Hebrea 2
2
Kristus inan auan dagom paniwoi
1Mewoi azu id taloŋlak me dab mok tepaniwoi, teap id tibinip temaiap ibennen tatozoi.#Apos 8:6, 12 2Azu eŋel dibollak me gegaunge ienlak, doloanekoi, tiliŋan itaunenoi mai naon taoz pinidinmeg,#Apos 7:53; Gal 3:19 3id dodin patunpaseknen ujan mok ewoi tesalimap tuzugusadoi? Patudpaseknen azu malanmalan Ujanzen ibollak me i azu me diloŋlak i tiduk depaiad.#Heb 10:29; 12:25; Mat 3:7; Luk 1:2 4Anut mai sigianilak, bagozlon, maŋaumaŋaulon, tiwon boboloanek funfunlon, Uzgun inan se zaiŋ abaŋ me i siben ibollak egin iwaelak melon.#Mar 16:20; Kor I 12:4, 11
AI TININDADANGE ALAN INAULAK, 2:5—4:13
Kristus id ikolge patud pasilak
5Tan gazogime me i eŋel peadinlon so inaulak, mewoi id taboltame.#Ef 1:21 6Aben talon fun blanig ienime, ibol, Tamol i abaŋte me o iwoi ilo isouime? Tamol inan ai i abaŋte o i kibineume?#Kan 8:5–7 7O unaug eŋel i kinkin mon debelaŋani, o kubel biŋan mai i lilitkubel paniume. 8Abaŋ daŋan i nien paenlon unaumeg abaŋ ta so ibini me i paenlon so unaulak. Gazo bo abaŋ daŋan i paenlon ienmeg so tenasitame.#Kor I 15:27 9Ge id Jesus tenasitame, eŋel i saen kitek i debeleŋanilak, ge uzig i mateŋ funilakoi kubel biŋanlon mai lilitkubel ipanilak; meginpe i Anut inan kanimlon tamolai dadodadowoi mateŋ kukumzi nasiwoi, mewoi i alan inaug imat pasilak.#Fil 2:8, 9
Kristus i alan nauklon tezepasilak
10Iwoi abaŋ daŋan itase, i‐lon inau mailak, newoi me iduse, i ai kuzum kubeldaŋan demadowoi idauziime inadin patunpaseknen gaten alan nauklon tezepasip madonen iŋalewoi.#Mar 3:34, 35; Mat 25:40; Joh 20:17 11I me gun inauime, tamolpain i gun inauime me mai fun taimon. Mewoi i iblanap taiggaz ibolmap i mamai so funiime. 12I ibol, Ŋa oina nea taiggaz zidinnen ŋeblaniwoi, medaeŋ leŋadinlon ŋa o biŋa ŋibisawoi.#Kan 22:23 13Faun te ibol, Ŋa Anut ŋenau ŋepaniwoi. Faun mug ibol, Nasi, ŋa ie, ai kinkin Anut panaglak me mai amadoame.#Jes 8:17; Jes 8:18
14Ai kinkin daŋan i tinidin daz maidaŋan ditozdime, mewoi i mai tinin megin mon iŋale. Meginpe i mateŋlon i me mateŋ inan tiwondaŋan madoime ipitiŋiniwoi, ŋan Satan.#Tim II 1:10; Joh 12:31; Bo 12:10 15I me, me tanlak gaid dizeznenlon mon sebanag ditozdime, me i ipasoi. 16Es, i eŋelgaz so kibiniaime, tea, Abraham inan daz kibiniaime. 17Mewoi abaŋ daŋanlon i taingaz ikoloi, meginpe i waliŋgaten gauai tamolpainoi teŋaen alanpa buben malikdaŋan Anut idiniwoi, tamolpain nadin aupasekoi siai pasiwoi.#Kan 22:23; Fil 2:7 18I siben kibianeklon alan inaug imadelak, mewoi i me kibianeklon demadodime anedin idunen iloŋ.#Heb 4:15
Currently Selected:
Hebrea 2: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
