Timoteus II 1
1
PAULUS INAN ILOPANEK TIMOTEUSOI, TANSAE PANEK MAI
Tabei panek
1Ŋa Paulus, Kristus Jesus inan apostel Anut auanlon, me Kristus Jesuslon bas madonen inan blani panek uziime. 2Timoteus, nanug waza, Anut inad Tamad, Kristus Jesus inad Ujanzen mai inan kanim, ilopanek mazoz mai o toano.#Tim I 1:2
Timoteusoi Anut pez ipaniime
3Anut me ŋa kakad teameg bian ŋepaluŋame, ŋainag sesgaz denaulak egin, ŋa sansan owoi ilog isoumeg i pez ŋepaniŋame.#Apos 23:1; 24:16 4Oina melau ilog isoumeg ŋa o izinen ŋalawoi ŋukumeŋame, meginpe jaug ifuamoi.#Fil 3:5 5Oina ilolon maliknen malabiab tea me ilog isoulak, me malanmalan oina ses Loislon ienlak, oina tina Eunikelon mai, ilog ibol, olon mai.#Apos 16:1
Totol gamunoi segatip sigianiwoi
6Mewoi ilo isounen ŋepanoŋame, Anut inan suzuzum me ŋa nimag folak ŋenaumeglon ilolon ienime me sansan fuŋuni.#Tes I 5:19; Tim I 4:14 7Anut izeznen uz id so ipanad, tea, tiwon inan uz, ilopanek inan, seŋanek inan uz mai.#Rom 8:15; Bo 21:8
8Mewoi Ujanzen sigianekoi mamai so funo mon, ŋa sebanekwainoi mai tea, tea, Anut inan tiwon uzip totol aenta maip totol gamunoi alan unaup taimonoi.#Rom 1:16 9I id patud pasilak, wagiŋ gunlon mai iwigiadlak, inad uzat damonoi tea, tea, siben nean inaulaklon, inan kanimlon me i Kristus Jesuslon saen get moklon ipanadlak.#Tit 3:5 10Ge gazo inad Patudpaseknen Kristus Jesus inan itasanenlon boboloanilak, me mateŋ tiwon tazelak, i bas niŋon dedeŋanip so imatnen mai totol gamunlon inaug itaselak.#Joh I 4:9; Rom 16:26; Kor I 15:55, 57; Heb 2:14 11Totol gamun e inan sigianek, peteŋanek apostel mai ŋa noaglak.#Tim I 2:7 12Mewoi gazo megin alan ŋenauŋame. Ge mewoi mamai so funagime, tea, ŋa iloglon malikime, ŋan i ŋa ŋaloŋŋame, abaŋ i ŋa panaglak me tizininen mai iloŋ, nal loantapnen.#Kor II 4:2
Anut kagin tizini gauaioi
13Basnen azu inan ŋelaŋal me o ŋa izignen uloŋlak, Kristus Jesuslon ienime ilonlon maliknen, ilopanek mai, me gauai dab pani.#Tim I 6:3; Tit 2:1 14Abaŋ gauai o panolak me Auanuzgun id ilodlon madoime i‐lon tizini.#Tim I 6:20
Ai sekauk malik mai
15O uloŋume, Asiawain daŋan dibinag, menen me Figelus, Hermogenes mai.#Tim II 4:16 16Ujanzen i Onesiforus inangaz kanim ipinidinpe, i saen kin kuzum noagge bubeg pasa ibollakoi, i inag ŋuzaŋuzoi mamai so ifunilakoi mewoi. 17Tea, i Romnen itaseg i jaeŋjaeŋ ŋa bezanagge inasaglak.#Apos 28:30 18Ujanzen imul isonen nallon kanim ipanipe. I Efesusnen abaŋ pitelon biag ipalulak me o gauai uloŋ.
Currently Selected:
Timoteus II 1: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
