Tesalonika II 3
3
Krisgaz digodoi
1Ta mai, timagaz, am‐oi agodpa, Ujanzen inan azu ipalup ilailawoi, inan biŋan imaisoi, aŋ ziminen inaulak egin.#Kol 4:3; Tes I 5:25 2Am tamol sekauk sladin maiwoi getama pasipe, tamol daŋan so ladinlon maliklakoi.#Jes 25:4 3Ge Ujanzen i buben malik, i aŋ stemanaŋoi, i abaŋ salanoi tizinaŋoi.#Tes I 5:24 4Ge Ujanzenlon am aŋoi lama ibolime, am kibiai apanaŋame me aŋ uzi apaniame, gazop mai uzi apaniwoi.#Kor II 7:16; Gal 5:10 5Ujanzen nami bubumi Anut inan ilopaneklon, Kristus inan segateklon mai duzaŋoi.
BEBANEK AZU WADAN
Krisgaz to dibolpa uzat denauwoi
6Timagaz, Ujanzen Jesus Kristus neanlon kibiai apanaŋame, timi daŋan i pufulag ditozdime, kibiai amlon deŋalelak egin tea, aŋ iwoi akukuai.#Tes II 2:15; Mat 18:17; Rom 16:17 7Aŋ sebami aloŋame aŋ dodin am ateŋanamawoi; am aŋ leŋamilon pufulumag so atozlak.#Tes I 1:6 8Am se naon so anaumeg anaŋ so aŋaleg anilak, tea, tinima izozmeg wagailon bolon adlon mai uzat anaulak, aŋ ilonlon ta muzuan so apaniwoi mewoi.#Kor I 4:12; Tes I 2:9 9Am anaŋ abaŋoi apaiaŋnen so aloŋlakoi so anau, tea, am sebama nami naolalek egin anaup aŋ am ateŋanamawoi.#Mat 10:10; Kor I 4:16; 9:6, 14 10Am aŋ maig temademeg mon kibiai e apanaŋlak: Ta i uzat inaunen imoiime i anaŋ so janiwoi.#Gen 3:19 11Aŋ leŋamilon aenta pufulag ditozdime me aloŋlak, uzat so denaudime, tea, nimaŋelaŋal mon ditozdime.#Tes I 5:14 12Me i meginlak am kibiai ipinidiname, Ujanzen Jesus Kristuslon bebana maiame, i to dibolpa nadin uzat denaup sebadin nadin anaŋ dianiwoi.#Tes I 4:11 13Ge timagaz, aŋ nauknauk gauaioi so amagoz mon.#Gal 6:9
14Ta i gazek e inan azu uzi paninen imoitap tamol me dab apanip i mai so peleŋani mon, i mamai funiwoi mewoi.#Kor I 5:9, 11 15Ge me agez egin so asae mon, tea, timi egin inan gaten bozozoanip tiduk anau.#Tes I 5:13, 14 16Mazoz inan Ujanzen siben aŋ sansan abaŋ daŋanlon aŋ mazoz ipanaŋpa Ujanzen aŋ maip amado.#Joh 14:27; 16:33
17Ŋa Paulus tabei panek azu e sibeg nimaglon ŋegazeŋame. Me ŋainag leta daŋan inan bagoz; ŋa megin ŋegazeŋame. 18Ujanzen, Jesus Kristus inan kanim aŋ daŋan toanaŋ.#Kor I 16:21
Currently Selected:
Tesalonika II 3: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
