Galatia 5
5
Tata kibiaiŋ inau panitap i bubenlon Kristus inan aben tea
1Id Anut kaginlon sililip tatozoi Kristus i pisiadlak. Mewoi melon asegatip amado, begabeggaz nadin kukudek paenlon faun adulap so biaŋ mon.#Gal 4:5, 31; Apos 15:10 2Anasi, ŋa Paulus, ŋepaiaŋŋame, aŋ muluŋ anasitap Kristus i aŋ dinaŋnen tea. 3Ŋa faun mug ŋisigianig ŋepaiaŋŋame, tamol tata i muluŋ nasiime i naon kibiaiŋ daŋan uzi pani mokoi.#Gal 1:9 4Aŋ me kibiaiŋlon taoz noaŋoi abolame, aŋ Kristus mai liluŋ tezepaleg ibennen amadoame, aŋ kanim abedanilak.#Pet I 1:13 5Id Uzlon ilodlon maliknenlon taozoi tusuzuazoug malan tenautame.#Rom 8:25 6Kristus Jesuslon muluŋ nasek, muluŋ nasek tea mai me se, niŋon tea, ge ilodlon maliknen me ilopanek sinan uzat inauime me niŋon.#Gal 6:15; Kor I 7:19
Ilon bebazek inan azu ta
7Aŋ gauai apalu. It pizianaŋge aŋ azu malik dagom so apaniwoi. 8I me aŋ wigiaŋlak i bubumi so bulise.#Gal 1:6 9Sepalaŋ dideknen abaŋ mitin me sepalaŋ bas tinin daŋan isolime.#Kor I 5:6 10Ŋa Ujanzen ŋenau ŋepaniŋame, aŋ ŋa kankanŋame aŋ melon mai kankanoi. I aŋ deladalnen panaŋime, i it tat, i siben inan betenaek joazewoi.#Gal 1:7; Kor II 11:15 11Ge, taiggaz, ŋa mulun nasekoi azu ŋisigianimap i ŋa diŋiliag duzagoi tat? Meginpe jakebazek inan sep titin me pasilak.#Kor I 1:23 12Ŋa ilog ibol i me aŋ dukubulaŋdime i sebadin tinidin dital basesalawoi.#Kan 12:4
GALATIAGAZ PASEKLON DODIN DITOZOI, 5:13—6:16
Ilopanek me krisgaz ibitge au so dipasdime
13Taiggaz, aŋ kagin paseklon amadowoi wigiaŋlak, ge nami paseknen kagin me tinin imaisnen inan dal so pasiwoi, tea, ilopaneklon nug biami apalu.#Pet I 2:16; Rom 7:8 14Kibiaiŋ daŋan azu taimonlon niŋon inauime, O sibewoi ilo paniumelak egin, megin, oina muduban mai ilo paniwoi.#Lew 19:18 15Ge aŋ nug jazejaze janijani maimap, dab anau, aŋ nug so teŋaliteŋaliwoi.
Uz tinin mai me noŋodin ibeniben
16Ge ŋa ŋabol, aŋ Uzlon atoz, aŋ tinin inan imaisnen me so uzi mon.#Gal 5:25 17Tinin inan imaisnen me Uz bitiimelak, ge Uz me tinin imaisnen bitiime. I nug daŋedaŋe, mewoi aŋ anauwoi abolame me anaunen so aloŋ.#Rom 7:15, 23; Pet I 2:11 18Ge Uz aŋ duzaŋmap aŋ kibiaiŋ inan seseŋanek paenlon so amadoame. 19Tinin inan nauknauk me beŋten, ŋan me: jait, buben imau, buben funek,#Kor I 6:9, 10 20mazoztibud dab panek, naiz pauk, ju, pusaik, jenain isunen, buzun, juzeŋ jabek, siailon medaeŋ besesalek, malan ibeniben nauk, 21ta inan abaŋoi ilon jutek, aiu tetamek, anaŋ tetamek mai, abaŋ aenta i egin mai. Mewoi ŋa get ŋepaiaŋlak, faun te ŋepaiaŋŋame, i me denaudime i Anut panu fuzan so deŋalewoi.#Kor I 6:18; Kor II 13:2; Ef 5:5; Bo 22:15 22Ge Uz inan niŋon me ilopanek, jaun isanen, mazoz, naseknasek kagin, lo niŋon, gauai niŋon, buben malik,#Ef 5:9 23bini idunen, wedeŋanek kagin. Menenoi kibiaiŋ tea.#Tim I 1:9 24Me i Kristus Jesus inanlak i buben imaisnen, malan isinen jakebazeklak mug dezailak.#Rom 6:6; 8:9; Kol 3:5 25Id Uzlon basdaŋanmap id Uzlon tatozoi.#Rom 8:4; Gal 5:16 26Id tagaspa so tatozoi, nugoi aen so tegeuoi, nug inad abaŋoi so jutiwoi.#Fil 2:3
Currently Selected:
Galatia 5: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
