Galatia 6
6
Dibal didulak me ilod tipinidinoi
1Taiggaz, tamol tata pezebedanimeg denasimap aŋ Uzdaŋanlak binaŋ adup i faun asedagewoi. Aŋ dudumi dab apanaŋ, teatap aŋ mai etemi saewoi.#Mat 18:15; Jak 5:19 2Aŋ nug nami muzuan ajoazep, meginpe aŋ Kristus inan kibiaiŋ uzi apaniame. 3Ta i igasge itozime, ge i lasen mon, i siben se wozaiime. 4Dadodado siben inan uzat kibianip nasipged, meginpe i sibenoi mon zigewoi, aentawoi tea.#Kor II 13:5 5Daŋan siben inan muzuan joazewoi.#Rom 14:12
Melaunsaen idup sezanek inan niŋon ŋalewoi
6Ta i peteŋanek izinnen Anut azu ŋaleime me i inan peteŋanek mai kibine gauaioi.#Kor I 9:14 7Aŋ so deladal mon, Anutoi Tsok abolnen tea. Tamolpain fabul sezaneime, megin mon niŋon mai iŋalewoi.#Jak 1:16 8Me i siben tininlak sezaneime, me i tininlon padalnen iŋalewoi me i Uzlak sezaneime me i Uzlon dedeŋanaknen bas inalewoi.#Rom 8:6, 13; Joh 6:63; 3:6 9Mewoi id gauai tenaunenlon so muzuadoi, saen idusemap id niŋon teŋalewoi id so timiliautap.#Tes II 3:13; Kor II 4:1 10Mewoilakoi dal ientap id tamolai daŋan tikibiniawoi, ge malanmalan malikbigaz tanau gauaioi.#Pet II 1:7
Paulus Kristuslon mon zigeime, muluŋ me se
11Anasi, ŋa gazek ujanlon sibeg nimaglon nami gazek ŋegazeŋame. 12I me tinidin biŋanoi diboldime i aŋ muluŋ anasi mokoi deseseŋanaŋdime. Aenta i Kristus inan jakebazekoi so diŋal duzoi mewoi mon denaudime.#Gal 5:11; Fil 3:18 13Me i muluŋ denasilak i mai kibiaiŋ so duzi depanidime, ge aŋ muluŋ anasip i nami tinimoi auadin fezafuzoi. 14Ge ŋa sibegoi ŋefezafuznen ŋamoi, Kristus inan jakebazekoi mon auag ujanlon ŋaboloi. Melon ŋawoi tan kagin jakebazeklak zailak, ŋa tan kaginoi mai ziaglak.#Kor I 1:31; 2:2 15Kristus Jesuslon muluŋ nasek me miŋon tea, muluŋ nasek tea me mai se, tea, tamol faun i mon niŋon.#Gal 5:6; Kor I 7:19; Kan 73:1; 125:5; 128:6 16Me i kagin elon ditozdime me daŋan fodinlak mazoz kagin mai iduwoi, Anut inan Israel dagom i fodinlak iduwoi.
17Gazo geg, faun te ta muzuan so panag mon, ŋa ŋainag tiniglak Jesus inan bagoz ŋojoazeŋamelakoi.#Kor II 4:10; Mat 26:10
18Taiggaz, idinad Ujanzen Jesus Kristus inan kanim nami uz maip amado. Malik!
Currently Selected:
Galatia 6: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
