Hebrea 4
4
Ta ilonlon malik i Anut inan malollon idulawoi
1Id Anut inan malollon tadulanenoi me bo blani paneklon ienime, ge aŋ tata mewoi atoz abedanimap me gazop bitiniaŋmaplon aloŋoi, mewoi id tazezoi. 2Totol gamun id izidnen mai i zidinnen egin iselak, ge totol i diloŋlak me bubudinlon niŋon so inaulak, i azu me diloŋmeg ilonlon maliknen mai so debetemanilak. 3Id me ilodlon maliklak malol melon tadulatame, i ibollak egin, Inag buzuglon azu gegaun ŋabollak, inag malollon so mok didulawoi, ge inan nauknauk me tan funlonge mug inau bini.#Heb 3:11; Kan 95:11 4Aben talon i nal sewenoi megin ibol, Anut nal sewenlon inan uzat daŋanoi jaeŋ ŋale.#Gen 2:2 5Aben melon mon faun te ibol, I ŋainag malollon so mok didulawoi.#Kan 95:11 6Ge aenta didulawoi dal pasig ienime, i bo me malanmalan totol gamun diloŋlak i dagom so depanimeg so didulelak. 7I faun mug nal inau, ibol, Gazomnen, azu get Dawidlon ibollak, me mug tabollak, Gazomnen aŋ inan auan aloŋmap nami bubumi gegaun so anau mon.#Heb 3:7; Kan 95:7, 8 8Josua i tamolai malol pinidinnen iloŋpe Anut uzip nal tawoi so iboloi.#Deut 31:7; Jos 22:4 9Mewoilakoi Anut inan tamolpainbadim nadin malolsaen bageunen ienime. 10Tata Anut inan malollon idulamap i inan uzat tanlak inaulak me ibiniime, Anut inaulak egin.#Bo 14:13
Malollon tadulawoi bebanad
11Mewoi jaeŋjaeŋ malol melon tadulawoi, meginpe tata aenta nadin kagin biteklon so padaloi.#Kan 95:11 12Anut inan azu bas me uzat inauime, i badiz malan azugendaŋan inan gusuteknen beleŋaniime, me nitun uz, au sebatek dog mai tezepalep egin tezebabeime, bubed inan kankan ilon inan betenaek mai kibianiime.#Jer 23:29; Kor I 4:5 13I malanlon abaŋ ta so miŋianilak, tea, daŋan beŋten niŋon mon i malanlon me idoi azu e inaulak.#Bo 19:15
JESUS, ANUT AI, I INAD WALIŊGATEN ILONPANEKDAŊAN 4:14—6:20
Inad waliŋgaten idoi teŋaen alan
14Mewoi id waliŋgatendaŋanlakoi, me i did bufateg itozlak, ŋan Jesus, Anut inan Ai, id inad ilodlon maliknen inan blanek tabip gegaunoi.#Heb 3:1; 6:20; 7:26; 8:1; 9:11 15Inad waliŋgaten i inad bodokoi teŋaen alannen tea egin so madoime, tea i abaŋ daŋanlon id egin kibianilak, ge au so ipas.#Heb 2:17, 18 16Mewoi id tisililip kanim inan pezatiu izinnen talawoi, meginpe ilon panek teŋalewoi saen salanlon kanim aned idunen mai tenasiwoi.#Joh I 3:21; Rom 3:25
Currently Selected:
Hebrea 4: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
