Petrus I 1
1
Tabei panek
1Petrus Jesus Kristus inan apostel, pilianekgaz baswain pezetalek inan fatu Pontus, Galatia, Kapadokia, Asia, Bitinianen mai,#Jak 1:1; Kan 39:13 2Anut Mam i wagam iloŋlak, Uzgun sinan i aŋ Jesus Kristus dagom panekoi, inan daz gun staleknenoi mai gun noaŋlak: kanim mazoz mai kuzumpa aŋaleŋan.#Rom 8:29; Heb 12:24; Tes II 2:13
DIDPANU BLANI PANEKOI ANUT PEZ PANIME 1:3—1:12
Petrus pez panek fun flaleime
3Idinad Ujanzen Jesus Kristus inan Anut Taman mai patun isap mado! Me i inan kanim zen sinanlon suzuazouk basnenoi faun noad muglak, Jesus Kristus mateŋlonge imaislak melon.#Jak 1:18; Ef 2:4 4Me fuzan padalnen tea, nun tea, samoinen mai tea, didlak aŋoi sagen inaulak.#Kol 1:12 5Aŋ me Anut tiwonlon ilonlon maliknen sinan putumi isanenoi tizinaŋime, me saen wadanlon boboloaniwoi kibineg ienime.#Joh 10:28; 17:11; Kor I 2:5 6Aŋ melon zigiaŋame, ge gazomnen saen tituklon kibianek funfun aŋalewoi tat.#Rom 5:2; Kor II 4:17 7Meginpe nami lamilon maliknen inan niŋon me gold padaloi ienime me nenazi, ge tamol tan abaŋ me deŋalep jalonpa dikibianidime egin aŋlon mai Jesus Kristus inan boboloaneknen Anutoi kalel, kubel biŋan mai itasawoi.#Met 17:3; Maleak 3:3 8Aŋ i so anasilak, ge lami apaniame. Aŋ i gazo bo so anasiame, ge lamilon malikime, lami gauai mok, tabolnen tea, jumi isaime, biŋan mai gauz ibisaame.#Joh 17:20; 20:29; Kor II 5:7 9Lamilon maliknen inan wadan nutumi patunpaseknen aŋaleame.#Rom 6:22
Profetgaz eŋel mai patudpaseknenoi dibol
10Profet i kanim me aŋ panaŋoi get dibollak i patunpaseknen ewoi sodoz denaug delaŋai mai.#Mat 13:17; Luk 10:20 11I jaeŋjaeŋ debezani, saŋeptap, dodin tat isowoi. Me Kristus inan Uz ladinlon madeg imugseg peteŋanameg i Kristus inan alan nauk, kubel me alan nauk uziime mai disigianilak,#Kan 22; Jes 53; Luk 24:26 12Sebadinoi mon so peteŋana, tea, aŋ dinaŋnen me boboloanig diloŋ, abaŋ ŋan me i gazomnen aŋ depaiaŋdime, i aŋ totol gamun Auanuzgun didlon inaug idulaklon depaiaŋdime, i aŋ totol gamun Auanuzgun didlon inaug idulaklon depaiaŋlak me eŋelgaz dedeleŋaniwoi jaeŋ ifulak.#Ef 3:10; Luk 2:13
TANSAEK TATA, 1:13—2:10
Tazeŋ daŋan gunoi
13Mewoilakoi aŋ nami kankan ikibine, so abolpa amado, Jesus Kristus inan boboloaneklon aŋ ziminen iduwoi me inan suzuazoukoi lami gazep amado.#Luk 12:35; Ef 6:14 14Nanuggaz dagom egin amado, nami bubumi imaisnenlon, get so aloŋlak, melon faun so akol mon.#Rom 12:2; Ef 4:17 15Tea, me aŋ wigiaŋlak i gunlak egin, megin aŋ sebami mai tazeŋ daŋanlon gun atozoi. 16Megin gazelakoi, Aŋ gun amadowoi, ŋa gunlakoi.#Lew 19:2
Uzat ujanlon putumi pasilak, azezpa amado
17Aŋ i me tamol biŋadin dab so panig nadin nauknauk dadon betenaeime, ŋan me Mam ablanitap aŋ nami pezetalek inan saenlon azutmap atozoi.#Kan 89:27; Mat 6:9; Rom 2:11 18Aŋ aloŋ aŋ nami kagin lasen me temamigaz fuzan depanaŋlak melon padalnen abaŋ silwer gold egin mai so idadlak.#Kor I 6:20; 7:23; Pet I 4:3 19Tea, daz dadeŋ gegaunlon, me belelek nanun ja tealak, ikok mailak inan dazlon, ŋan Kristus inan.#Jes 53:7 20I tan fod so ienmeg Anut i inaulak, ge aŋoi saen wadan elon beŋten inaulak.#Rom 16:25, 26; Ef 1:4 21I‐lon aŋ Anutoi lami malik, me i Kristus mateŋlonge fuŋunig imaislak, kubel mai ipanilak. Meginge nami lamilon maliknen suzuazouknen mai Anutlon ienime.#Joh 14:6; Rom 4:24
Bubudin malikdaŋan nug ilon panipaniwoi
22Aŋ azu malikoi dagom paneklon nutumi ikok anaumeg timigaz bubumi malikdaŋan lami pinidinnenoi, aŋ nugnug mai bubumidaŋan ilon panipaniwoi.#Joh I 5:1 23Aŋ faun noaŋ muglak, daz padalime melon tea, tea so pedalime melon Anut inan azu bas dedeŋaneknen mailon.#Joh 1:13; Jak 1:18 24Me ibol, Tamolai tinidin daŋan me kebasik egin, inan kubel me kebasik inan zizigun egin mon. Kebasik imakaz, zizigun ibal iduime.#Jes 40:6, 7; Jak 1:10, 11 25Ge Ujanzen inan azu me dedeŋaneknen. Azu me totol gamun aŋ depaiaŋlak.#Jes 40:8
Currently Selected:
Petrus I 1: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
