Timoteus I 6
6
Begabeggaz nadin azu
1Begabeg me i kukudek abaŋ paenlon demadodime i nadin getadinoi ladin diboloi, inadin tamolujan i abaŋ daŋanlon biŋadin gauai deŋalenen iduse.#Ef 6:5; Tit 2:9, 10 2Me aenta i nadin getadin ladinlon malikdime me i so demeselanawoi, i taintauanlakoi. Tea, iwoi uzat gauai denauwoi, me i biadin depaludime me ladinlon malikmeg mai uzat gauai denaudimelakoi.#Filemon 16
Azu kubulek tannen jesoi jatek mai
Abaŋ e peteŋana, seseŋana mai. 3Ta i abaŋ iben ta ipeteŋanamap inad Ujanzen Jesus Kristus inan azu peteŋaneknen azu Anut kiliannen mai so zazemap,#Gal 1:6–9; Tim II 1:13 4i ŋagas itozime, abaŋ ta so iloŋime; i zoik azu jateg itoz, azu se blaneŋoi mai, melon jenain isunen, siai, azu salan dibolnen mai, abaŋ salanoi aenta tinidin tenaunen, 5se azu belabollon dizoinen tamolai leŋadin me bubudin inaulag azu malik teag demadodime. I ladinlon dibol, Anut kiliannen me filian ŋaleknen dal.#Tim II 3:8; Tit 1:14 6Ge Anut kiliannen buben itogle maig me filian ujan.#Tim I 4:8; Fil 4:11, 12; Heb 13:5 7Id abaŋ tanlak so teŋaleg taselak, abaŋ ta teŋalep talanen mai tea. 8Ge me janeknen tabubnen abaŋdaŋanmap melon bubed itoglawoi.#Hiob 1:21; Met 30:8 9Ge me i filiandaŋan demadowoi dukumedime i etedin saeklon siŋlon, malaisek kuzum niŋon tea jawadandaŋan mailon dibal didug alan ujan pitiŋinip depadaldime.#Met 23:4; 28:22 10Abaŋ salan daŋan dubudin me gaŋmalanoi tamatnen. Mewoi aenta disisikmeg ladinlon maliklonge dezegaig izoznen kuzumlon sebadin tizibibialak.#Ef 5:5; Mat 6:24
Ilonlon maliknenlon segatip madowoi
11Ge o Anut inan tamol, o abaŋ e ubinpa wau! Ge kagin taoz, Anut kiliannen, ilonlon maliknen, ilopanek, so ibolnen bini iduknen mai uzi pani.#Tim II 2:22 12Ilonlon maliknen inan bulekbulek gauailon bulebule. Bas dedeŋaneknen wabi, melon madowoi o wigiolak, sigianek kuzum malakmalaklon fun blanek gauai o mai blanilak.#Kor I 9:25, 26; Heb 12:1 13Ŋa o Anut, abaŋ daŋan bas inauime, me naonnen kibiai ŋepanoŋame, Kristus Jesus naonnen mai, i Pontius Pilatus naonnen fun blanek gauai sigianilak.#Joh 18:36, 37; 19:11 14O kibiaiŋ nun teap peneŋ teap tiziniwoi, inad Ujanzen Jesus Kristus itasap eginmap. 15Itasaknen me inan saenlon inaup boboloanip iduwoi, ŋan Anut patun isag madoime, i mon tiwondaŋan. I kiŋgaz nadin Kiŋ ujanujangaz nadin Ujanzen.#Tim I 1:11; Bo 17:14; Deut 10:17 16I mon so imatime, lelaman id izinnen talanen tealon i madoime, tamol ta i so nasilak, i nasinen mai tea. I inan biŋan imais ila, tiwon dedeŋaneknendaŋan mai madowoi. Malik.#Ekso 33:20
Krisgaz filiandaŋan kibiai ipinidin
17Me i tan elon neŋadindaŋange demadodime kibiai pinidinpa i ŋaŋa so denauwoi, i mai naŋen ijouse ijoulaime me denau so depaniwoi, tea, Anut denau depaniwoi, i abaŋ daŋan gedagadime, me gamun funadnen.#Kan 62:11; Luk 12:20; Rom 12:16 18I uzat gauai denaupa i nauknauk gauailon filiadindaŋanoi. I lo diwawoi, depeleŋanawoi. 19Fod gauai loantapoi sebadinoi bageunen denauwoi, i basnen malik diabiwoi mewoi.#Mat 6:20
Paulus Timoteus tiliŋan jabiime
20O Timoteus, abaŋ o panolak me tizini. Azu se malapiziŋinek me mala dubuzin gutep pani, azu dagen me i maŋau sekauklon desaeg diboldime me.#Tim I 4:7; Tim II 1:14 21Me aenta dedaŋe depanimeg ladinlon maliknen depezebedanilak. Kanim o maipe.#Tim I 1:6; Tim II 2:18
Currently Selected:
Timoteus I 6: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
