Hebrea 6
6
Krisgaz safot so demadowoi, i dituboi
1Mewoi id Kristus inan kagin fun moklon tabollak me mon sansan tusufulep so taboloi, tea, me kin tibinip tedaiap kaginlon gazoi tenauwoi, nauknauk niŋon tealak mewoi tulufunadpa tadaŋsawoi, Anut ilodlon malikoi mewoi mon faunfaun so taboloi, 2kibiai flaneknenoi, niman tamol fonlak naukoi, mateŋlonge tiziaunenoi, wadan jabek dedeŋaneknenoi. 3Me Anut malik iboltap id megin tenauwoi.
4Me get bubudin lelamanlak, didnen suzuzum dumusi denasilak, Uzgun maidaŋanlak,#Heb 10:26, 27 5Anut azu inan lo me dipile denasilak, saen gazopnen inan tiwon mai diloŋ me tulufunap didaŋsanenoi faun inau mugnen tea,#Mat 12:31 6i faun Anut miz depanimap, i sebadin dududin Anut Ai dezaidime, dizan dewai mai.#Kol 2:15 7Ui saen tatalon idup wizez tan imilip biab abaŋ gauai umfun pinidinime, me Anut inan baz iŋaleime.#Gen 1:11 8Ge wezakok ud duzdaŋan mon disamap i salan, niŋon tea, meselaneklak egin mok, wadan me maziwoi.
Kris medaeŋoi nau panek
9Am azu e abol, ge bubumagaz aŋoi am abaŋ tawoi lamalon malikime, patunpasek menen. 10Anut i kagin taoz tealon aŋnami uzat me aŋ iwoi ilopaneklon gungaz biadin apalulak, gazo mai anauame, me i so nasi bedani, tea, dab ipaniime.#Heb 10:32–36 11Aŋ dudumi jaeŋ funaŋ taimonpa suzuazouk idusap amadowoi, saen wadanlonpa, mewoi am tinima anauame.#Heb 3:14; Fil 1:6 12Meginpe aŋ so miliaupa amadowoi, tea, i me ilonlon maliknenlon segateklon mai blana panek fuzan deŋaledime me ateŋana.#Heb 5:11
Anut inan blani paneklon suzuazouk itasaime
13Anut Abraham abaŋ ta blani panimeg i ta me siben nenazilak me so nasi, mewoi i sibenlon Malik mok ipai, ibol,#Gen 22:16, 17 14Ŋa baz ŋenaumap ŋa o baz ŋepanowoi, ŋa daz ŋetezepaletap oina daz ŋetezepalewoi. 15Meginge i segatig imadelag blani panek inan niŋon iŋale. 16Tamol abaŋ i beleŋanalak melon stemanek azu diboldime, nadin siai azu daŋanlon stemanek azulon wadan dufunatidime, abaŋ me zatampa ienoi mewoi.#Ekso 22:10 17Me Anut blani panek inan fuzan ŋalekwain inan nean nauk buleksak tea gauai mok ipeteŋanawoige i stemanek azulon liluŋlon idu.#Rom 11:29 18Meginpe abaŋ azugen buleksaknen tea melon Anut sekaukwain egin so inauwoi, id me bezazou tabig seafuklon tadulak id ilod zagundaŋan temadop suzuazouknen id izidnen ienime me tabiwoi. 19Me inad nitud inan pitiau niŋon mok gegaun mai, suzuazouk me galuŋ ilonnen, jamel tinin aentalon idulaime.#Num 23:19 20Melon Jesus idoi imugseg idulalak, i waliŋgaten dedeŋaneknen, Melkisedek egin.#Heb 5:6; Kan 110:4
Currently Selected:
Hebrea 6: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
