Korint I 16
16
AZU KAMOKAMO TA, 16
Waizgaz Jerusalemnen iwoi lo didu
1Ge gungazoi gaŋmalan tanekoi ŋa Galatia medaeŋ kibiai ŋipinidinlak egin, megin aŋ mai anau.#Apos 11:29; Kor II 8:9 2Wik daŋan inan nal malanlon aŋ dudumi jes abaŋ aŋ anaunen iduselak ziminen bageunen anaup, meginmap ŋa ŋalemap jaeŋjaeŋ so anauwoi.#Gal 2:10; Apos 20:7 3Ŋa ŋatasemap aŋ i ipilianalak me ŋa leta ŋipinidinpa i nami lo abaŋ Jerusalemnen debezaup dilawoi. 4Ŋa mai ŋalanen idusemap i ŋa maip alawoi.#Kor II 8:20, 21
Paulus Korintnen lo ilawoi
5Ŋa Makedonia ŋubufatelap ziminen lo ŋalawoi, ŋa Makedonia bison mon ŋalawoi.#Apos 19:21 6Ŋa aŋ ziminen ŋemadowoi tat, au, ui saen aŋ mai temadowoi tat, meginpe domten tat ŋalawoi, aŋ get noagpa waiŋ ŋabiwoi.#Rom 15:24; Tit 3:12 7Gazo ŋa ŋenasaŋ monmap ŋagegpa so ŋalawoi ŋabol. Ujanzen so pizianagtap ŋa aŋ mai saen ta temadowoi ilog ienime.#Apos 20:2; 18:21 8Auanuzgun inan ubou pisinimap eginmap ŋa Efesusnen ŋemadowoi.#Apos 19:1, 10 9Dalauan ujan, totol uzat niŋon ŋenaunen, ŋa naognen fueg ien, ge daŋekgaz kuzum demadodime.#Kor II 2:12; Kol 4:3; Bo 3:8
Timoteusoi Apolosoi mai kibiai pinidin
10Timoteus ziminen ilemap aŋ ikibinep i tinin binip gauai leŋamilon madowoi, i ŋa egin Ujanzen inan uzat inauimelak.#Kor I 4:17; Fil 2:20 11Dab naup, tata i so iduse e so iboloi. Mazozlon anaup izignen imuloi, ŋa i taiggaz mai meladin ŋenauŋame.#Tim I 4:12; Kor I 16:6
12Inad taid Apolosoi azu megin, ŋa gauz ŋeseseŋani i taidgaz aenta maip aŋ ziminen lo dilawoi, ge Anut i kin so ibol Apolos saen elon ilawoi. Dal ientap ilawoi.#Kor I 1:12
Wadan funatek tabei panek mai
13Amazazpa lamilon maliknenlon asegati, tamol niŋon anaup gugumi.#Ef 6:10 14Abaŋ anauame me ilopaneklon anau.
15Taiggaz, ŋa ŋeseseŋanaŋŋame, aŋ Stefanus, inangaz mai aloŋame, i me Akaia inan kris matu, i gungaz biadin depaluwoi tinidin denaug demadelak.#Kor I 1:16; Rom 16:5 16Tamol i egin uzatbi dinek mai daŋan peadinlon bini adup atoz.#Fil 2:29 17Stefanus, Fortunatus Akaikus mai diselak ŋa ilog gauai, i aŋ noami diŋallakoi. 18I ŋa aŋ mai noadge ilod pasa ibol. Tamol i eginlak me jumusa.#Tes I 5:12
19Asia medaeŋmedaeŋ tabei depanaŋdime. Akuila Priska mai medaeŋ i nadin ablon detemanidime me mai Ujanzenlon tabei depanaŋdime.#Apos 18:2; 18:26; Rom 16:3, 5 20Timigaz daŋan tabei depanaŋdime. Aŋ nug musuk gunlon tabei apanaŋ.#Rom 16:16; Kor II 13:12; Pet I 5:14
21Ŋa Paulus, ŋainag nimaglon tabei panek azu ŋegazeŋame.#Kol 4:18; Tes II 3:17 22Ta i Ujanzenoi so imatime me i meselanek madowoi. Amnama Ujazen, uso!#Gal 1:8, 9 23Ujanzen Jesus inan kanim aŋ toanaŋ. 24Ŋainag ilopanek Kristus Jesuslon aŋ daŋan maiwoi. Malik!
Currently Selected:
Korint I 16: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
