Hebrea 13
13
Lolon tatozoi, kagin ikoklon mai
1Ilopanek nadin kadoioi egin me ienlalonoi.#Joh 13:34; Pet II 1:7; Rom 12:13; Pet I 4:9 2Aŋ panu baswain zidinnen lo awanen so lami padal mon, aloŋ, melon aenta so diloŋmeg eŋel dikibinialak. 3Sebaneklon demadodime me lami isou, i maig sebaneklon amadoame egin nau, i me aenta nimadinlon alan denaudime me mai, aŋ mai tinimilon atozamelakoi.#Mat 25:36 4Betezemanek me aŋ daŋan leŋamilon gun anau, betezemanek inan badim nun teamap ienoi. Anut i tinin pasak imaisime jaitwain mai bitiniawoi.#Gal 5:19, 21; Ef 5:5 5Nami tazeŋlon gaŋmalanoi jaeŋ so funaŋ mon, nami abaŋ ienime me iduse e abol, I ibollakoi, Ŋa sanzen aŋ miz so ŋepanaŋoi, so ŋibinaŋoi.#Jos 1:5; Tim I 6:6 6Mewoi tisililip taboloi, Ujanzen i ŋainag dineknen, ŋa so ŋazezoi, tamol ait noagnen iloŋ?#Kan 118:6
Kristus, Anut azu mai me so ibulsaime
7Nami duzektamol lami isou, i me Anut azu depaiaŋlak; nadin ladinlon maliknen ateŋani, inadin tazeŋ inan niŋon me adeleŋani.#Kor I 4:16; Heb 13:17 8Jesus Kristus i megin mon, noznen, gazomnen, dedeŋaneknen mai imadowoi.#Kor I 3:11; Bo 1:17 9Peteŋanek azu funfunlon kagin faun bas talon mai so zubutaŋ ŋiliaŋoi. Buben kanimlon zatampa me gauai, anaŋ me nadin janekgaz so didinalak melon tea.#Ef 4:14; Kor II 1:21; Rom 14:17 10Wiwa ta ienime menen i me lealailon uzat denaudime abaŋ dianinen tea.#Heb 8:4, 5 11Dazuk inan daz me waliŋgaten aupasek inan janaukoi galuŋ gun mok gun ŋaleg ilelak me inan tinin panu muzinnen domomozdime.#Lew 16:27 12Megin Jesus mai siben inan dazlon tamolpain gun inauwoi panu muzinnen alan inaulak.#Mat 21:39; Joh 9:22 13Mewoi i izinnen panu muzinnen tadup iwoi alan nauk tejoazewoi.#Heb 11:26; 12:2 14Elaknen panu dedeŋaneknen tealak, mewoi loantapnen mewoi mani tesaeg tatoztame.#Heb 11:10; 12:22 15Kristuslon sansan Anut kalel jabek inan ja tepaniwoi, me balen inan niŋon ta me inan neanoi sigianiime.#Kan 50:14, 23; Hosea 14:3 16Abaŋ gauai naukoi, nami abaŋlon mai aenta mai apeleŋananen so asali mon, janauk me Anut gamun funiime.#Fil 4:18
17Nami gatengaz auadin dab apani, peadinlon amado, ŋan i nami nutumi ditizinadime, i gazop nadin uzatoi fun deflalewoi. Meginpe i uzat me judindaŋan denauwoi, teŋeadin alanmaplon tea, aŋoi sansan ladin alanmap i aŋ dinaŋnen tea, aŋ dal ufunati.#Tes I 5:12; Hesek 3:18
WADAN FUNATEK, 18–25
Medaeŋgaz godoaniwoi
18Am‐oi ogodoaniwoi, am lama malik am kakad so kunutamaime, am abaŋ daŋan kabe anauwoi atozame.#Kor II 1:12 19Aŋ megin anauwoi kin gauz ŋeseseŋanaŋŋame, meginpe ŋa kin pasak ziminen ŋalanen panagoi.#Jes 63:11
Baz panek
20Mazoz inan Anut me idinad Ujanzen Jesus Kristus mateŋlonge faun duzig imaislak, belelek nadin tizinek ujan, temanek dedeŋaneknen inan dazlon.#Joh 10:12; Pet I 2:25 21I aŋ abaŋ gauai daŋanlon kibiniaŋpa aŋ inan auan uzi apaniwoi, kagin i naonnen gamunlak me inan niŋon lamilon inaup itasawoi, Jesus Kristuslon, i dedeŋanipdedeŋanip kubeldaŋanoi. Malik!
Wadan funatek
22Taiggaz, ŋa ŋogodoanaŋ, ŋainag tansaek azu ŋa kin ŋegazelak me lami so bebaze mon.#Jak 1:21; Apos 13:15 23Aŋ aloŋoi tima Timoteus me depasilak, i pasak isetap i maip aŋ anasaŋoi. 24Aŋ nami duzektamol, gungaz daŋan mai tabei ipinidin. I me Italianenge diselak i tabei depanaŋ.#Heb 7:17 25Kanim aŋ daŋan maiwoi. Malik!
Currently Selected:
Hebrea 13: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
