Timoteus I 1
1
Tabei panek
1Paulus, Kristus Jesus inan apostel, me Anut inad Patudpaseknen auanlon, Kristus Jesus inad suzuazouknen mailon sinan.#Kol 1:27 2Timoteus ilonlon maliknenlon inag nanug mok; Anut Mam, Kristus Jesus, inad Ujanzen inan kanim, ilopanek mazoz mai o pano.#Tit 1:4; Tim II 1:2
AZU IBEN TA DIBOLDIME IWOI TIMOTEUS DODIN INAUWOI?
Timoteus inan uzat Efesusnen
3Ŋa Makedonianen ŋalemeg o ŋeseseŋanolak egin o Efesusnen madop tamol tata kibiai pinidin gauaipa i kagin ibenoi azu so peteŋanawoi.#Apos 20:1 4Ta mai, i dedado begadin neadin kuzum sutek mai dab so dipinidinoi. Melo nazu sepalek ditasadime, ge Anut kagin peteŋaneknen ilonlon maliknenlon me tea.#Tim I 4:7 5Ge me kibiaiŋ inan wadan me ilopanek buben ikoklon, ilon kakad so kunutip, ilonlon maliknen malabiabnen tealon itasaime me.#Rom 13:10; Gal 5:6; Mat 5:8 6Me aenta dibinig dezegaig azu se dedaŋe depani.#Tim I 6:4, 20 7I kibiaiŋ peteŋanek demadowoi ladin ibolime, ge azu i diboldime, gik mai denaug Malik e diboldime me fun so diloŋ.
Kibiaiŋ inan fun
8Id bo taloŋ kibiaiŋ me gauai me ta i kagin taoz melon uzat inaumap,#Rom 7:12 9ŋan me taloŋ, kibiaiŋ me tamol taozoi so ienime, tea, aentawoi, ŋan kibiaiŋ teagaz, uzi panek tea, Anut so kilianlak aupasekbibiangaz mai wedeŋanek tea, tealakgaz mala piziŋinekgaz mai, temadin difudime tinadin difudime tamol funekbibiadin, 10jait jabekgaz, Sodom nadin kagin duzidime, tamol ponau diŋaldime, sepalek aigaz, azu sekaukoi Malik mok e dibol, abaŋ aenta ta i egin, peteŋanek azu gauai bitiime me mai,#Tim I 6:3 11Me Anut patun isag inan totol gamun kubelkubel uzilak, me i ŋa nimaglon inaulak me.#Tim I 6:15
Ujanzen Paulus kanim ŋale panilak
12Ŋa i me uzat ewoi tiwon panaglak, Jesus Kristus inad Ujanzen, pez ŋepaniŋame, i bitiniagge bubeg malikdaŋan e ibolge inan uzat panaglak.#Apos 9:15; Kor I 15:9, 10; Gal 1:13–16 13Ŋa bo get azu salan ŋabollak, ŋa uzek ŋalekwain, meselanek azu mai ŋabollak. Ge ŋa kanim ŋale panaglak, ŋa so ŋaloŋge iloglon maliknen tealon ŋenaulakoi. 14Inad Ujanzen inan kanim ŋalon dadon isalak, ilonlon maliknen mai ilopanek mai Kristus Jesuslon ienime melon. 15Azu me malik mok, me teŋalenen iduse mok. Kristus Jesus tealakgaz leŋadinlon ise, i aupasekgaz putudin pasiwoi, menen ŋa daŋan ŋebeleŋanaŋame.#Luk 15:2; 19:10 16Ge mewoi ŋa kanim ŋeŋale, ŋa imugselon Jesus Kristus sisik pizianek peteŋanagoi, me i aloupa iwoi bas dedeŋanekoi ladinlon malikoi me nadin naolalek ŋa ŋemadowoi. 17Saen dedeŋanek inan kiŋ, gaid basnen, nasinen tea, Anut taimon, biŋandaŋan kubeldaŋan mai dedeŋanip dedeŋanipnen. Malik.#Rom 16:27
Timoteus azu malik sigianiwoi
18Kibiai e ŋa o ŋepanoŋame, nanug Timoteus, profet azu owoi get ienge uzilak o melon tiwo ŋalep ju gauai unauwoi.#Tim I 6:12; Juda 3 19O ilolon maliknendaŋan kakad teap mai madowoi. Me aenta dibitlag nadin ladinlon maliknen wag egin padallak.#Tim I 3:9; 6:10 20Menen me Himenaeus Aleksander mai, ŋa i Satan nimanlon ŋenau, i azu salan so diboloi me i peteŋanawoi.#Tim II 2:17; Kor I 5:5
Currently Selected:
Timoteus I 1: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
