मती 7

एटाः होर रे दोस ओलोपे लगाविया

(लूका 6:37–38,41–42)

1“दोस ओलोपे लगावकुवा, ताकि अपे केहों ओलोकु दोस लगावपेया, 2#मर 4:24चिलिमेनचि जेलेका अपे दोस लगाव कुकानापे इना लेका गी अपे केहों दोस लगावपेयाकु, अरो जे नाप एते सोंग कनापे, इना नाप तिगी अपे कथिर हों सोंगुःआ।

3“अपे बोयहा-मिसी रआ हुडिञ गलती तदो एनेनगी साप केकानापे, अपन खुद रआ मरंग गलती ता अनदेखा ककानापे? 4अपे के अपन खुद रआ मरंग गलती दो का नेलुःकाना अरो चइल एतापे बोयहा-मिसी रआ हुडिञ गलती सुधराव, 5ए कपटाहा पहिल खुद अपन रआ मरंग गलती ता सुधरावेपे तोब जहां रे सेन केते अरो होर रआ हुडिञ-हुडिञ गलती ता चिनहाव रे अरो उना सुधराव रे अरो होर रआ देंगा दड़िवाःआपे, दो चिलका गाम दड़िवाःआपे हिजुः बोयहा-मिसी आम रआ गलती ता सुधराविञ।

6“सेताकु के पबितर जिनिस ओलोपे एमाकुवा। अरो अपन मोति सुकरी के ओलोपे लेबदा वकुवा, कहीं नुंका ओलो होयुःका चि सुकरी उना अपन बका एते रेंवदावियाकु अरो अपे के सेता निर अगु केते गेर चिरापड़ाः पेयाकु।

कोय एपे, दंड़ायपे, ठोकठोकाव एपे

(लूका 11:9–13)

7“कोय एपे, अपे के एमापेयाय; दंड़ायपे, नमुःआ, ठोकठोकाव एपे, अपे कथिर निच्‍चीयाय। 8चिलिमेनचि जे होर कोकोय चित तहीः कनाकु, नाम कनाकु, जे दंड़ाय कनाकु, उनकु नाम केकानाकु, अरो जे ठोकठोकाव चित तहीः कनाकु, उनकु कथिर दुवेर निच्‍चीयाय। 9अपे रे एते नुंकन आपु ओकोय हेनाःइचाय जेकर होपोन हेरेल उनी एते पिठा कोवेयाय दो उनी के दिड़ी एमायाय? 10चाहे जोब होपोन हेरेल आपु एते हाकु कोवेयाय दो उनी के बिञ एमायाय। उदुःएपे जहय एमाकुवाकु? जहय काकु नुंकाया? 11जोब अपे बुरा होय केते हों, अपन होपोन के बुगिन जिनिस एएम सारीइ कनापे, दो अपे रिई सोवारगिये आबा अपन कोकोय वनकु के बुगिन जिनिस चिलिमेन काय एमाकुवाय?

12 # लूका 6:31 “इनाते जे बेवहार अपन कथिर एटाः होर एते चहाः कनापे, इनका गी बेवहार अपे हों एटाः होर के कराव कुपे चिलिमेनचि मूसा रआ नियम रआ बिधी अरो परमेसर सोझ एते नधनी वनकु रआ सिख नियागी हेके।

सुकड़ु होरा अरो चकार होरा

(लूका 13:24)

13“सुकड़ु दुवेर एते बोलोःपे, नुवां इञ अपे के इनाते उदुःवापे कनिञ चिलिमेनचि चकार दुवेर अरो बड़े होरा दो नास वोः सोझ इदी कनाय, बेचोट होर हेनाकुवा जे उना रे सेसेन कनाकु। 14मुदा सुकड़ु हेनाःआं उना दुवेर अरो सुकड़ु हेनाःआं उना होरा जे जीवन सोझ इदी कनाय, बेचोट हुडिञ मेनाकुवा उनकु होर जे उना नाम कनाकु।

जे लेका दाड़ु इनका गी जो

(लूका 6:43–44; 13:25–27)

15“परमेसर सोझ एते नधनी वान मेन केते बेदा कनाकु उनकु एते बनचाःपे; उनकु अपे ठिनुः साधारन भेड़ी रआ रुप रे हिजुः कनाकु, मुदा भीतरी एते उनकु जंहड़ी हुंडरा लेका हेनाकुवा। 16अपे उनकु के, उनकु रआ कामि एते चिनहाव कुवापे। जहय जनुम झुड़ एते अंगुर जो, ना दो मोरोबी एते अंजीर गोत कनाकु? 17नियां लेका गी बुगिन दाड़ु रे बुगिन जो जोः काना मुदा कठिक दाड़ु रे दो कठिक जो जोः काना। 18बुगिन दाड़ु कठिक जो काय एमुःकाना, अरो ना जहन कठिक दाड़ु बुगिन जो एमुः कनाय। 19#मती 3:10; लूका 3:9सुबिन उना दाड़ु, जे रे बुगिन जो काय साप कनाय, माः केते सेंगेल रे ओन्डोर कनाकु। 20#मती 12:33इनाते, इञ अरो मिसा अपे के गामवापे कनिञ चि उनकु मनवा के अपे उनकु रआ कामि एते चिनहाव कुवापे।

21“‘ए परभु, ए परभु’ गागाम वनकु सुबिन होर सोवाराग राइज रे काकु सेन दड़िवाःआ, बलकी उनकु जे सोवाराग रे असतिर इञ रिई परम आबा रआ हिछा रे सेसेन कनाकु, उनकु गी ओन्डो बोलो दड़िवाःआकु। 22उना महान हिलोः बेचोट होर इञ के कुलिञाकु, ‘ए परभु, ए परभु! चिलि आले आम रआ लुतूम एते काले आगमजानी लाःआ? चिलि आम रआ लुतूम एते आले मुवां रावाकु के काले उडुङ लेःकुवा अरो चिलि आले आम रआ लुतूम एते बेचोट एते काले सोमोर्थ कामि लाःआ?’ 23#सिरिञ 6:8तोब इञ उनकु एते खुइल केते मेताकुविञ चि इञ अपे के काइञ सारी पेकाना। ए अधरम करावेकु, ओन्डो एते ओचोःपे!

ओड़ाः बबाय वनकिन मिहोर बुधिमान अरो मिहोर मुर्खाहा

(लूका 6:47–49)

24“इनाते जहय गी इञ रआ नियां सबद ता अयुम कनाकु अरो नियां रे सेसेन कनाकु उनकु रआ तुलना उनी बुधिमान मनवा एते होयुःआ जे अपन ओड़ाः चटाइन रे बाय्येताय। 25दाः गामा एताय, बाइड़ हेच्‍चेना, आंधी चलावेना अरो नुवां सुबिन ओड़ाः रे तकिच एना रेहों ओड़ाः का उयुःकेना। चिलिमेनचि उना रआ नेव चटाइन रे तहिकेना।

26“मुदा उनकु जे इञ रआ गानाम ओनाव कनाकु, मुदा उना रआ काकु पालन काना, उनकु, उनी मुर्खाहा मनवा लेका हेनाकुवा जे अपन ओड़ाः गितिल रे बाय्येताय। 27दाः गामा एताय, बाइड़ हेच्‍चेना, आंधी हेच्‍चेना अरो उना ओड़ाः रे तकिचेना, जेकर एते उना ओड़ाः धसाव चबा उतारेना!”

28 # मर 1:22; लूका 4:32 ईसु जोब नुवां गानाम गाम मुडू एताय, दो उनी रआ उपदेस एते मनवाकु बेचोट चकरीत एनाकु। 29चिलिमेनचि उनी उनकु के धरम पोथी सिखाविकु लेका बङा, मुदा मियाः हक लेका सिख एमाकुकन केनाय।

Currently Selected:

मती 7: BIY

Highlight

Compare

Copy