Hebrea 7
7
JESUS, WALINGATEN MELKISEDEK EGIN, 7
Melkisedek inan fun
1Melkisedek Salem inan kiŋ, Anut sutanlak inan waliŋ me Abraham i kiŋgaz ifulag aonge imulmeg i mai naon tazetazeg baz ipani.#Gen 14:17–20 2Abraham i inan abaŋ daŋan malan tenlon tezepaleg menen taimon i pani. Melkisedek inan nean fun megin, i malanmalan taoz inan kiŋ, uzig i Salem inan kiŋ mai, me mazoz inan. 3Inan taman tinan, tibun bagen mai ta so diloŋ. Tinan duzilak, inan mateŋnal mai so diloŋ, i kin Anut Ai kilian, i waliŋ dedeŋanipnen.#Kan 110:4
Melkisedek i Abraham nenazi
4Tamol e ujanzen me anasipe! Abraham funtaman, ju naon tenlon tezepaleg taimon ipanilak. 5Lewi inan nanungaz me waliŋ uzat deŋaledime me kibiai pinidinlak, i tamolpain zidinnen abaŋ inan tezepalek ta deŋalewoi, me i mai Abraham inan nanungaz.#Num 18:21 6Ge tamol e Lewi bagen tea, i Abraham izinnen abaŋ ta iŋale, i tamol blani panekdaŋan me baz ipani. 7Ge mewoi azu kumenen tea, ta i ujanzen i me kin mitin me baz ipaniime. 8Elak tamol dimatnen me tan abaŋ inan tezepalek ta deŋaledime, melak ta iwoi dibol i bas madoime i boi ta iŋale. 9Au, kin egin tabolnen taloŋ, Lewi siben inan uzatoi tan abaŋ inan tezepalek ta ŋalemeg i te Abrahamlon abaŋ inan tezepalek ta inaulak. 10I inan bagen tininlon ienmeg Melkisedek i mai naon tazetaze.
Juda nadin waliŋ so iduselakoi mewoi ta itase
11Me Lewi inan waliŋ uzat idusape (melon tamolai kibiaiŋ deŋalelak) aitoige waliŋ Melkisedek egin imaisoi, me Aron inan wozou inan ai tealak?#Heb 7:18, 19; Kan 110:4 12Wozou faun ta waliŋ uzat inaumap kibiaiŋ faun ta mai inauwoi, 13i, mewoi azu e ibollak, i wozou ta menen ta get wiwa izinnen uzat so inaulak. 14Me beŋten ien, idinad Ujanzen i Juda bagen, bagen menen Moses waliŋoi azu ta so ibol.#Gen 49:10; Jes 11:1
15Me waliŋ ta Melkisedek egin itaseg id mug beŋten gauai tenasi.#Kan 110:4 16I kibiaiŋ getnen daz uzeklon waliŋ so inaulak, tea, bas dedeŋaneknen tiwon bulinen tealak me uzig itaselak. 17Iwoi sigianilak, O waliŋ dedeŋaneknen Melkisedek egin.#Heb 5:6; Kan 110:4
Jesus i Juda nadin waliŋ getnen nenaza.
18Kibiaiŋ getnen me bodok mon, inaunen tealakoi pasilak.#Heb 13:9 19Kibiaiŋ abaŋ ta inaup idusanen tea. Mewoi me abenlon suzuazouk kibiaiŋ nenazilak me itase, melon Anut izinnen talatame.#Heb 9:9 20Stemanek azu tealon so inau.#Kan 110:4 21I me get waliŋ uzat deŋalelak me stemanek azu tealon deŋale, ge waliŋ e me stemanek azulon azu ipailak, Ujanzen Malik mok ibol, inan kankan bulinen tea, o waliŋ dedeŋaneknen. 22Melon Jesus i temaneknen ta me temaneknen aenta daŋan nenaza pasilak inan nitun.#Heb 8:6; 12:24 23Waliŋ getnen me kuzum, mateŋ sinanlon i dedeŋanig uzatlon demadonen tea. 24Ge Jesus i dedeŋaneknen waliŋ uzat inauime, i sansanpe madowoilakoi.#Heb 13:8 25Mewoi i me i‐lon Anut izinnen diladime me gaid putudin pasi moknen iloŋ, i gaid iwoi godoanig madoimelakoi.#Rom 8:34; Joh I 2:1; Bo 1:18
Anut Ai i aupasek tea, i tezepasig madoime
26Waliŋgaten i egin me idoi iduse, i gun, ikok, bibianek tea, aupasekbibiangaz maig so demadodime, did nenazig latnen mok ibiselak.#Heb 1:3 27I waliŋgaten aenta egin nal daŋan ja so inauwoi, malanmalan siben inan aupasekoi, uzip tamolpain nadin aupasekoi, tea, i me siben janauk niŋon inaug taimonlak ŋan inau pasig bini.#Lew 16:6, 15 28Malik, kibiaiŋ me tamol bodoklak waliŋgaten uzatoi ipaiime, ge stemaneknen azu me alouge kibiaiŋ uzig itaselak me Ai ta uzat pani, me dedeŋanip tezepasip madowoi.#Kan 2:7; Heb 5:1, 2
Currently Selected:
Hebrea 7: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
