Tesalonika I 2
2
Paulus silwanus mai Tesalohikanen dodin ditozlak, uzat mai denaulak, me ladin isouwoi pidin
1Aŋ sebami mai aloŋame, timagaz, amnama madoknen aŋ ziminen se teabe.#Tes I 1:5, 9; Tes II 3:7 2Au Filipinen bo noz egin alan noamalak, pututumalak aŋ mai aloŋame; ge am segauz abol, am faun mug Anutlon sililig inan totol gamun gik abolge apaiaŋlak.#Apos 16:20–24; 17:1–5 3Amnama azu zegaiklon, sekauklon, se wozaiklon mai so itaselak. 4Tea, Anut am‐oi ibollak am totol gamun abolnenoi iduse egin, megin am tamolpain meladin ŋalekoi so abolame, tea, Anut gamun funekoi, i me nama bubuma kibianaimelak me.#Jer 11:20; Tim I 1:11; Gal 1:10 5Am azu muzumuzek nal taimon ta so abollak, me aŋ aloŋame, miŋianeklon am agasoi mai so atozlak, me Anut iloŋime.#Apos 20:33 6Am mai tamol noadinnen biŋama so abezanilak, aŋ noaminen tea, aenta noadinnen mai tea, ge Kristus inan apostel sinadin biabioi juzeŋnen mai dal kin ien.#Joh 5:41, 44 7Am aŋ maig bodok mazozdaŋan mon amadelak, tinan nanun duziime egin, megin am aŋ mai noaŋlak.#Kor II 11:9 8Megin mok am aŋoi jitiamag amade. Am Anut inan totol gamunlon mon aŋ maip tepeleŋanip temadowoi so abol, tea, lama mai apanaŋ, aŋ nama bubumaged.
9Timagaz aŋ nama uzat wagai muzuan mai lami isouime. Ad zen tidom zen nimamalon uzat anaulak, Anut inan totol gamun abolnenlon aŋ tata ilon so bebazewoilakoi.#Kor I 4:12; Apos 20:34; Tes II 3:8 10Aŋ nama sigianektamol, Anut mai nama sigianek, am aŋ lamilon malikgaz leŋamilon dagom mon, taoz mon, tazeŋ peneŋanek teag mon sansan aŋ maig tatozlak. 11Aŋ mai aloŋame, taman ta inan nanunoi inauime egin, megin mon am aŋ dudumi lami aŋale, tansae apanaŋ, isigiani maig agodlak,#Apos 20:31 12aŋ Anut biŋanoi idusanen egin atozoi, i me siben inan kiŋdomlon, inan kubelkubel mailon adulawoi wigiaŋlak.#Ef 4:1; Fil 1:27; Pet I 5:10
Totol gamun jaugjaug deŋale segatig demade mailak, mewoi Anut kalel ipani
13Aŋ azu, me am aŋ paiaŋlak, tannenwain azu egin so aŋalelak, tea, aŋ azu me Anut azu mok e abolge aŋalelak, mewoi am sededeŋanek Anut pez apaniame, azu me lamilon malikbi ilonnen uzat inaug niŋon itasaime.#Tes I 1:2; Gal 1:11; Tes II 2:13 14Aŋ timagaz, Anut medaeŋ Judea fatulon Jesus Kristus neanlon demadodimelak aŋ i mai akollak. I aon Juda nimadinlon alan denaulak egin, megin mon aŋ mai nami mezomigaz nimadinlon alan anaulak.#Gal 1:22 15Judagaz i get Ujanzen Jesus profetgaz mai difulak, i am mai diŋiliama duzuma. Tamol mewoi Anut gamun so funi, i mai tamolpain daŋan nadin liwodin jabeknen ditozdime.#Apos 2:23; 7:52; Rom 15:31 16Gobgaz putudin pasinenoi azu pidinnen i am pizianamadimelak, i nadin aupasek dadon isag idusanen denauwoilakoi. Anut inan buzun pitiŋineknen mug i fodinlak ienime.#Mat 12:28; 23:32, 33; Luk 21:23
Paulus medaeŋoi kumeg madoime, faun iloi isisik mon itozime
17Ge timagaz wezami, id saen tituk pizibitek tatozlak, bubedlon bo tea, am mewoi jaeŋ gauz sufutanamalak, aŋ noami anasiwoi. Au, mewoi am gauz mok ukumeg amadelak.#Rom 1:11, 13; Apos 20:38 18Mewoige am aŋ ziminen alawoige ŋa Paulus sibeg malik get, faun te mai megin ŋenauwoi ŋenau, ge Satan noama dal ifalelak. 19Ait mon Ujanzen naonnen inan isonenlon nama suzuazouknen, nama juma, nama lilitkubel mai? Ŋan aŋ tea tat? Aŋ nama kubel, nama juma mai.#Fil 2:16; 4:1; Tes II 1:4
Currently Selected:
Tesalonika I 2: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
