Tesalonika I 3
3
Paulus aitoige Timoteus Tesalonikanen totol inaulak
1Am aŋoi gauz sisikamelakoi am segauz sebama Aten panulon binimap amadowoi abolge,#Apos 17:14, 15 2nama tima Timoteus Anut inan dinek Jesus Kristus inan totol uzatlon anaug ile, i aŋnami lamilon maliknenoi tansae panaŋpa lami mai ŋalewoi.#Apos 16:1–3 3Aŋ tata nami alan nauklon so ilonse ilonlawoi. Aŋ sebami aloŋame idoi mewoi nean inaug ienime.#Ef 3:13; Tim II 3:12 4Am get aŋ maig temademeg am imugsen paiaŋlak, id modoaneklon tadulawoi. Es megin mon niŋon idulak, aŋ mai aloŋame.#Tes II 3:10; Apos 14:22 5Mewoi ŋa ŋenau lo teag totol ŋenaug nami lamilon maliknenoi ŋaloŋoi, kibianekbibian aŋ etemi saelak tat, meginpe nama uzat se mon tat anaulak.#Fil 2:16
Timoteus totol gamundaŋan imulge iselak, melon jaun isa
6Ge gazo Timoteus ziminenge totol gamundaŋan imulge iselag nami lamilon maliknenoi, nug lami panekoi mai sai penamalak, i mai ibollak, aŋ sansan am‐oi lami isou gauaiamelak, aŋ am‐oi mai ukumeg amadoamelak, noama faun anasiwoi abolame, megin mon am aŋ faun anasaŋoi ukumeame.#Apos 18:5 7Mewoi timagaz wezami, am nami lamilon maliknen tininlon nama alan nauklon modoaneklon mai faun mug lama ŋaleg gauai amadoame.#Tes II 1:4 8Gazo am bas gauaidaŋan amadoame, aŋ Ujanzenlon segatig atozmap.#Rom 14:4; Kor I 10:12 9Zigiek mewoi me Anut naonnen aŋoi bubumalon ienime, am dodin Anut pez idusanen apaninen aloŋ, 10ad zen tidom zen i naonnen nama gadiŋ dedeŋanig ienime agod, i inaupa, am faun aŋ noami ailpa, nami lamilon maliknen azu get so aloŋlak me maip apaiaŋoi.#Kol 1:24
Anut i dal Tesalonikanen ilanen paniwoi. Medaeŋ mai Anut kaginlon wezatan idup madowoi
11Inad Anut Mam mai siben, Ujanzen Jesus maip ziminen duzumawoi.#Tes II 2:16 12Ge Ujanzen inaup aŋ nug lami panaŋnen, tamolpain aenta lami pinidinnenlon nami bubumi dezemani egin inauwoi, nama lama aŋ panaŋnen ŋan megin mon dezemanig ienime. 13I nami bubumi gegaun inauwoi, meginmap inad Ujanzen Jesus inan waliŋgaz daŋan maip isemap aŋ gun atoznenlon inad Anut Mam mai naonnen peneŋanek tea amadowoi.#Fil 1:10; Tes II 1:7, 10
Currently Selected:
Tesalonika I 3: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
