Johanes 15
15
Wainfun niŋon, inan zaen mai
1Ŋa wainfun niŋon, ŋainag Mam i wainfun inan um tizinek.#Kan 80:9; Mat 21:33; Mat 15:13 2Ŋainag zaen daŋan me niŋon so inauime ipasiime; zaen daŋan i fiafuime me kibineime, meginmap i kin gauz fiafuwoi. 3Aŋ mug azu me ŋa ŋepaiaŋlak melon aŋ ikok noaŋlak. 4Ŋalon gaid amado, ŋa aŋlon gaid ŋemadowoi. Zaen siben wainfun tininlak so ientap fiafunen so iloŋlak egin, megin aŋ mai ŋalon so amadetap niŋon anaunen tea. 5Ŋa wainfun, aŋ zaen. Me i ŋalon gaid mademap, me ŋa i‐lon gaid ŋemadop i kin gauz fiafuwoi, me ŋa tealon aŋ abaŋ ta anaunen tea.#Kor II 3:5; Joh 5:19 6Tamol ta i ŋalon so madetap i zaen egin tani ilap makazoi, tamolai denanep jalon didizip nanawoi.#Mat 3:10 7Aŋ ŋalon gaid amadop, ŋainag azu aŋlon gaid ienmap, aŋ abaŋ ta nean anaup agodpa aŋ megin naup panaŋoi.#Joh 5:38; Mar 11:24 8Aŋ niŋon zen anaup itasemap melon aŋ ŋainag meglaumlak me beŋten anaup ŋainag Mam biŋandaŋanoi.#Mat 5:16
Ilopanek fun dodin?
9Mam ŋa ilon panaglak egin, megin ŋa aŋ ilog ŋepanaŋlak, aŋ ŋainag ilogpaneklon gaid amado. 10Aŋ ŋainag kibiaiŋ uzi apanimap aŋ ŋainag ilogpaneklon gaid amadowoi; ŋa ŋainag Mam inan kibiaiŋ ŋuzi ŋepanig inan ilonpaneklon ŋemadelak egin.#Joh 14:15; 8:29 11Azu e ŋepaiaŋlak me ŋainag jaug isanen aŋ lamilon ienoi, meginpe jumi isaknen idusawoi.#Joh 3:29; 17:13
12Ŋainag kibiaiŋ me megin: Aŋ nug ilon panipaniwoi, ŋa aŋ ilog ŋepanaŋlak egin.#Joh 13:34 13Ta inan ilonpaneknen me e so nenazi, i siben kadoioi imat pasiime me.#Joh 10:11; Joh I 3:16 14Ŋa kibiai ŋepanaŋlak me dab apanip atozmap aŋ ŋainag kadoi.#Joh 8:31; Mat 12:50 15Ŋa mug begabeg e so ŋepaiaŋŋame, tamolujan inauimelak me begabeg so iloŋime, mewoi. Tea, ŋa kadoi e ŋeblanaŋ, abaŋ Mam ibolmeg ŋaloŋlak me daŋan ŋepaiaŋge aloŋlak. 16Aŋ ŋa so pilianaglak, tea, ŋa aŋ ŋipilianaŋge ŋonoaŋlak, aŋ alap niŋon anaup atozoi, niŋon me dedeŋanip ienoi. Mewoi abaŋ tatawoi aŋ ŋainag neaglon Mam ogodoanimap panaŋoi.#Joh 13:18; 6:70 17Abaŋ e ŋa aŋ ŋepaiaŋ aŋ nug lami panaŋoi.
Tealakgaz Jesus dumugunig meglaum mai dumuguna, ge Auanuzgun Anut azu daŋan flaleime
18Tealakgaz aŋ dumugunaŋmap aŋ aloŋ i get ŋa dumugunaglak.#Joh 7:7 19Aŋ tealakgaz mai taimonpeges tealakgaz mai nadin badimgazoi dimatoi; ge aŋ tealakgaz mai taimon tea, tea, ŋa i leŋadinlon ŋipilianaŋge ibennen ŋonoaŋlak mewoi i aŋ dumugunaŋ.#Joh I 4:5; Joh 17:14 20Azu ŋa aŋ ŋepaiaŋlak me lami isou, begabeg i inan ujanzen so nenazig isou itase. I ŋa diŋiliag duzaglak, i aŋ mai diŋiliaŋ duzaŋoi; me i ŋainag auag duzi depanilak, meginpe i aŋnami auami mai dab depaniwoi.#Joh 13:16; Mat 10:24 21Ge abaŋ me daŋan ŋainag neagoi donoaŋoi, i me noagge ŋaselak i so diloŋlakoi.#Joh 10:22; 16:3 22Ŋa so ŋasop ŋipidinpe i aupasek teape, ge i meginlakoi i aupasek teabe dibolnen so diloŋ. 23Me i ŋa mugunagime i ŋainag Mam mai muguniime.#Joh 5:23; Luk 10:16 24Ŋa nauknauk iben ta, tamol ta get so inaulak, i leŋadinlon so ŋenaupe i aupasek teape; ge gazo i ŋa Mam mai denesamag dumugunuma mailak.#Joh 14:11 25Ge melon azu niŋon inauwoi me inadin kibiaiŋlon gazelak, ibol, I ŋa se mon dumugunaglak.#Kan 35:19; 69:5 26Ge Ilonŋaleknen, maliknen Uz me Mamlonge itasaime, me Mam izinnenpa ŋenaup isop i ŋa sigianagoi.#Joh 14:26; Luk 24:49 27Aŋ mai isigianagpa atozoi, aŋ funlonge ŋa maig temadelakoi.#Apos 1:8; 5:22
Currently Selected:
Johanes 15: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
