar 4:35; Luk 8:22 19Gazekmaŋau ta izinnen iseg ipai, Peteŋanek, o domtendomten tat ulaume ŋa o ŋusunuzowoi. 20Jesus ipai, Ŋeu i lofdaŋan, ma did paenlon me uzdaŋan, ge Tamolai i malan inaup iennen aben tea.#Kor II 8:9; Kan 84:4 21Meglaum ta Jesus ipai, Ujazen, Au ubolpa ŋa get ŋalap ŋainag mam loflon ŋenauwoi.#Kiŋ I 19:20 22Ge Jesus ipai, Ŋa uzagpa utoz, me i dimatlak nadingaz dimatlak denauwoi.
Mas salange to ibol
23I wag talak iduseg inan meglaum i duzi.#Kan 4:8 24Ge nasi, tim ujan maslon imaisge kizikoz wag loloani, ge i ien padal. 25I izinnen diseg dufuŋunig dibol, Ujazen, titiziama ŋiliamapa, tepadaltame. 26I pidin, Aitoi azezame, aŋ lamilon maliknen kitek aŋ? Meginge imais tim mas mai ibebanag mas manin salei ibol. 27Tamol dizutge dibol, I tamol dodin tat, tim mas mai dagom depanidime.#Luk 5:8
Jesus buga salan ikudui
28I aentakilon iseg Gerasena nadin fatulon ai azugen buga sladindaŋan fedafodlonge depalug izinnen dise, i wagai gauz mok denaudimelakoi tamol ta dal melon itoznen tea. 29Nasi, i dibobge dibol, Am o maip abaŋte, Anut inan Ai? Saen so pisinimeg o am titiliamawoi use?#Luk 4:41; Pet II 2:4 30Ge kin ibennen boz malan ujan abaŋ dunuameg ditoz. 31Me buga sladin digodge dibol, O kuduamamap noamap am boz tinidinlon adulawoi. 32I pidin, Ala. I ditaseg bozlon didule. Ge nasi, malan daŋan pulufunag gazaplon disisug nazlon idid pasi. 33Tizinekai diauge panulon dile, abaŋ e daŋan sai diani, ai buga sladindaŋanlak iwoi mai. 34Nasi, panu me tamolai daŋan Jesus izinnen dise. I denasig i nadin fatu ibinip ilawoi deseseŋani.#Joh 12:13
Currently Selected:
Mateus 8: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
