Tesalonika I 4
4
BEBANEK AZU, DALOI PETEŊANEK AZU MAI MEDAEŊ PANI
Daz dadub, buben ikok ditozoi
1Wadanlonpa, timagaz, am agod, Jesus Kristus neanlon bebanaŋ maiame, am get dal atoznen, me Anut gamun funiime, me peteŋanaŋlak, dal ŋan megin mok aŋ atozoi.#Tes I 4:10; Tes II 3:6
2Aŋ aloŋame, kibiaiŋ dodin Jesus neanlon am aŋ panaŋlak. 3Anut auan megin, aŋ gun amadowoi! Aŋ jaitlon so atozoi!#Tes I 5:23; Pet I 1:16 4Mewoi aŋ anasi, aŋ dadodado inan pain gunlon biŋanlon mai gauai iŋalewoi.#Kor I 6:13, 15; 7:2 5Aŋ gob egin, i Anut so diloŋlak, buben inan imais alannenlon so anauwoi.#Kan 79:6; Gal 4:8 6Tata so mon inan az ban doloanip tain inan abaŋlon sisup idup tain se wozai egin inauwoi; Ujanzen i abaŋ daŋanoi wagazkamaŋ madoimelakoi am get gauz mok asaeg bubumilon agazelak.#Kan 94:2; Gal 5:21 7Foa tatozoi Anut id so wigiadlak, tea, gun tatozoi, mewoi.#Tes II 2:13, 14 8Ta i kibiaiŋ me i tamol mon so zezeŋaniime, tea, Anut siben mok, me inan Auanuzgun nami bubumilon inaug panaŋime me.#Luk 10:16
Nug ilonpanekoi, niman uzatoi mai seseŋanaime
9Taingaz ilon paninenoi am aŋoi gazo agazenen teabe; Anut aŋ sebami peteŋanaŋlak, aŋ nug lami panaŋoi.#Joh 13:34; Jer 31:33, 34 10Me aŋ Makedonianen lami pinidiname. Ge am aŋ ansaek apanaŋ, timagaz, aŋ melon daiapa tezepasaŋoi. 11Aŋ jo abolpa amadowoi nami abaŋ mon dab apani, nimamilon nami uzat anauwoi, am mewoi kibiai panaŋlak egin.#Ef 4:28; Tes II 3:8, 12 12Aŋlon i me medaeŋlon so demadodimelak me noadinnen nami tazeŋlon naolalek gauai peteŋanawoi, aŋ abaŋ tatawoi aenta zidinnen so alawoi.#Kol 4:5; Kor I 5:12, 13
Tiziau ujanoi fun flale
13Am abol aŋ i me wagam dien padallak iwoi safotpa so amadowoi, aŋ i me suzuazouknen tealak egin bubumi mimiodaŋan so agosagosoi.#Kor I 15:20; Ef 2:12 14Id ilodlon maliklak Jesus Kristus imatge faun imaislak, megin mok mai Anut Jesus sinanlon, aenta get dien padallak i maip idauzip dilawoi.#Rom 14:9; Kor I 15:3, 4, 12 15Am azu e aŋ Ujanzen inan auanlak apaiaŋame: id daŋan, id gazop Ujanzen imulpa isemap, get so tamat pasilak, id aenta me wagam dien padaldime, so tamugsawoi.#Kor I 15:51; Mar 13:26, 27 16Ujanzen siben didlakpa fuŋunekwagiŋlon itasawoi, eŋel gaten wagiŋlon mai, Anut dum liŋan maiwoi, meginpe me i Kristus neanlon dimat pasilak, me malanmalan dimaisoi.#Kor I 15:23, 52 17I muzudinnen mon id aenta, id en dal melon bas tatoztame, i maip temanip timtaenlak latnen tim baŋenlon Ujanzen maip naon tazetazewoi. Meginmap id Ujanzen maip taimon dedeŋanip temadowoi.#Mat 24:31; Joh 12:26; Apos 8:39 18Azu melon aŋ nug lami ŋaleŋalewoi.
Currently Selected:
Tesalonika I 4: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
