มาระโก 11
11
11 ครั้นพระองค์กับพวกสาวกมาหม่อกรุงเยรูซาเล็ม ฮอดหมู่บ้านเบธฟายีกับหมู่บ้านเบธานีเชิงภูเขามะกอกเทศ พระองค์ใซ้สาวกสองคน 22 สั่งเขาหว่า “จงเข้าไปในหมู่บ้านที่อยู่ตรงหน้าเจ้า ครั้นเข้าไปแล้วทันใดฮั่นอิเห็นลูกลาโตหนึ่งมัดอยู่ ที่ยังบ่มีไผขึ้นขี่เลย ให้แก้มันจูงมาเด้อ” 33 ถ้ามีผู้ใดถามหว่า ‘เจ้าเฮ็ดแบบนี้เฮ็ดหยัง’ ให้บอกเขาหว่า ‘พระองค์ต้องการลาโตนี่ เด๋วพระองค์กะอิส่งกลับคืนมาให้บ้งนี่’ ” 44 สาวกสองคนฮั่นไปแล้วเห็นลูกลาโตหนึ่งมันอยู่นอกประตูที่ถนน เขาได้แก้มันออก 55 บางคนที่ยืนอยู่บ้งฮั่นถามเขาหว่า “แก้ลูกลาฮั่นเฮ็ดหยัง” 66 สาวกกะตอบตามคำสั่งของพระเยซู แล้วเขากะยอมให้เอาไป 77 สาวกได้จูงลูกลามาฮอดพระเยซู แล้วเอาเสี้ยผ้าของโตเองปูบนหลังลา แล้วพระองค์กะขี่ลูกลาฮั่น 88 มีหมู่คนเป็นอันมากเอาเสี้ยผ้าของโตเองปูลงตามถนนหนทาง แล้วบางคนกะตัดใบไม้จากทุ่งนามาปู 99 ฝ่ายคนที่หย่างไปทางหน้า กับผู้ที่ตามมาทางหลัง กะโห่ร้องหว่า “โฮซันนา ขอให้ท่านผู้ที่มาในนามขององค์พระผู้เป็นเจ้าทรงพระเจริญ 1010 ความสุข จงมีแก่แผ่นดินของดาวิด บรรพบุรุษของเฮา ที่อิมาตั้งอยู่ โฮซันนาในที่สูงสุด” 1111 พระเยซูกะได้เข้าไปกรุงเยรูซาเล็มแล้วเข้าไปในบริเวณพระวิหาร พอเบิ่งเห็นสิ่งทั้งปวงแล้วเวลากะหม่ออิค่ำ เลยออกไปยังหมู่บ้านเบธานีกับเหล่าสาวกสิบสองคนฮั้น 1212 มื้อเช้าวันใหม่พอพระองค์กับสาวกออกมาจากหมู่บ้านเบธานีแล้ว พระองค์กะได้หิว 1313 พอซิ่งเห็นต้นหมากเดี่ยต้นหนึ่งแต่ไกลมีใบ เลยเข้าไปเบิ่งหว่าอิมีโด่ยบ่ ครั้นมาฮอดต้นฮั่นแล้วกะบ่เห็นมีโด่ยมีแต่ใบท่อนั้น เพราะยังบ่ฮอดฤดูของลูกหมากเดี่ย 1414 พระองค์เว้ากับต้นฮั่นว่า “ตั้งแต่นี่ไปอิบ่มีไผได้กินโด่ยจากเจ้าเลย” เหล่าสาวกได้ยินคำที่พระเยซูเว้าฮั่น 1515 พอมาฮอดกรุงเยรูซาแล้ว พระองค์กะได้เข้าไปในบริเวณพระวิหาร แล้วลงมือขับไหล่บรรดาหมู่ผู้ซื้อขายของในบริเวณพระวิหารฮั่น แล้วคว่ำโต๊ะผู้ฮับแลกเงินกับคว่ำม้าหนั่งของผู้ขายดกพิราบ 1616 แล้วห้ามบ่ให้ผู้ใดขนสิ่งของใดๆ หย่างลัดบริเวณพระวิหาร 1717 พระองค์สอนเขาหว่า “มีพระคำของพระเจ้าเขียนไว้แม่นบ่หว่า นิเวศของเฮาเขาอิเอิ้นกันหว่านิเวศอธิษฐานสำหรับประซาซาติทั้งหลาย แต่หมู่สูเจ้าทั้งหลายได้เฮ็ดให้เป็นถ้ำของพวกโจร” 1818 พอพวกมหาปุโรหิตกับพวกธรรมาจารย์ฮู้เซี๊ยะนั้น เลยหาซ่องที่อิฆ่าพระองค์ เพราะเขาย้านพระองค์ เพราะประซาซนประหลาดใจกับคำสั่งสอนของพระองค์ 1919 พอฮอดมื้อแลง พระองค์กะได้ออกไปจากกรุง 2020 ครั้นมื้อเซ้า พอพระองค์กับหมู่เหล่าสาวกได้ผ่านม้งฮั่นไป กะได้เห็นหมากเดี่ยต้นฮั่นเหี่ยวแห้งไปจนฮอดฮาก 2121 ฝ่ายเปโตรกะนึกออกได้เว้ากับพระองค์หว่า “พระอาจารย์ ลองเบิ่ง ต้นหมากเดี่ยที่พระองค์ได้สาปมันไว้มันเหี่ยวแห้งไปแล้ว” 2222 พระเยซูเลยตอบหมู่เหล่าสาวกหว่า “จงเซี่ยในพระเจ้าเด้อ 2323 เฮาบอกความจริงแก่เจ้าหว่า ถ้าผู้ใดๆ อิสั่งภูเขานี้หว่า ‘จงลอยลงไปทะเล’ แล้วบ่ได้สงสัยในใจ แต่เซี่ยหว่าอิเป็นไปตามที่สั่งฮั่น กะอิเป็นไปตามฮั้น 2424 เหตุฉะนั้นเฮาบอกเจ้าทั้งหลายหว่าขณะที่เจ้าอธิษฐานต่อพระเจ้าขอสิ่งใด จงเซี่ยหว่าอิได้ฮับ แล้วเจ้าอิได้ฮับสิ่งฮั่น 2525 แล้วถ้าเจ้ายืนอธิษฐานอยู่ ถ้าเจ้ามีเรี่ยงกับผู้หนึ่งผู้ใดให้ยกโทษให้ผู้ฮั่นซะ เผื่อพระบิดาของเจ้าผู้สถิตในสวรรค์อิเมตตายกโทษความผิดของเจ้านำ 26[26 แต่ถ้าเจ้าทั้งหลายบ่ยกโทษ พระบิดาของเจ้าผู้สถิตในสวรรค์กะอิบ่ยกโทษความผิดของเจ้าคือกัน]” 2727 ฝ่ายพระองค์กับหมู่เหล่าสาวกมายังกรุงเยรูซาเล็มอีก พอพระองค์หย่างอยูในบริเวณพระวิหาร พวกมหาปุโรหิต พวกธรรมาจารย์ กับพวกผู้ใหญ่มาหาพระองค์ 2828 ถามพระองค์หว่า “ท่านมีสิทธิหยังถึงได้เฮ็ดเซี๊ยะนี้ ไผให้สิทธิกับท่าน” 2929 พระเยซูจึงตอบเขาหว่า “เฮาอิถามหมู่เจ้าทั้งหลายจักข้อหนึ่งคือกัน ให้ตอบเฮา แล้วเฮาอิบอกเจ้าหว่าเฮาเฮ็ดแบบนี้โดยสิทธิมะหยัง” 3030 คือบัพติศมาของยอห์นฮั่นมาจากสวรรค์หรือหว่ามาจากคน ให้ตอบเฮามาเด้อ” 3131 เขาจึงปรึกษากันหว่า “ถ้าเฮาอิหว่า ‘มาจากสวรรค์’ ท่านกะอิถามเฮาหว่า ‘เป็นหยังถึงบ่เซี่ยยอห์นละ’ 3232 แต่ถ้าเฮาอิหว่า ‘มาจากคน’” เขาย้านประซาซน เพราะประซาซนถือหว่ายอห์นเป็นผู้เผยพระคำของพระเจ้าแท้ๆ 3333 เขาเลยตอบพระเยซูหว่า “หมู่ข้าน้อยบ่ฮู้” พระเยซูเลยเว้ากับเขาหว่า “เฮาอิบ่บอกหมู่สูเจ้าทั้งหลายคือกันหว่าเฮาเฮ็ดแบบนี้โดยสิทธิมะหยัง
Currently Selected:
มาระโก 11: MARK
Highlight
Copy
Compare
Share
Want to have your highlights saved across all your devices? Sign up or sign in
This translation is © [2025] by [Obedience]. It may not be reproduced in whole or in part in any form or by any means without the prior written permission of [Obedience].
