Popular Bible Verses from Johanes 15

Share

Ŋa wainfun, aŋ zaen. Me i ŋalon gaid mademap, me ŋa i‐lon gaid ŋemadop i kin gauz fiafuwoi, me ŋa tealon aŋ abaŋ ta anaunen tea.

Ŋalon gaid amado, ŋa aŋlon gaid ŋemadowoi. Zaen siben wainfun tininlak so ientap fiafunen so iloŋlak egin, megin aŋ mai ŋalon so amadetap niŋon anaunen tea.

Aŋ ŋalon gaid amadop, ŋainag azu aŋlon gaid ienmap, aŋ abaŋ ta nean anaup agodpa aŋ megin naup panaŋoi.

Aŋ ŋa so pilianaglak, tea, ŋa aŋ ŋipilianaŋge ŋonoaŋlak, aŋ alap niŋon anaup atozoi, niŋon me dedeŋanip ienoi. Mewoi abaŋ tatawoi aŋ ŋainag neaglon Mam ogodoanimap panaŋoi.

Ta inan ilonpaneknen me e so nenazi, i siben kadoioi imat pasiime me.

Ŋainag zaen daŋan me niŋon so inauime ipasiime; zaen daŋan i fiafuime me kibineime, meginmap i kin gauz fiafuwoi.

Ŋainag kibiaiŋ me megin: Aŋ nug ilon panipaniwoi, ŋa aŋ ilog ŋepanaŋlak egin.

Aŋ niŋon zen anaup itasemap melon aŋ ŋainag meglaumlak me beŋten anaup ŋainag Mam biŋandaŋanoi.

Ŋa wainfun niŋon, ŋainag Mam i wainfun inan um tizinek.

Tamol ta i ŋalon so madetap i zaen egin tani ilap makazoi, tamolai denanep jalon didizip nanawoi.

Azu e ŋepaiaŋlak me ŋainag jaug isanen aŋ lamilon ienoi, meginpe jumi isaknen idusawoi.

Aŋ ŋainag kibiaiŋ uzi apanimap aŋ ŋainag ilogpaneklon gaid amadowoi; ŋa ŋainag Mam inan kibiaiŋ ŋuzi ŋepanig inan ilonpaneklon ŋemadelak egin.

Abaŋ e ŋa aŋ ŋepaiaŋ aŋ nug lami panaŋoi.

Aŋ tealakgaz mai taimonpeges tealakgaz mai nadin badimgazoi dimatoi; ge aŋ tealakgaz mai taimon tea, tea, ŋa i leŋadinlon ŋipilianaŋge ibennen ŋonoaŋlak mewoi i aŋ dumugunaŋ.