Korint II 1
1
Tabei panek
1Paulus, Kristus Jesus inan apostel, Anut ibollakoi, Timoteus nama tima mai, am Anut inan eklesia Korintnen ienime, gungaz Akaia fatu daŋanlon demadodime me mai aŋoi dibol.#Kor I 1:1 2Anut Ujanzen Jesus Kristus mai inan kanim mazoz mai aŋ toanaŋoi.#Rom 1:7
PAULUS ILON GAUAI, TANSAEKDAŊAN, AZU TATA KIBINEIME. INAN UZAT ALANNAUK MAI BIŊAN BISAIME, 1–7.
Paulus Anut pez paniime
3Ujanzen Jesus Kristus inan Anut Taman mai patun isap mado, i teŋaen alannen Taman, tansaek daŋan fun mai.#Rom 15:5; Ef 1:3 4I nama alannauk daŋanlon tansaek penamaime, meginpe me i alan denaug demadodime tan asae ipinidinoi, get Anut am tansaek penamalak ŋan melon. 5Am Kristus mai kin gauz alan anauame egin, megin Kristuslon tansaek mai gauz aŋaleame.#Kan 34:20; 94:19 6Am abaŋ muzuan modoanamaime me nami tansaekoi, nami putumi paseknenoi mai. Am tansaek aŋalemap me nami tansaek ŋalekoi mon, me aŋ mai anaŋ muzuan inan modoanek am aŋaleame melon segatekdaŋan amademap.#Kor II 4:15, 17 7Amnama suzuazouk aŋoi me taimon, am aloŋ aŋ am mai nama alan tojoazetame egin aŋ am mai tansaek teŋale taimonoi.
Paulusgaz alan denaulak sai janiime
8Taiggaz, am Asialon alan noamalak me aŋ aloŋoi abol. Am puzotoanama mokge tiwoma nenazig amatoi mol abol.#Apos 19:23; Kor I 15:32 9Au, am amatnen nean naug penamalak abol, ge me inaulak me am sebama noama so anau penamawoi, tea, Anut anau apaniwoi, me i dimatlak me fuŋunaime. 10I me pedaleŋ salanlonge getama pasilak, faun megin inauwoi; au, am i‐lon usuzuazouame i saen naodnenlon faun mug getama pasiwoi.#Tim II 4:18 11Aŋ mai nami gadiŋlon am wedama adupa, meginpe gadiŋ kuzum sinan naon am baz penamalak tamolai kuzum am‐oi Anut pez depaniwoi.
Paulus inan gazeklon azu malik mon ibolime
12Am mewoi auama ibiseg abolame, nama kakad sigiani mai, am panupanulon, es, aŋ leŋamilon me nenazig gun, Anut bubuma malik penamalaklon atozlak, tan e inan kaginkaginlon tea, Anut inan kanimlon.#Kor II 2:17; Heb 13:18; Kor I 1:17 13Aŋ sutinen dab paninen mai aloŋ me mon am agazeame, ta tea, ŋa ŋabol aŋ tezepasip aloŋoi,#Kor II 5:12; Fil 2:16 14aŋ get kin aloŋlak egin; meginpe aŋ am‐oi bubumi zigewoi, am aŋoi mai, Ujanzen Jesus Kristus inan nallonpa.
Paulus inan azu me Au Tea mai tea, Anut i azu azugen tea
15Ŋa megin ŋenauwoi ŋabolge ŋa malan ziminen ŋalap aŋ lo azug aŋalewoi. 16Ŋa ŋabol ŋa Korintnenpa Makedonianen ŋalap faunte Makedonianenpa aŋ ziminen ŋadup, aŋ noagpa Judeanen ŋalawoi.#Kor I 16:5, 6 17Ŋa megin ŋenauwoi ŋabolmeg ŋa azu mon ŋabol? Ŋa tan kagin ŋuzig ŋa inag uzat ŋetezepaleŋame tat, Au Tea mai temanip ŋabolnen ŋaloŋ? 18Aloŋ, Anut buben maliklak egin amnama azu am apaiaŋlak me Au mai Tea mai tea. 19Anut inan Ai Kristus Jesus iwoi am, Silwanus, Timoteus ŋa mai, isigianilak me Au Tea mai tea, tea, i‐lon sigianek Au mon. 20Anut inan blani panek daŋan i‐lon Au mon ienimelak. Mewoi Anut biŋan bisekoi id i‐lon Malik e taboltame.#Bo 3:14 21Ge Anut am aŋ mai Kristuslon tiwon panad temanadge uzat am penamalak.#Joh I 2:27 22I inan bagozlon gun noadge inan Uzgun nitun egin panadlak.#Kor II 5:5; Rom 8:16; Ef 1:13, 14
Paulus Korintnen so ilelak me fun flaleime
23Ge ŋa azu sekauk ŋaboltap Anut i beŋten inauwoi, ŋa aŋ ŋutuzugusaŋoi mewoi Korintnen so ŋale.#Kor II 11:31; Rom 1:9 24Am nami lamilon maliknen inan gaten tea; am jumi isaknenoi aŋ mai uzat tenautame, aŋ lamilon maliknenlon segatekdaŋan atiuzamelakoi.#Pet I 5:3; Joh I 1:3
Currently Selected:
Korint II 1: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
