Efesus 1
1
ME I JESUSLON ANUT INAN SAMUNGAZ MAI TEMANALAK I PUTUDIN ISAG DEMADODIME, 1–3
Tabei panek
1Paulus, Kristus Jesus inan apostel ta, Anut ibollakoi, gungaz ladin malikge me Jesus Kristuslon demadodime,#Rom 1:7; Kor I 1:2; Kol 1:2 2aŋ Anut inan Mam, Ujanzen Jesus Kristus mai inan kanim mazoz maidaŋan amado.
Anut inan ilopanek fun
3Ujanzen Jesus Kristus inan Anut Taman mai patun isap mado, me did latnenlon Jesus Kristuslon Uz inan kibinek daŋanlon kibiniadlak.#Ef 2:6 4Tan fun get fod so inaumeg i i‐lon pilianadlak egin id i naonnen gun ja teap temadowoi.#Joh 15:16; Ef 5:27; Rom 8:29 5I ilopaneklon id Jesus Kristuslon inan nanun temadowoi nead inaulak, i get ibollak egin.#Joh 1:12; Mat 3:17 6Inan kanim kubel me biŋan bisaknenoi i inan Ai bubenlon id se zen panadlak.#Kol 1:13
Jesuslon panupanu putudin pasi. Uzgun i patun isaknen nitun
7I mon inan dazlon patud pasilak, inad aupasek mai paze idulak.#Kol 1:14, 20; Ef 2:7 8I inan kanim zen sinan i dadon isag panadlak egin.#Ef 3:8, 16 9I kaginkagin daŋanlon, fun taloŋnen daŋanlon mai inan auan miŋianig ienlak me beŋten inau, inan kankan gauai uzi, Kristuslon uzat nean inaulak me.#Ef 3:9; Rom 16:25 10Saen idusemap niŋon inauwoi, abaŋ daŋan i‐lon kibianiwoi, abaŋ didlak tanlak mai.#Rom 13:9; Gal 4:4 11I‐lon i me inan uzat nean inaulak abaŋ inaunen me daŋan siben ibolge uzig inauime.#Kol 1:12; Rom 8:28 12Id get Kristusoi tusuzuazoulak me inan kubeloi biŋan tibisawoi noadlak. 13I‐lon aŋ mai azu malik, putumi paseknen inan totol gamun aloŋlak, i‐lon lamilon malik maig Auanuzgun me blani panaŋge aŋ bagoz panaŋlak.#Ef 4:30; Kol 1:5, 6; Tim I 2:4 14Me inan kubel biŋanoi inad fuzad nitun, niŋon panadmap eginmap.#Kor II 1:22; Kor II 5:5
Pez panek godoanek mai
15Mewoi ŋa Ujanzen Jesusoi nami lamilon maliknen, nami ilopanek gungaz daŋanoi mai ŋaloŋlakoi,#Kol 1:4, 9; Rom 1:8 16ŋa aŋoi Anut pez ŋepanig so ŋibiniŋame, aŋ sansan inag godoaneklon ilog isouime.#Kol 1:3 17Ujanzen, Jesus Kristus inan Anut, Kubeltaman inan fun aloŋnenoi ilon kaginkagin inan Uz, fun flaleknen Uz mai panaŋpa,#Kol 1:9 18bubumi inan malan inaup lelamanpa, meginpe suzuazouk mewoi i wigiaŋlak me aloŋoi, gungaz nadin fuzadin kubel inan naŋen mai.#Kol 1:5, 11 19Ta mai, me inan tiwon zen geg teag id ilodlon malikgazoi ienime, me inan dul tiwon ujan inan nauknaukoi iduselak,#Kor II 13:4 20me Kristuslon beŋten inaulak, i mateŋlonge fuŋunimeg i didlak waŋlon metalnen pani mailak.#Kan 110:1 21Meginge i kibiaipanek daŋan, gaten nauk, duzek fun, ujanujan nauk mai doloana, nean daŋan saen e inan mon tea, tea, saen gazopnen me mai teblaninen taloŋ me daŋan i nenazag latnen mok.#Kol 2:10 22Anut abaŋ daŋan i nien paenlon inaug i eklesia inan abaŋ daŋan gaten madonen panilak.#Kan 8:7; Mat 28:18; Ef 4:15 23Me i inan tininlon fuamlak melon i abaŋ daŋan fuamime.#Rom 12:5; Kor I 12:27; Ef 4:10
Currently Selected:
Efesus 1: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
