मती 6
6
दान रआ सिख
1 #
मती 23:5
“चेम्पोर तहीःपे! उनकु होरकु ठिनुः देखावा कथिर धरमी कामि ओलोपे कामिया। बङ रेदो अपन परमेसर एते जे सोवाराग रे हेनाया, उनी रआ परतिफोल कपे नम्मा।
2“इनाते जोब अपे जहय रेंगेच-रबंङकु के दान एमाकुकानापे, दो उना रआ चलते ढिंढोरा ओलोपे साड़िया। जे लेका चि बिनती ओड़ाः रे अरो छेउर रे कपटाहा होर, अरोकु एते बड़ाय ननाम कथिर नुंका कराव कनाकु। इञ अपे के सच गामवापे कनिञ चि उनकु दो उना रआ फोल पहिल गी नाम चुकाव एकाःआकु। 3मगर जोब अपे जहय रेंगेच-रबंङकु के दान एमा कुकानापे, दो अपे रआ लेंगा ती ओलोय सारीइ काय चि अपे रआ जोम ती चिलिकाः चिलिइ कनाय। 4ताकि अपे रआ एम दान ओलोकु सारीइका। अपे रिई उनी परम आबा, जे अपे, उकु केते दान एम एकाःआपे उना हों नेल कनाय, उनी अपे के उना रआ परतिफोल एमापेयाय।
पराथना
(लूका 11:2–4)
5 #
लूका 18:10–14
“जोब अपे पराथनायापे, दो कपटाहाकु लेका बङा! चिलिमेनचि उनकु बिनती ओड़ाः अरो चाउक रे तिंगु केते पराथना कराव पसिंद कनाकु, ताकि होर उनकु के नेल दड़िवाकुवा, इञ अपे के सच गामवापे कनिञ, चि उनकु दो उना रआ फोल पहिल गी नाम चुकाव एकाःआकु। 6जोब अपे पराथनाय कनापे, दो अपन कोठरी रे सेन केते दुवेर हन्डेत केते अरो एकला रे अपन आपु एते पराथनायपे, अपे रिई परम आबा, जे कपे नेल दड़िवायकाना, अरो जे कामि अपे उकु केते कराव एकाःआपे उना कामि नेल कनाय, अपे के उना रआ परतिफोल एमापेयाय।
7“जोब अपे पराथनायापे, दो गइर-जहुदी लेका ढेर जिलिंग-जिलिंग ओलोपे पराथनाया, उनकु दो नुवां सोंचाः कनाकु चि उनकु रआ बेचोट गानाम एते उनी रआ ओनावियाय। 8उनकु लेका ओलोपे बयुःआ। चिलिमेनचि अपे रआ कोकोय एते पहिल गी अपे रिई आपुपे सारीइ कनाय चि अपे के चिलि-चिलि दरकार हेनाःआं। 9दो, नुंका पराथनायपे,
“‘सोवाराग रे तहीः वनीः आले रिई आबा,
आम रआ लुतूम रआ महिमा होयुःका,
10ओते रे आम रआ राइज हिजुःका,
जे लेका आम रआ हिछा सोवाराग रे पुराः काना, इनका गी ओते रेहों पुराःका।
11आले कथिर दिन भोइर रआ आहार तिहिञ एमालेम।
12जे लेका आले अपन गुनाहगार के छमा एकाःकुवाले।
इनका गी आले रआ गुनाह छमायमी,
13अरो आले के परीछा रे ओलोम पोड़ाव इरिवालेया,
बलकी बुराय एते आले के बनचाव लेम।’
14 #
मर 11:25,26 “इनाते जदि अपे एटाः होर रआ गुनाह छमायापे, दो अपे रिई सोवारगिये आबा हों अपे के छमा पेयाय। 15जदि अपे मनवाकु के कपे छमाकुवा, रेदो अपे रिई सोवारगिये आबा हों अपे रआ गुनाह काय छमायाय।
उपास
16“जोब अपे उपास दोहोयापे, दो कपटाहाकु लेका अपे रआ मेत-मोचा झुरमुराव लेका ओलो नेलुःका। चिलिमेनचि उनकु अपन मेत-मोचा झुरमुराव लेका बाय ककानाकु, ताकि मनवाकु, उनकु उपास दोहो एकाःआकु, उना सरीयाकु, इञ अपे के सच गामवापे कनिञ चि उनकु अपन परतिफोल नाम चुकाव एताकु। 17जोब अपे उपास दोहोय रेदोपे, अपन मेत-मोचा अबुंग केते बोहोः रे सुनूम ओजोः कोःपे, 18ताकि अपे उपास दोहो एकाःआपे, उना मनवा ओलोकु सारीइका, ताकि अपे रिई परम आबा जेके अपे कपे नेल दड़िवायका, उनी नेल पेकानाय चि अपे उपास दोहो एकाःआपे। तोब अपे रिई परम आबा जे अपे रआ उकु केते कराव वनाः सुबिन कामिता नेल कनाय, अपे के उना रआ परतिफोल एमापेयाय।
सोवारगिये धन
(लूका 12:33,34)
19 #
जाकू 5:2,3 “अपन कथिर ओते रे धन ओलोपे जमाया, चिलिमेनचि उना घुन जोम्माकु अरो चेतवाव ओ:वो। अरो कुमरु भीत ऊर भुः केते उना कुमरु सकाव इयाकु। 20बलकी, अपन कथिर सोवाराग रे धन जमायपे, जे ठिनुः उना घुन ना जोम्माकु, ना चितवाव ओ:वो। अरो कुमरु हों ओन्डो ऊर भुः काकु दड़िवाःआ ना कुमरु दड़िवाःआकु। 21चिलिमेनचि जे ठिनुः अपे रआ धन हेनाःआं एन्डे गी अपे रआ मोन तहिनोःओ।
होड़मो रआ दीया
(लूका 11:34–36)
22“होड़मो रआ डिबरी मेत हेके। इनाते जदि अपे रआ मेत बुगिन हेनाः रेदो, अपे रआ सुबिन होड़मो मसकल लो:ओ; 23मुदा अपे रआ मेत बुरा हेनाः रेदो, अपे रआ सुबिन होड़मो लुबाः एते पेड़ेच जोना। इनाते उना मसकल जे अपे रआ भीतरी रे हेनाःआं, जदि लुबाः कोः रेदो उना लुबाः चिमिनोः घुझघुझ लुबाः होयुःआ!
परमेसर अरो धन
(लूका 16:13; 12:22–31)
24“जहय मनवा बारया मुवार के सेवा-सुसार काय दड़िवा:आय; चिलिमेनचि उनी दो मिहोर एते बइर इयाय; अरो मिहोर एते दुलार इयाय, बङ रेदो मिहोर एते मिलाव तहिनो:ओय अरो एटाः के तुछ इयाय। अपे परमेसर अरो धन बनार रआ सेवा-सुसार कपे दड़िवाःआ।
25“इञ अपे एते गामवापे कनिञ अपन जिनिवेत कथिर जोजोम-नुनु रआ चिन्ता बगी कपे। अपन होड़मो कथिर किचरीः रआ चिन्ता बगी कपे। निचित गी जीव, जोजोम वनाः एते अरो होड़मो किचरीः एते ढेर बड़हाव केते हेनाःआं। 26सिरमा रेन चेंड़े के नेलकुपे चि उनकु ना हेर कनाकु, ना इर कनाकु, ना कोठा रे अनाज पेड़ेच कनाकु, मुदा अपे रिई सोवारगिये आबा उनकु रआ लहिच हों पेड़ेच कनाय! चिलि अपे उनकु एते कहीं ढेर बड़हाव केते बनुः पेया? 27अपे रे एते ओकोय ता हेनाया जे चिन्ता कराव केते अपन उमेर मीः घरीक हों बड़हाव दड़िवाःआय?
28“अरो अपे अपन किचरीः कथिर चिलिमेन चिन्ताय कनापे? सोंचाःपे बुरु रआ बहा ता, चि उना चिलका एते बहाः काना! उना, ना जहन कामि कनाय अरो ना अपन कथिर किचरीः बाय कनाय। 29#1 राजा 10:4–7; 2 इति 9:3–6रेहोंगी इञ अपे के बिसवास एमापेकानिञ चि सुलेमान हों अपन सुबिन रकम रआ ठाट-बाट तहीः रेहों, उना रे एते मिहोर रआ बराबारी हों काय होरोः तहीः केनाय। 30अधबिसवासिकु नेलपे, जोब टांड़ी रआ घांस ता जे तिहिञ हरा-भरा हेनाःआं, मुदा उना गापा गी सेंगेल रे ओन्डोरियाकु उना हों परमेसर ता नियां रकम सजाव कनाय, दो उनी अपे के किचरीः चिलिमेन काय एमापेयाय?
31“इनाते चिन्ता कराव केते नुवां ओलोपे गाम्मा चि आले चिलिकाः जोम-नुयाले अरो होरोःओले? 32(चिलिमेनचि गइर-जहुदी नियां सुबिन जिनिस रआ दंड़ा रे तहीः कनाकु।) मुदा अपे रिई सोवारगिये आपु सारीइ कनाय चि अपे के नियां सुबिन जिनिस रआ दरकार हेनाःआं। 33इनाते पहिल अपे परमेसर रआ राइज अरो उनी रआ धरम ता दंड़ायपे, रेदो नियां सुबिन जिनिस हों, अपे के नमुःआं। 34गापा कथिर ओलोपे चिन्ताया, चिलिमेनचि गापा खुद गी चिन्ता कराव केयाय; तिहिञ कथिर तिहिञ रआ दुख ढेर हेनाःआं।
Currently Selected:
मती 6: BIY
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
