Hebrea 3
3
Jesus i Moses beleŋanig Ujanzen imadoime
1Mewoi taiggaz gun, aŋ didnen wagiŋ peleŋanek amadoame, Jesus adeleŋani, i inad ilodlon maliknen inan fun blaninen inan apostel, waliŋgaten mai.#Heb 4:14; 10:23 2Me i uzat panilak i me izinnen buben malikdaŋan made. Moses egin, i mai Anut inan ab daŋanlon buben malikdaŋan imade.#Num 12:7 3Ge ab sasekkamaŋ inan biŋan me ab inan biŋan beleŋaniime egin, megin Jesus inan biŋan Moses inan beleŋaniime, megin tenasi. 4Ab daŋan me tamol isaseime, ge abaŋ daŋan inan sasekkamaŋ me Anut.
Moses i begabeg mon, buben malikdaŋan
5Moses i Anut inan ab uzat daŋanlon bian paluk mon buben malikdaŋan imade, azu gazop dibolnen me isigiani. 6Ge Kristus i Anut inan Ai mokge i Anut inan ab uzatlon buben malikdaŋan imadelak. Id me inan ab, id inad suzuazouk Anutoi gaid sililip tatoz biŋan tibise maimap.#Rom 15:4; Ef 2:19; Kol 1:23
7Mewoi Auanuzgun ibolime me megin, Gazo aŋ inan auan aloŋmap#Kan 95:7–11 8nami bubumi so anau gegaun mon, liwojabek fatu udaulon kibianek inan nallon egin.#Ekso 17:7; Num 20:2–5 9Melak nami temami ŋa dikibianaglak, au, umaz 40‐lon inag nauknauk denasilak. 10Mewoi daz ewoi ilog bebaze moklak, ŋabol, Sansan bubudinlon dezegaidime, i ŋainag dal so diloŋlak. 11Mewoi buzuglon Malik mok ŋabollak, i ŋainag malollon so didulawoi.#Num 14:21–23 12Taiggaz, dab anau, aŋ leŋamilon ta buben salandaŋan ilonlon so malik mai so madowoi, megintap aŋ etemi isaep duzaŋpa aŋ Anut bas ibiniwoi.#Heb 12:15
Segatip amado, nal wadanlonpa
13Tea, nal daŋan nug abebani, saen gazomnen taboltame elon tata aupasek inan sewozaeklon buben so gegaunoilakoi.#Tes I 5:11; Mar 4:19 14Id inad nau panek funlon teŋalelak me tabi gegauntap geglonpa id Kristus inan.#Heb 6:11 15Saen gazomnen e ienmap aŋ inan auan aloŋmap, nami bubumi so anaup gegaun mon, liwojabeklon egin.#Kan 95:8; Heb 3:7
Israel i fatu udaulon liwojabeklon ditozlak
16Itgaz me azu diloŋge i Anut liwon diabi? Gadon, daŋan me Moses idauzig Egipta dibinilak me tea tat? 17Itoi i umaz 40 buzun isalak? Ŋan i me audipasmeg nadin susunudin fatu udaulon dibal didulak me tea tat?#Kor I 10:10 18Itgazoi i Malik mok ibol i inan malollon so didulawoi? I me dagom tealak iwoi tea tat?#Heb 3:11 19Id tenasitame, i ladinlon so maliklakoi mewoi i didulanen tea.
Currently Selected:
Hebrea 3: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
