Efesus 2
2
Kristuslon gobgaz bas demadodime
1Aŋ mai pezebedaneklon aupaseklon mai bubumi imat pasilak,#Kol 2:13; Ef 6:12 2melon aŋ mai get atozlak, fatu e inan kagin uzig bugagaten gazomnen did tan mai liluŋlon uz tealakgaz nunudinlon uzat inauime me dagom apani.#Tit 3:3; Joh 12:31 3Liwojabek ai e leŋadinlon id daŋan mai get tinin buben mai imaisnenlon tatozlak, tinin, ilon inan kankan mai nadin malan isinen tuzilak. Id tinidlon buzun isak ai temade aenta egin.#Kol 3:6; Mat 3:17 4Ge Anut i kanim filian zendaŋan inan lo zen melon i ilon panadlak,#Pet I 1:3 5id aupaseklon tamatge temademeg i Kristus mai bas noadlak, kanimlon aŋ tetazaŋ ŋiliaŋlak.#Luk 15:24, 32 6Id mai fuŋunadlak, id Jesus Kristuslon mai didlon tematalnen penadlak.#Rom 8:10; Fil 3:20 7Meginpe saen tata gazogime melon inan kagin filian zen mok inan lolon Kristus Jesuslon peteŋanadoi, mewoi.#Ef 1:7 8Aŋ kanimlon ilonlon maliknenlon putumi pasilakoi aŋnami uzatlon tea, tea, Anut inan suzuzumlon.#Rom 3:28; Gal 2:16 9Nauknauklon tea, tata siben biŋan so bisawoilakoi.#Kor I 1:29 10I inan maŋaulon nauknauk gauaioi Kristus Jesuslon kibiniadlak, me Anut get nean inaulak id melon tatozoi.#Tit 2:14
Kristuslon gobgaz Anut inan tamolpaingaz mai temanalak
11Mewoi lami isou, aŋ mai get tininlon gob amadeg, muluŋgaz me tinin tamol nimanlon muluŋ denasilak i aŋoi Gob e dibol.#Ef 5:8 12Lami isou aŋ saen melon ibennen, Kristus tealon amade, aŋ baswain egin atozmeg Israelbadimgaz maig so amade, temaneknen inan blani panekoi mai baswain amadelak aŋ suzuazouknen tea, Anut teag tanlak amade.#Rom 9:4; Tes I 4:13 13Ge gazomnen Kristus Jesuslon aŋ, get ibennen amadelak, Kristus inan dazlon izinnen ase.#Kol 1:20
Jesus i gobgaz tamol aenta mai temanalak
14I idinad mazoz, i azugen iŋalge temanag taimon inau, i siai inan az liluŋlon sebazilak.#Jes 9:5; Gal 3:28 15Inan tininlon kibiaiŋ kibiaik mai beŋten inaug tefalok, meginge i tamol azuglon siben sinan tamol faun taimon inau, megin mazoz inau.#Kol 2:14 16Meginge i auzun Anut mai temanag tinin taimonlon siben jakebazeklon siai me funig imat.#Kol 1:20, 22 17Me i iseg aŋ makaiu amadelak, aenta izinnen demadelak me mai mazozoi azu flale pinidinlak.#Jes 57:19; Sak 9:10 18I‐lon id daŋan Uz taimonlon Tamad izinnen talanen taloŋ.#Ef 3:12
Tamolpain daŋan panu taimon, samun taimon, ab bas taimon
19Mewoi aŋ mug badim teawain, baswain mai teabe, tea aŋ gungaz mai badim taimon, aŋ Anut inan samungaz.#Ef 3:6; Heb 12:22, 23 20Aŋ apostel profet mai nadin fod fonlak sisiaŋlak, Kristus Jesus i siben ab siun inan fod.#Mat 16:18; Jes 28:16 21I‐lon ab daŋan kabe bateg sedageg ileg an gun Ujanzenlon itasaime.#Kol 2:19 22I‐lon aŋ mai Anut inan Uzlon inan madoknen ab egin sisiaŋime.#Pet I 2:5
Currently Selected:
Efesus 2: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
