Hebrea 8
8
JESUS INAN JANAUK UZAT, 8:1—10:18
Inad waliŋgaten me didwain, tanwain tea
1Azu am abolame inan fun megin: inad waliŋgaten i didlon Anut i sutanlak inan pezatiu niman waŋlon imatalime.#Heb 4:14 2I galuŋ gun mok lealai niŋon me tamol so inaulak, tea, Anut inau, i me inan biabi madoime. 3Waliŋgaten dadodado pez panekoi, aupasekoi mai ja inauwoi. Mewoi waliŋ i janauknen abaŋdaŋan imadowoi.#Heb 5:1 4Ge Jesus i tanlak madope i waliŋ teabpe, waliŋ i kibiaiŋ duzig anaŋ abaŋ ja denaudimelakoi. 5Me didnen abaŋ inan ŋelaŋal nitun mai. Moses lealai inauwoi inaumeg Anut i kibiai panig ibol, O dab nau, naolalek didlak ŋepeteŋanolak egin mok unau.#Kol 2:17; Ekso 25:40
Kristus inan dinek uzat me getnen inan nenazi
6Gazo bo megin tenasi, Kristus i inan biabi paluk uzat iŋalelak me blani panek ujandaŋanlakoi getnen me beleŋani, saen gazomnen inan temaneknen getnen inan me nenazilak egin.#Heb 7:22; 12:24; Kor II 3:6 7Temaneknen malanlon me niŋonpe temaneknen tawoi dal so ienpe. 8Ge Anut i peneŋanaime ibol, Nasi, nal iduwoi, Ujanzen ibolime, Ŋa Israelbadim, Judabadim mai temanek faun ŋenauwoi.#Jer 31:31–34; Heb 10:16, 17 9Temaneknen me ŋa temadin nimadin ŋabge Egipta fatulonge ŋedauzimeg i mai ŋenaulak temanek egin tea, i ŋainag temaneknen melon so ditozlakoi, mewoi Ujanzen ibol, Ŋa i dab so ŋipinidinlak.#Ekso 19:5, 6 10Temanek ŋa Israelbadim mai ŋenauwoi ŋabol me megin, saen e kin binip, Ujanzen ibol, Ŋa inag kibiaiŋ nadin kankanlon ŋenauwoi, nadin bubudinlon ŋegazep ienoi; ŋa inadin Anut ŋemadowoi, i ŋainag tamolpainbadim demadowoi.#Kor II 6:10 11I me daŋan dadodado nadin muduban, tea, tidin tat kagin so peteŋanip diboloi, Ujanzen inan fun uloŋ. I daŋan ŋa diloŋoi, mitingaz tinidinlonpa ilap ujangaz tinidinlon tapasoi. 12Inadin zegaikoi ŋa kanim ŋipinidinoi, nadin aupasek faun so ilog isouwoi. 13Temanek faunoi ibolmeg i temanek malanlon me tefalok egin inau. Abaŋ i tefalokge metamatlak me mug mitianoi inauime.#Rom 10:4
Currently Selected:
Hebrea 8: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
