યોહાન 1
1
શબ્દ સદેહ થયો
1આરંભમાં શબ્દ હતો, અને શબ્દ ઈશ્વરની સાથે હતો, અને શબ્દ ઈશ્વર હતો. 2આરંભથી જ તે ઈશ્વરની સાથે હતા. 3તેમનાંથી સઘળું બનાવવામાં આવ્યું, જે કંઇ થયું છે તે તેમના વિના બનાવવામાં આવ્યું નહિ. 4તેમનામાં જીવન હતું, અને એ જીવન સમગ્ર માનવજાતનું અજવાળું હતું. 5અજવાળું અંધકારમાં પ્રકાશે છે, અને અંધકાર તેના પર કાબૂ મેળવી શકયું નહિ.
6ઈશ્વર તરફથી મોકલેલો એક માણસ હતો, જેનું નામ યોહાન હતું. 7તે પ્રકાશ વિશે સાક્ષી તરીકે આવ્યો, જેથી તેના દ્વારા સર્વ લોકો વિશ્વાસ કરે. 8તે પોતે પ્રકાશ ન હતો, તે ફકત પ્રકાશનાં સાક્ષી તરીકે આવ્યો હતો.
9સાચો પ્રકાશ જે દરેકને પ્રકાશ આપે છે તે જગતમાં આવી રહયો હતો. 10તે જગતમાં હતા અને તેમના દ્રારા જગત ઉત્પન્ન થયું હોવા છતાં જગતે તેમને ઓળખ્યા નહિ. 11તેઓ જે તેમના પોતાના હતા તેમની પાસે આવ્યા, પણ તેમના પોતાનાંઓએ તેમનો અંગીકાર કયોઁ નહિ. 12જે બધાએ તેમના પર અંગીકાર કયોઁ, જેઓએ તેમના નામ પર વિશ્વાસ કયોઁ તેટલાં ને તેમણે ઈશ્વરનાં સંતાન થવાનો અધિકાર આપ્યો. 13બાળકો કુદરતી રીતે જન્મેલાં નહિ, કે માણસની ઇચ્છાથી નહિ, કે પતિની ઇચ્છાથી નહિ પરંતુ ઈશ્વરથી જન્મેલાં છે.
14શબ્દ સદેહ થઇને આપણામાં વસ્યાં, અમે તેમનો મહિમા જોયો, એક માત્ર પુત્રનો મહિમા જે પિતા તરફથી આવ્યો છે, તે કૃપા અને સત્યથી ભરપૂર.
15યોહાન તેમનાં વિશે સાક્ષી આપે છે, તે ઘાટો પાડતા કહે છે, “જેમનાં વિશે મેં કહ્યું તે આ છે, ‘જે મારી પાછળ આવે છે તેઓ મારી અગાઉ થયા છે કેમકે તેઓ મારી અગાઉ હતા.’ ” 16તેમની ભરપૂરીમાંથી અમે કૃપા પર કૃપા પામ્યા છીએ. 17કેમકે મોશે દ્રારા નિયમશાસ્ત્ર આપવામાં આવ્યું હતું; કૃપા તથા સત્યતા ઈસુ મસીહ દ્રારા આવી. 18ઈશ્વરને કદી કોઈએ જોયા નથી, પણ એક માત્ર પુત્ર જે પોતે ઈશ્વર છે અને પિતાની સાથે સૌથી નજીકનાં સબંધમાં છે; તેમણે તેમને ઓળખ્યાં છે.
યોહાન બાપ્તિસ્તનો મસીહા હોવાનો નકાર
19હવે યહૂદી આગેવાનોએ યરુશાલેમમાંથી યાજકો તથા લેવીઓને યોહાન પાસે મોકલીને પૂછાવ્યું કે, “તું કોણ છે, ત્યારે તેની સાક્ષી આ હતી” 20તે કબૂલ કરવાથી ફયોઁ નહિ, પણ તેણે સાફ કબૂલ કયુઁ કે, “હું મસીહા નથી.”
21તેઓએ તેને પૂછયું, “તો તું કોણ છે? શું તું એલિયા છે?”
તેણે કહ્યું, “હું તે નથી.”
“શું તું પ્રબોધક છે?”
તેણે જવાબ આપ્યો, “ના.”
22આખરે તેઓએ કહ્યું “તો તું કોણ છે? અમને મોકલનારાઓને અમે શું જવાબ આપીએ?” તું પોતાના વિશે શું કહે છે?
23યોહાને યશાયા પ્રબોધકનાં શબ્દોમાં જવાબ આપ્યો, “અરણ્યમાં પોકારનારની વાણી હું છું, ‘પ્રભુને માટે માગઁ સીધા કરો.’ ”
24ફરોશીઓએ તેઓને મોકલ્યા હતા. 25તેને પ્રશ્ન કયોઁ કે “જો તું મસીહ નથી, કે એલિયા નથી અથવા કે પ્રબોધક નથી તો તું બાપ્તિસ્મા શા માટે કરે છે?”
26યોહાને જવાબ આપ્યો, “હું પાણીથી બાપ્તિસ્મા આપું છું, પણ તમારી વચ્યે એક ઉભો છે, જેમને તમે ઓળખતા નથી. 27તે એક છે કે જે મારી પાછળ આવે છે, હું તેમના ચંપલની દોરી છોડવા હું યોગ્ય નથી.”
28યર્દન નદીને પેલે પાર જયાં યોહાન બાપ્તિસ્મા કરતો હતો, ત્યાં બેથાનિયામાં આ બનાવ બન્યો.
યોહાન ઈસુ વિશે સાક્ષી આપે છે
29બીજે દિવસે ઈસુને પોતાની પાસે આવતાં જોઈને યોહાન કહ્યું, “જુઓ! ઈશ્વરનું હલવાન, જે જગતનું પાપ લઇ લે છે! 30જેમનાં વિશે જે મેં કહ્યું તે આ છે, ‘જે મારી પાછળ આવે છે તેઓ મારી અગાઉ થયા છે કેમકે તેઓ મારી અગાઉ હતા.’ 31હું પોતે તમને ઓળખતો ન હતો, પણ ઇઝરાયેલ આગળ તેઓ પ્રગટ થાય માટે હું પાણીથી બાપ્તિસ્મા કરતો આવ્યો છું.”
32ત્યારે યોહાને આ સાક્ષી આપી, મે આત્માને આકાશમાંથી “કબૂતરના રૂપમાં ઊતરતો જોયો, અને તે તેના પર રહયો. 33અને મેં પોતે તેમને ઓળખ્યા નહિ, પણ જેણે મને પાણીથી બાપ્તિસ્મા કરવા માટે મોકલ્યો, તેણે મને કહ્યું, ‘જેનાં પર તું આત્માને ઉતરતો અને રહેતો જુએ તે જ પવિત્ર આત્માથી બાપ્તિસ્મા આપનાર છે.’ 34મેં જોયું છે ને સાક્ષી આપી છે, કે તે જ ઈશ્વરનો પસંદ કરેલો છે.”
યોહાનના શિષ્યો ઈસુની પાછળ જાય છે
35બીજે દિવસે ફરી યોહાન તેના બે શિષ્યો સાથે ત્યાં હતો. 36જયારે તેણે ઈસુને ત્યાંથી પસાર થતા જોયા, ત્યારે તેણે કહ્યું, “જુઓ! ઈશ્વરનું હલવાન!”
37જયારે તેનાં બે શિષ્યોએ તેને એમ કહેતા સાંભળ્યો, ત્યારે તેઓ ઈસુની પાછળ ગયાં. 38તેઓને પોતાની પાછળ આવતાં જોઈને ઈસુએ પૂછયું, “તમારે શું જોઈએ છે?”
તેઓએ પૂછયું, “રાબ્બી, તમે કયાં રહો છો?”
39તેમણે જવાબ આપ્યો, “આવો અને તમે જોશો.”
તેથી તેઓ ગયા અને તેઓ જયાં રહેતા હતા તે જોયું, અને તે દિવસ તેઓએ તેમની સાથે વિતાવ્યો. બપોરનાં લગભગ ચાર વાગ્યા હતા.
40તે બેમાંનો એક સિમોન પિતરનો ભાઈ આન્દ્રિયા હતો, કે જેણે યોહાનનું બોલવું સાંભળીને ઈસુની પાછળ ગયો. 41આંદ્રિયાએ સૌથી પહેલું કામ એ કયુઁ કે પોતાના ભાઈ સિમોનને શોધીને કહ્યું, “અમને મસીહ મળ્યાં છે.” 42અને તે તેને ઈસુ પાસે લઈ આવ્યો.
તેની તરફ જોઈને ઈસુએ કહ્યું, હા “તું યોનાનો દીકરો સિમોન છે, તું કેફા કહેવાશે” (જેનો અથઁ પિતર છે).
ઈસુ ફિલિપ અને નથાનિયેલને તેડે છે
43બીજે દિવસે ઈસુએ ગાલીલ જવાનું નક્કી કર્યું. તેમણે ફિલિપને શોધીને કહ્યું, “મારી પાછળ આવ.”
44ફિલિપ તો બેથસૈદાનો એટલે આન્દ્રિયા અને પિતરના શહેરનો હતો. 45ફિલિપે નથાનિયેલને મળીને કહ્યું, “જેમનાં વિશે મોશે તથા પ્રબોધકોએ લખેલું છે, એટલે નાઝરેથના ઈસુ, યોસેફના દીકરા અમને મળ્યાં છે.”
46“નાઝરેથ! શું તેમાંથી કંઇ સારું નીકળી શકે? નથાનિયેલે પૂછયું.”
ફિલિપે કહ્યું, “આવીને જો.”
47જયારે ઈસુએ નથાનિયેલને પોતાની પાસે આવતો જોયો અને, તેને વિશે કહે છે, “જુઓ! આ સાચો ઇઝરાયેલી છે તેનામાં કંઇ પણ કપટ નથી.”
48નથાનિયેલે પૂછયું, “તમે મને કેવી રીતે ઓળખો છો?”
ઈસુએ જવાબ આપ્યો, “ફિલિપે તને બોલાવ્યો તે પહેલાં, તું અંજીરી નીચે હતો, ત્યારે મે તને જોયો.”
49ત્યારે નથાનિયેલે જાહેર કયુઁ, “રાબ્બી, તમે ઈશ્વરપુત્ર છો! તમે ઇઝરાયેલનાં રાજા છો!”
50ઈસુએ કહ્યું, “મેં તને અંજીરી નીચે જોયો એવું મે તને કહ્યું માટે તું વિશ્વાસ કરે છે. તું આના કરતાં પણ વધારે મોટી બાબતો જોશે.” 51પછી તેમણે એ પણ કહ્યું “હું તમને સાચે જ કહું છું કે તમે આકાશ ઊઘડેલું અને ઈશ્વરના દૂતોને માણસના દીકરાને ચઢતાં અને ઊતરતાં જોશો.”
Currently Selected:
યોહાન 1: OGCB
Highlight
Copy
Compare
Share
Want to have your highlights saved across all your devices? Sign up or sign in
Biblica® ગુજરાતી સમકાલીન સ્વતંત્ર બાઇબલ™
કોપીરાઈટ © 1994, 2025 by Biblica, Inc.
Biblica® Open Gujarati Contemporary Bible™
Copyright © 1994, 2025 by Biblica, Inc.
“Biblica” (બિબ્લિકા) અને બિબ્લિકા લોગો ટ્રેડમાર્ક, યુનાઇટેડ સ્ટેટ્સ પેટન્ટ અને ટ્રેડમાર્ક ઓફિસની અનુમતિથી Biblica, Inc. દ્વારા ઉપયોગમાં લેવાય છે.
“Biblica” and the Biblica logo are trademarks registered in the United States Patent and Trademark Office by Biblica, Inc. Used with permission.
