Galatia 4
4
Id Kristus ilodlon malikmap mon Anut nanun
1Ge ŋa ŋabol fuzan ŋalekai i ai kitekmap i aibegabeg kin so beleŋani. I bo tan abaŋ daŋan fun, 2ge i taman ta waian mai wegadinlon madoime, saen taman inaulak eginmap. 3Megin id mai, id aikamo temadeg id tan e inan abaŋ ibeniben paenlon temade.#Gal 3:23; 5:1; Kol 2:20 4Ge saen pisinitag Anut inan Ai inaug pain ta duzig me i kibiaiŋ paenlon inau,#Ef 1:10 5meginpe i kibiaiŋ paenlon demadodime me idadpa ipasoi, i ŋiliadpa id inan nanungaz egin temadowoi.#Gal 3:13, 26 6Aŋ Anut inan nanunailakoi i inan Ai inan Uz inad bubedlon inaug idulak, me igosge ibol, Abba Mam!#Mar 14:36; Rom 8:15 7Mewoi Anutlon aŋ mug aibegabeg tea, tea, aŋ nanunai. Nanunaitap aŋ fuzan ŋaleknen.#Gal 3:29; Rom 8:16, 17
Anaŋ se tinin mon tenaunen me niŋon tea
8Saen melon aŋ Anut so aloŋmeg aŋ abaŋ me Anut tealak me dab ipinidinlak.#Tes I 4:5 9Ge gazomnen aŋ Anut aloŋame, tea, segauz taboloi, Anut aŋ iloŋime, aŋ dodin faun mug abaŋ bodok waiz mai daŋe apaniwoi, inan begabeg faun te anauwoi? 10Aŋ nal fulei, saen umaz mai dab apaniame.#Rom 14:5; Kol 2:16 11Ŋa ŋazut, ŋa aŋoi se tat uzat ŋenaulak.#Joh II 8
Galatiagaz get ladindaŋan
12Taiggaz, ŋa ŋogodoanaŋ, aŋ ŋa egin amado, ŋa mai aŋ egin noagge ŋemadoŋame. Aŋ ŋa so noag alan.#Kor II 2:5 13Aŋ aloŋ ŋa malanmalan tinig bodoklakoi aŋ totol gamun ŋepaiaŋlak.#Apos 16:6; Kor I 2:3 14Ŋainag maiai me muzuan panaglak me kibianaŋlak ge aŋ dizag so awai, so jusunaglak, tea, Anut inan eŋel Kristus Jesus egin iŋiliaglak.#Apos 14:11, 12 15Aŋ putumi isag amadelak, me gazo ŋan? Ŋa me aŋoi ŋabol aŋ anaunen dal ienpe aŋ melami utuep apanagpe. 16Ŋa aŋ azu malik ŋepaiaŋlakoi ŋa mug aŋnami agez tat?#Amos 5:10; Gal 1:7 17I aŋoi gauz denaudime, ge wadan gauainen tea. I aŋ dibitaŋpa aŋ iwoi gauz anauwoi. 18Abaŋ niŋonoi jumusagmap me gauai, ŋa aŋ maip temademap mon tea. 19O nanuggaz, ŋa izoznenlon faun ŋonoaŋŋame, aŋ lamilon Kristus inan walis itasap eginmap.#Kor I 4:15 20Ŋa gazo aŋ ŋemadowoi ilog kin ibol, klagug bo kin ŋubuliwoi, ŋa aŋoi jaeŋ sufutanaglakoi.
Ismael i aibegabeg, Isak i paseklon itoz
21Kibiaiŋ paenlon amadowoi lami ibolime, kin apaiagpa aŋ kibiaiŋ so aloŋame?#Gal 3:23; 4:9 22Gazek ienime, Abraham inan ai azugen, ta begabegpain inan, ta pain pasek inan.#Gen 16:15; 21:2 23Ge begabegpain inan ai me tamol tinin ikolge inaulak, pain paseklon itozlak i inan ai blani paneklon inau.#Rom 9:7, 9 24Me azu faŋanfaŋan, pain azuazu me temaneknen azugen. Ta me did Sinai inan, i begabeg madonenoi ai ta inauime, i me Hagar.#Gal 5:1; Rom 8:15 25Hagar me did Sinai Arabia fatulon. I Jerusalem gazo ienime me mai egin, i inan aikamo mai begabeg denaug demadodime. 26Ge Jerusalem latnen me pasekge ienime, i inad nen.#Heb 12:22 27Megin gazelak, Jau isap, o inig, ai so duziume me; muguzuŋ unaup ubob, aioi izoznen tealak, siben taimon madoime i ai kamo kuzumdaŋan, me i tamoldaŋan me nenaziime.#Jes 54:1 28Id mai, taiggaz, Isak egin, blani panek inan ai kamo.#Gal 4:23 29Ge i me tininlon mon inaulak i get i me Uzlon inaulak ŋale uzilak. Megin mon saen elon mai ienime.#Gen 21:9 30Ge azu gazek dodin ibol? Begabegpain, inan ai mai ibitpa dila, begabeg inan ai me pasekpain inan ai mai fuzan so deŋale taimonoi.#Gen 21:10, 12; Joh 8:35 31Mewoi, taiggaz, id begabeg inan ai kamo tea, tea, pain pasek inan.#Gal 3:29
Currently Selected:
Galatia 4: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
