Timoteus I 2
2
MEDAEŊ INAN TEMANEK, INAN NAUKNAUK MAI
Medaeŋgaz i panupanuwainoi digodoi
1Mewoi malanmalan ŋa aŋ ŋeseseŋanaŋŋame, aŋ tamolpain daŋanoi gadiŋ, godoanek dadom panek gadiŋ, pez panek mai anauwoi.#Fil 4:6 2Me kiŋgazoi, daŋan i iabseg demadodime iwoi mai, me id maninlon mazozlon mai tatozoi, Anut dagom paneklon bubed malikdaŋan mai. 3Me gauai, Anut inad Patudpaseknen gamun funiime.#Tim I 1:1; 4:10 4I ilon ibol i tamolpain daŋan putudin pasiwoi, azu malik mai diloŋoi.#Hesek 18:23; Pet II 3:9 5Anut taimon madoime, liluŋwain taimon Anut tamolpain mai liluŋlon madoime ŋan tamol Kristus Jesus.#Rom 3:29, 30; Heb 12:24 6I tamolpain daŋanoi siben tininlon naon inaulak, inan saenlon sigianek menen itase.#Gal 3:19, 20; Gal 1:4; 2:20; Tit 2:14; Mat 20:28 7Mewoi ŋa totol apostel mai noaglak (Ŋa azu malik ŋabolŋame, ŋa so tiniglon ŋesepaleŋame) ŋa gobgaz nadin peteŋanek mai noaglak, ilonlon maliknenlon, azu malik mailon.#Tim II 1:11; Gal 2:7, 8
Madaeŋ taneklon tamol pain mai dodin denauwoi
8Meginge ŋa ŋabol, tamolpain aben daŋanlon digodoi, nimadin gun dibisawoi, buzun isaknen pusaiklon mai tea.#Pet I 3:3–5 9Megin mon paingaz i pilanen iduselon bala diabiwoi, bubudin pizianekdaŋan, kagindaŋan getadinzaun buleklon, gold inan bala, betabut, gaŋmalan kuzum inan jamel mailon tea. 10Tea, paingaz i Anut nanun egin ditozoi diboldime i bian gauailon baladaŋanoi.#Tim I 5:10 11Pain i bodo ibolnenlon binek iduklon mai kagin ŋalewoi.#Ef 5:22 12Ge pain ta pateŋanek madonen ŋa ŋamoi, i mai tamol gaten so madowoi, tea, i to ibolpa madowoi.#Kor I 14:34; Gen 3:16 13Adam malanmalan kibinelak, alouge Ewa.#Gen 1:27; 2:7, 22 14Ta mai, Adam se so wozailak, ge pain in se wozaig doloanekbibian inaulak.#Gen 3:6; Kor II 11:3 15Ge i ai inaunenlon patun pasiwoi, i ilonlon malikenlon ilopaneklon, tazeŋ gunlon buben pizianeklon mai imademap.
Currently Selected:
Timoteus I 2: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
