Jakobus 5
5
Filiangaz sisusisu mon ditoz i betenaekoi dizezoi
1Waio, aŋ filiangaz, atapa, asagaipa, abaŋ alan aŋ fomilak idup toanaŋoi, mewoi.#Luk 6:24 2Nami filiami imaulak, nami jamel kelelamud funi.#Mat 6:19 3Nami gold gaŋmalan mai patan jabi, ŋan patan me aŋoi azu beŋten iboloi, au, me ja egin mudami nanawoi. Aŋ wadan saenlon tannen jes atemanig atozlak.#Met 16:27 4Anasi, uzattamol aŋnami uzat denaulak me nadin uzat naon aŋ sekauk anaug apizianalak, nami ablonge didnen ibobime, me weigaz aŋ biami depalulak, inadin wagiŋ alan Ujanzen Sebaot tiliŋanlon idulelak.#Deut 24:14, 15 5Aŋ zigiaŋmeg mon anaŋ ujan unuameg mon tanlak made. Aŋ boz saeknen nal eginlon nami bubumi futuig gamunlak.#Luk 16:19, 25; Jer 12:3 6Tamol taoz aŋ ameselanig ufunig imatlak, ŋan i liwomi so jabi.#Met 3:34
Ladinlon malikgaz i Ujanzen inan imul isoknen malan denauwoi
7Taiggaz, nasinasimap mon amadop, Ujanzen imulpa isop eginmap. Aŋ aloŋ, um paeknentamol niŋon malan inauime. Ui malanmalan idulag i ui wadannen mewoi so sisikime, gazop iduwoi ibol.#Luk 21:19; Heb 10:36 8Aŋ megin mai so sisik mon, tea, bubumi gegaun naup amado, Ujanzen imul isoknen me sizizlak.#Heb 10:25 9Aŋ nugoi so uŋuzuz mon, taiggaz, aŋ so bitiniaŋoi, mewoi. Aloŋ gauai, betenaekkamaŋ ab dalauan naonnen itiuzime. 10Taiggaz alan naukoi nasinasinenoi mai aŋ profetgaz ail, i Ujanzen neanlon azu dibollak, i naolalek egin aŋalpa amado.#Mat 5:12 11Anasi, i me segatekdaŋan demadelak, i putudin isag demadodime e taboltame. Hiob inan segateknenoi aloŋlak, wadan mai aloŋame, me Ujanzen kibineg gauai ipanilak. Melon aloŋpaged Ujanzen i ilonpaneknen teŋaen alannen mai madoime.#Kan 103:8; 111:4; Hiob 1:21, 22
Stemanek azu so taboloi, togodoaniwoi, aentawoi gadiŋ tenauwoi
12Malanmalan mok, taiggaz wezami, did naonnen, tan abaŋ tata naonnen tukumi so wotep abol, Malik mok malik e ŋabol, me so abol mon! Tea, nami Au me Au niŋon, nami Tea me Tea niŋon, meginpe aŋ betenaek naonnen so noaŋoi.#Mat 5:34–37
13Aŋ leŋamilon ta alan inaumap, i godoaniwoi. Ta i buben gauaige madoime, i kanam jabiwoi.#Kan 50:15; Kol 3:16 14Ta sub funig ienime, i matugaz wigidinpa disowoi, i Anut neanlon gazeŋlon tinin buzugusiwoi, i izinnen digod maiwoi.#Mar 6:13 15Meginpe ilonlon maliknen godoaneklon sub ibinip, Ujanzen i tamol me tinin kibinewoi; i auipaslak tat, meginpe suasnen iŋalewoi.#Mar 16:18 16Mewoi aŋ nug nami aupasek blaniblaniwoi, nugoi agod maiwoi. Meginmap aŋ kibiniaŋmap basoi. Tamol taoz inan gadiŋ bubendaŋan igod, me tiwondaŋan. 17Elias i tamol id ikol, ge buben malikdaŋan igodlag tanlak umaz tolgen fulei siks mai ui kin so idulak.#Kiŋ I 17:1; Luk 4:25; Apos 14:15 18Faunte igodlag did faun mug ui panig idu, tanlak abaŋabaŋ faun ifuz gauai isa.#Kiŋ I 18:42
Zegaig ditozdime iwoi aned taduwoi
19Ŋainag taiggaz, ta i kagin maliknen dallak izegaig itoztap, aenta i faun idaŋsanen ipanimap,#Gal 6:1 20i e iloŋ gauaioi, ta i aupasekbibian inan zegaik dallonpa duzip imul isemap, i nitun ta Hadesoi gaten pasiime, aupasek kuzum mai toana iduime.#Kan 51:15; Met 10:12; Pet I 4:8
Currently Selected:
Jakobus 5: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
