Kolosai 2
2
JUDAGAZOI DAB DENAUWOI, 2
Medaeŋ gauai madowoi Paulus wagai inau
1Mewoi aŋ aloŋoi ŋabol, ŋa aŋoi, Laodikianen demadodime mai, aenta get naog so denasilak i daŋanoi mai wagai gauz ŋenauŋame.#Apos 20:38 2Nadin bubudin tansaekdaŋanoi, get ilopaneklon ladin taimonlak egin, i azu tezepasip dab paninen, azu toanek Kristusoi diloŋnen maidaŋanoi.#Ef 3:18 3I‐lon kaginkagin fun, taloŋnen fun mai daŋan diendime.#Kor I 1:24, 30
4Tata aŋ azu jumusanlon se so wiziaŋoi azu e ŋabolŋame.#Rom 16:18 5Ŋa tiniglon aon so ŋemadeg ŋainag bubeg ziminen madoime; nami kagin kabe ien, nami lamilon maliknen mai Kristuslon zatamlakoi zigiagŋame.#Kor I 5:3; Kor I 14:40 6Mewoi aŋ Ujanzen Kristus Jesus aŋalelak egin, megin i‐lon atoz, 7dubumi idup subuloanaŋpa lamilon maliknenlon asegati, peteŋanaŋlak, egin pez paneklon dudumi isawoi.#Ef 3:17; 2:22
8Dab anau tata aŋ maŋau azulon, tamol nadin sewozaik lasenlon mai lami so pasiwoi, me i tamol kagin uziime, fatu e inan tantibud inan kagin uziime, ge Kristus so uziime.#Kol 2:20
Kristus i Tibud mok
9Kristuslon Anut niŋon dadon sianig tinindaŋan madoimelak.#Joh 1:14, 16 10Aŋ i‐lon mug dudumi isag amadoame, me kibiaipanek daŋan gatengaz mai gatadin.#Ef 1:21 11Kristuslon aŋ mai muluŋ anasilak, muluŋ nasek me bo nimanlon tea, tea, Kristus inan muluŋ naseklon tinin inan kagin salan bitilak.#Pet I 3:21; Rom 2:29 12Flaneklon aŋ i maig loflon noaŋlak; i‐lon aŋ mai lamilon maliknenlon fuŋunaŋlak, Anut inan tiwonlon i Kristus mateŋlonge fuŋunilak,#Kol 3:1; Rom 6:4 13me aŋ, aŋ get aupaseklon, tinimi mai Anut kagin so uzilaklon amat pasimeg, idinad pezebedanek daŋan paze idumeg Anut faun bas noaŋ muglak.#Ef 2:1, 5 14Me Anut inan kibiaiŋ gazek me id tuzi so tepanimeg diŋiad, ge i suas, jakebazeklak izailak.#Ef 2:14, 15 15I kibiaipanekgaz gaten naukgaz mai nimadinlon judazuk ipasge tamolai meladinlon beŋten inaug i‐lon agezoi seŋanilak.#Kol 1:13
Anaŋ abaŋ gun so naukoi
16Mewoi tata anaŋoi, nazoi, tamol nadin ubouoi, fulei faun Saturdeioi mai aŋ so bitiniaŋoi mon.#Rom 14:1–12 17Me saen loantap inan nitun mon, niŋon me Kristus.#Heb 8:5; 10:1 18Ta i siben naon bini iduknenoi, eŋel biŋadin bisekoi mai so bitaŋoi mon, me i malan nitun jazekoi igasime, siben tinin inan kankanlon ŋaŋa ibolge itozime.#Kol 2:23 19Ge Gaten (Kristus) so jabiime, melon tinin daŋan sebateklon dullon mai temanig anaŋ pani maimeg Anut inan itubnenlon itubime.#Ef 4:15, 16
Tan inan kibiaiŋ mon aupasekoi seŋaneknen so iduse
20Aŋ Kristuslon tan e inan tibudoi amat pasitap, aitoige aŋ tan kaginlon amadoame egin tamol kibiaiŋ uzi apaniame?#Gal 4:3, 9 21So wabi mon, So mili nasi mon, So titi nasi mon! 22Me daŋan teŋale tabimap mon depadaldime, me tamol inan kibiaiŋ peteŋanekoi mon ibolime.#Jes 29:13; Mat 15:9 23Me bo kaginkagin inan maŋau gauai egin tenasi, melon ta tamol gun teŋanip sansan giklon igodoi, bini idu egin itozoi, tinin alan paniwoi, ge kagin me tinin inan imaisnen me pizianinen so diloŋ.#Rom 13:14; Tim I 4:3
Currently Selected:
Kolosai 2: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
