Popular Bible Verses from मती 6

Share

इनाते पहिल अपे परमेसर रआ राइज अरो उनी रआ धरम ता दंड़ायपे, रेदो नियां सुबिन जिनिस हों, अपे के नमुःआं।

गापा कथिर ओलोपे चिन्ताया, चिलिमेनचि गापा खुद गी चिन्ता कराव केयाय; तिहिञ कथिर तिहिञ रआ दुख ढेर हेनाःआं।

“इञ अपे एते गामवापे कनिञ अपन जिनिवेत कथिर जोजोम-नुनु रआ चिन्ता बगी कपे। अपन होड़मो कथिर किचरीः रआ चिन्ता बगी कपे। निचित गी जीव, जोजोम वनाः एते अरो होड़मो किचरीः एते ढेर बड़हाव केते हेनाःआं।

जोब अपे पराथनाय कनापे, दो अपन कोठरी रे सेन केते दुवेर हन्डेत केते अरो एकला रे अपन आपु एते पराथनायपे, अपे रिई परम आबा, जे कपे नेल दड़िवायकाना, अरो जे कामि अपे उकु केते कराव एकाःआपे उना कामि नेल कनाय, अपे के उना रआ परतिफोल एमापेयाय।

दो, नुंका पराथनायपे, “‘सोवाराग रे तहीः वनीः आले रिई आबा, आम रआ लुतूम रआ महिमा होयुःका, ओते रे आम रआ राइज हिजुःका, जे लेका आम रआ हिछा सोवाराग रे पुराः काना, इनका गी ओते रेहों पुराःका।

आले कथिर दिन भोइर रआ आहार तिहिञ एमालेम।

जे लेका आले अपन गुनाहगार के छमा एकाःकुवाले। इनका गी आले रआ गुनाह छमायमी

अरो आले के परीछा रे ओलोम पोड़ाव इरिवालेया, बलकी बुराय एते आले के बनचाव लेम।’

“इनाते जदि अपे एटाः होर रआ गुनाह छमायापे, दो अपे रिई सोवारगिये आबा हों अपे के छमा पेयाय।

सिरमा रेन चेंड़े के नेलकुपे चि उनकु ना हेर कनाकु, ना इर कनाकु, ना कोठा रे अनाज पेड़ेच कनाकु, मुदा अपे रिई सोवारगिये आबा उनकु रआ लहिच हों पेड़ेच कनाय! चिलि अपे उनकु एते कहीं ढेर बड़हाव केते बनुः पेया?

“अपन कथिर ओते रे धन ओलोपे जमाया, चिलिमेनचि उना घुन जोम्‍माकु अरो चेतवाव ओ:वो। अरो कुमरु भीत ऊर भुः केते उना कुमरु सकाव इयाकु। बलकी, अपन कथिर सोवाराग रे धन जमायपे, जे ठिनुः उना घुन ना जोम्‍माकु, ना चितवाव ओ:वो। अरो कुमरु हों ओन्डो ऊर भुः काकु दड़िवाःआ ना कुमरु दड़िवाःआकु। चिलिमेनचि जे ठिनुः अपे रआ धन हेनाःआं एन्डे गी अपे रआ मोन तहिनोःओ।

“जहय मनवा बारया मुवार के सेवा-सुसार काय दड़िवा:आय; चिलिमेनचि उनी दो मिहोर एते बइर इयाय; अरो मिहोर एते दुलार इयाय, बङ रेदो मिहोर एते मिलाव तहिनो:ओय अरो एटाः के तुछ इयाय। अपे परमेसर अरो धन बनार रआ सेवा-सुसार कपे दड़िवाःआ।

अधबिसवासिकु नेलपे, जोब टांड़ी रआ घांस ता जे तिहिञ हरा-भरा हेनाःआं, मुदा उना गापा गी सेंगेल रे ओन्डोरियाकु उना हों परमेसर ता नियां रकम सजाव कनाय, दो उनी अपे के किचरीः चिलिमेन काय एमापेयाय?

मगर जोब अपे जहय रेंगेच-रबंङकु के दान एमा कुकानापे, दो अपे रआ लेंगा ती ओलोय सारीइ काय चि अपे रआ जोम ती चिलिकाः चिलिइ कनाय। ताकि अपे रआ एम दान ओलोकु सारीइका। अपे रिई उनी परम आबा, जे अपे, उकु केते दान एम एकाःआपे उना हों नेल कनाय, उनी अपे के उना रआ परतिफोल एमापेयाय।

“चेम्पोर तहीःपे! उनकु होरकु ठिनुः देखावा कथिर धरमी कामि ओलोपे कामिया। बङ रेदो अपन परमेसर एते जे सोवाराग रे हेनाया, उनी रआ परतिफोल कपे नम्‍मा।

“जोब अपे उपास दोहोयापे, दो कपटाहाकु लेका अपे रआ मेत-मोचा झुरमुराव लेका ओलो नेलुःका। चिलिमेनचि उनकु अपन मेत-मोचा झुरमुराव लेका बाय ककानाकु, ताकि मनवाकु, उनकु उपास दोहो एकाःआकु, उना सरीयाकु, इञ अपे के सच गामवापे कनिञ चि उनकु अपन परतिफोल नाम चुकाव एताकु। जोब अपे उपास दोहोय रेदोपे, अपन मेत-मोचा अबुंग केते बोहोः रे सुनूम ओजोः कोःपे, ताकि अपे उपास दोहो एकाःआपे, उना मनवा ओलोकु सारीइका, ताकि अपे रिई परम आबा जेके अपे कपे नेल दड़िवायका, उनी नेल पेकानाय चि अपे उपास दोहो एकाःआपे। तोब अपे रिई परम आबा जे अपे रआ उकु केते कराव वनाः सुबिन कामिता नेल कनाय, अपे के उना रआ परतिफोल एमापेयाय।