Kolosai 1
1
Tabei panek
1Paulus i Anut auanlon Kristus Jesus inan apostel, taig Timoteus mai, 2aŋ gungaz, timagaz bubudin malikdaŋan mai Kolosainen, inad Mam inan kanim mazoz maidaŋan aŋ maip amado.#Rom 1:7; Ef 1:2
GAZEK INAN DAL PASEKNEN AZU, 1:3–29
Medaeŋ kaginoi pez paniime
3Am aŋoi ogodoanimap am sansan Anut, inad Ujanzen Jesus Kristus inan Taman pez apani. 4Am Kristus Jesusoi nami lamilon maliknen, nami ilopanek gungaz daŋanoi mai aloŋlak.#Ef 1:15 5Ŋan suzuazoukoi me aŋoi didlak sagen denaulak mewoi. Menen aŋ get totol gamun inan azu maliklon aloŋlak,#Pet I 1:4 6me get aŋ ziminen iselak, fatu aenta daŋanlon mai niŋon inauime, bebaŋe maiime. Aŋ Anut inan kanim malik dab apanig aloŋ mailak nal melonge gazo e aŋ leŋamilon mai megin,#Tim I 3:16 7aŋ Epafras amnama begabegbi wazanlon aloŋlak egin. I am noama iŋalge Kristus inan dinek buben malikdaŋan,#Kol 4:12 8i nami lamipanek Uzlon me sai penamag aloŋ.
Medaeŋgaz Anut kaginlon subuloanawoi Paulus igod
9Meginge am azu me aloŋlag nal melonge am ogodoani, so ibini, Uz inan kaginkagin dab paninen, Anut inan auan aloŋnen mai bubumi fuamoi.#Ef 1:16, 17 10Ujanzenoi iduselak megin atozoi, i gamun funip dadon isawoi, uzat gauai daŋanlon niŋon anaumap Anut aloŋ gauaip subuloanaŋoi.#Ef 4:1; Fil 1:27 11Tiwon daŋanlon stemanaŋpa inan tiwon kubel sinanlon abaŋ daŋanlon segataŋoi, nasinasimeg jumi isaklon.#Kor I 1:5 12Mam me gungaz id mai panu lelaman inan fuzan panadoi kibiniadge taduselak i pez apani.#Ef 1:11, 18
Kristus i Anut walis, abaŋ daŋan inan Ujanzen
13I mafuz inan tiwonlonge tetazad ŋiliadmeg inan Ai buben inan kaginlon noadlak.#Kol 2:15; Apos 26:18 14I‐lon id idad ŋiliad, inad aupasek pasilak.#Ef 1:7 15I Anut me id tenasinen tea me inan walis, abaŋ daŋan nauklak inan matu.#Heb 1:3 16Iwoi abaŋ daŋan inaulak, didlon tanlak mai, naseknen, naseknen tea mai, kiŋnen pezatiu tat, ujanujangaz tat, tea, kibiaipanek, tea, gaten tat, abaŋ daŋan i‐lon iwoi mai inaulak.#Joh I 3:10 17I abaŋ daŋan imugseg made, i‐lon abaŋ daŋan dienlalondime.#Met 8:25–27
Kristus i eklesia gaten
18I tinin, me eklesia inan gaten; i fun, mateŋlonge i matu inau, meginpe i abaŋ daŋan imugsap madowoi.#Ef 1:22; Apos 26:23; Bo 1:5 19Bunun Anut ifofoklak me daŋan i‐lon ienoi Anut ibol.#Kol 2:9; Joh 1:16 20I‐lon abaŋ daŋan i maip temanawoi, abaŋ tanlak tat, didlak tat, jakebazek inan dazlon siai pasilak.#Ef 1:10; Joh I 2:2
Kolosaiwain Kristuslon patunpaseknen deŋale
21Aŋ me get baswainlak nami kankanlon agez atoz, nauknauk kagin salan anaumeg#Ef 2:12; 4:18; Rom 5:10 22i mug inan tinin inan mateŋlon aŋ mai temanaŋlak, aŋ i naonnen gun, azu teap peneŋanek tea mai atiuzoi.#Ef 5:27 23Aŋ lamilon maliknenlon segatip amademap dubumidaŋanpa kaginlon abemi wonananoi, totol gamun aloŋlak inan suzuazouklon so asazizoi. Me did paenlon demadodime daŋan get pidinlak, me inan totol aŋ Paulus noagge ŋemadoŋame.#Mar 16:15; Tim I 3:16
Paulus gobgaz nadin totol alan inaug madoime
24Gazo aŋoi alan ŋenaug ŋemadoŋame mewoi jaug isa, tiniglon Kristus inan alannauk so iduse egin ŋenaug idusaime, me inan tinin, inan eklesia.#Ef 3:13 25Menen ŋa dinek uzat noagge Anut inan tizinek uzat uzig aŋoi ŋa panaglak, Anut inan azu ziminen tezepasip ŋaboloi.#Ef 3:2, 7 26Azu me saen dedeŋanig daz funlonge mai toanig ienlak, ge gazo waliŋgaz zidinnen beŋten itase.#Rom 16:25–26 27Anut buben ibolge i gungaz azu me peteŋanalak azu toanek inan kubelfilianoi me gob leŋadinlon azu siben mok, Kristus aŋ lamilon madoime me, Anut inan kubeloi suzuazouknen ŋan me.#Tim I 1:1 28Iwoi am abolame, tamolpain daŋan bebanaame, tamolpain daŋan kaginkagin daŋanlon azu apeteŋanaame, am tamolpain daŋan Kristuslon gazoi denaup ditasawoi uzat anauame.#Kol 1:22; Ef 4:13 29Memoi ŋa uzat wagai ŋenauŋame, inan zagun zen me i ŋa panagime melon.
Currently Selected:
Kolosai 1: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
