Genesis 36
36
Esau inan daz uzek
1E me Esau, me Edom, inan begazangaz. 2Esau inan iwongaz Kanaanwain ilonnen iŋal: Ada i Hittitwain Elon inan aipain, Oholibama i Hiwitwain Sibeon inan ai Ana inan aipain, Oholibama, 3Ismael inan aipain Nebaiot, inan liun Basemat mai. 4Ada i Elifas duzig Esau pani, Basemat i Reuel duzi, 5Oholibama i Jeus, Jalam Kora mai idauzi. Me Esau inan ai, inan pain Kanaan fatulon didauzig depanilak.
6Meginge Esau inan iwon, inan ai, inan aipain, inan abbadim inan tamolai daŋan, inan bulmakau, inan dazuk inan biauŋ, me i Kanaannen idad iŋallak me daŋan bezaug inan tain Jakob ibinig fatu talon ile. 7Inadin abaŋ kuzumlakoi i detemanip demadonen so diloŋ; tan i lo demadelak me inadin bulmakauoi so iduse. 8Meginge Esau i did fatu Seirnen made. Esau, me Edom.
9E me Esau inan begazangaz, Edomwain did fatu Seirnen temadin. 10E me Esau inan ai neadin: Elifas, Esau iwon Ada inan ai, Reuel, Esau iwon Basemat inan ai. 11Elifas inan ai me Teman, Omar, Sefo, Gatam, Kenas mai. 12Timna me Elifas, Esau inan ai, inan paindinek; i Amalek duzig Elifas pani. E me Esau iwon Ada inan ai. 13E me Reuel inan ai: Nahat, Sera, Samma Missa mai. E me Esau iwon Basemat inan ai. 14E me Oholibama, Sibeon inan ai Ana inan aipain, Esau iwon: i Jeus, Jalam Kora mai idauzig Esau pani.
15E me Esau inan nanungaz nadin tamolujan. Elifas, Esau inan ai matu inan ai: tamolujan Teman, Omar, Sefo, Kenas, 16Kora, Gatam Amalek mai; me Elifas inan tamolujan Edom fatulon. I Ada inan ai. 17E me Esau inan ai Reuel inan nanungaz: tamolujan Nahat, Sera, Samma Missa mai: me Reuel inan tamolujan Edom fatulon; me Basemat, Esau iwon inan ai. 18E me Esau inan iwon Oholibama inan ai: tamolujan me Jeus, Jalam Kora mai; me tamolujan, Oholibama, Ana inan aipain, Esau iwon me idauzilak. 19E me Esau, me Edom, inan ai, nadin tamolujan mai.
Seir inan daz uzek
20E me Seir Horitwain inan ai, tan inan fungaz: Lotan, Sobal, Sibeon Ana mai, 21Dison, Eser Disan mai; me tamolujan Horitwain Seir inan ai Edom fatulon. 22Lotan inan ai me Hori Heman mai; Lotan inan liun me Timna. 23E me Sobal inan ai: Alwan, Manahat, Ebal, Sefo Onam mai. 24E me Sibeon inan ai: Aia Ana mai. Ana i inan taman Sibeon inan doŋki tizinameg naz wonanan inan bubuaik fatuudaulon nasilak. 25E me Ana inan nanungaz: Dison Oholibama mai, Ana inan aipain. 26E me Dison inan ai: Hemdan, Esban, Itran Keran mai. 27E me Eser inan ai: Bilhan, Saawan Akan mai. 28E me Disan inan ai: Us Aran mai. 29E me Horitwain nadin tamolujan: Lotan, Sobal, Sibeon, Ana, 30Dison, Eser Disan mai; i me Horitwain nadin taintauan uzeklon Seir fatulon tamolujan.
Edom nadin kiŋgaz
31E me kiŋgaz, get Israel kiŋ teameg Edom fatulon tamolpain nadin kiŋ denaulak. 32Bela Beor inan ai i Edomlon kiŋ inau, inan panu me nean Dinhaba. 33Bela imat, Bosrawain Sera, inan ai Jobab i abenlon kiŋ inau. 34Jobab imatmeg Temaniwain Husam nadin fatuwain i abenlon kiŋ inau. 35Husam imat, Bedad inan ai Hadad, me Moab fatulon Midian mai dizoimeg seŋanilak, i abenlon kiŋ inau, inan panu me nean Awit. 36Hadad imat, Masrekwain Samla i abenlon kiŋ inau. 37Samla imat, Saul Rehobotwain, Eu‐frates naz aenlon, i abenlon kiŋ inau. 38Saul imat, Baal‐hanan Akbor inan ai i abenlon kiŋ inau. 39Baal‐hanan Akbor inan ai me imat, inan abenlon Hadar kiŋ inau, inan panu me nean Pau. Inan pain nean Mehetabel, Matred inan aipain, Mesahab inan nanunpain.
40E me Esau inan tamolujan samun uzekuzek nadin panu neadin mai: tamolujan Timna, Alwa, Jetet. 41Oholibama, Ela, Pinon, 42Kenas, Teman, Mibsar, 43Magdiel Iram mai; i me Edom inan tamolujan, me Esau Edom taman, nadin panu i demadelak uzig tan i fun egin demadelak mai megin.
Currently Selected:
Genesis 36: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
