मती 24

मरंग बिनती ओड़ाः नठाव रआ आगमजानी

(मरकुस 13:1–2; लूका 21:5–6)

1मरंग बिनती ओड़ाः बागी केते ईसु जोब ओन्डो एते होय केते सिनुः केनाय दो, उनी रेन चेला उनी के मरंग बिनती ओड़ाः रआ मरंग-मरंग बंगला देखाव कथिर उनी ठिनुः हेच्‍चेनाकु। 2इना रे ईसु ता उनकु के मेताःकुवाय, “अपे नुवां सुबिन नेल कनापे? इञ अपे के सच उदुः वपेकानिञ, नोन्डो जहन दिड़ी रे दिड़ी हों काकु बगिया, सुबिन धसावियाकु।”

संकट अरो कलेस

(मरकुस 13:3–13; लूका 21:7–19)

3ईसु जोब जायतून टोंगरी रे एकला दुरुप केनाय दो उनी रेन चेला उनी ठिनुः हेच केते मेताःदेयाकु, “आले के उदुः वलेम चि नुवां घटना चिमिस घटाव वोःओ? आम रआ हिजुः अरो दुनिया रआ मुडूः रआ चिलि चिनहा होयुःआ?”

4ईसु ता उनकु के जबाब एमाःकुवाय, “चेम्पोर तहीःपे, जहय अपे के ओलोकु भरमाव दड़िवापेका। 5चिलिमेनचि बेचोट एते नुंका होयुःआकु जे इञ रआ लुतूम एते हेच केते गामवापेयाकु, ‘इञ मसी हेकेञ,’ अरो बेचोटकु के भरमाव कुवाकु। 6अपे लपड़ाय रआ चरचा ओनावियापे अरो लपड़ाय रआ अफवाह ओनावियापे। नियां रे ओलोपे घबराव वोःओ चिलिमेनचि नुंका होयुः जरुरेत हेनाःआं। मुदा इमिन रे का मुडू नोःओ। 7हरेक जाइत, एटाः जाइत रआ खोनोस रे अरो राइज एटाः राइज रआ खोनोस रे तिंगु नाकु। अकाल होयुःआ। ठांव-ठांव रे भुइडोल होयुःआ। 8मुदा नियां सुबिन गानाम रआ सिरीफ बिपेत रआ एटेच होयुःआ।

9 # मती 10:22 “इमिन रे उनकु अपे के दंड एएम कथिर साप केते सताव पेयाकु अरो अपे के उनकु गोच पेयाकु। अपे इञ रेन चेला हेकेपे, इना चलते सुबिन जाइत रेन होर अपे एते घिनाःआकु। 10तोब इमिन रे बेचोट होर ठोकोरा जोम्‍माकु अरो एटाः होर के सापइरी कुवाकु, अरो अपास रे बाइर दोहोयाकु। 11बेचोट एते परमेसर सोझ एते नधनी वान मेन केते बेदा कनाकु उनकु हेच तिंगुनाकु अरो बेचोट होर के बहकाव पेयाकु। 12अधरम रआ बड़हाव वोः एते बेचोट होर रआ दुलार ठंडा नोःओ। 13#मती 10:22मुदा जे मुडूः तक धीरज दोहोयाय, इनकु रआ उद्धार होयुःआ। 14सोवाराग राइज रआ नुवां बुगिन खभेर सुबिन दुनिया रे सुबिन जाइतकु रे गोवाही रआ रुप एते परचार होयुःआ तोब मुडूः नोःओ।

महासंकट रआ एटेच

(मरकुस 13:14–23; लूका 21:20–24)

15 # दानि 9:27; 11:31; 12:11 “इनाते जोब अपे उनी ‘भयभयान नठाव कराव वनीः घिन जिनिस’ के जेकर बाखान दानियेल परमेसर सोझ एते नधनी वनीः दोवासते कराव केना, मरंग बिनती ओड़ाः रआ पबितर ठांव रे तिंगु नेलेयापे। (पोड़हाः इकु अपन तिगी सोमझाव कोःपे चि नियां रआ ओरोथ चिलिकाः हेके!) 16तोब जे जहुदिया पोरदेस रेपेया, उनकु टोंगरी रे निर जोनपे। 17#लूका 17:31जे अपन ओड़ाः रआ छनमिन रेपेया, उनकु ओड़ाः भीतरी एते जहन्‍नाः हों इदी कथिर लतार ओलोपे अरगुःका। 18अरो जे खेत रे कामि कनापे, उनकु रुवाड़ केते अपन किचरीः तक हों ओलोपे इदिया। 19उनकु एराकु कथिर, जे भारी होड़मो हेनाकुवा चाहे तोवा अनु वनीः हेनाया, उना हिलोः का सहावनाः लेका होयुःआ। 20पराथनायपे चि अपे के रबंङ रआ समेय अरो जिराः हिलोः निनिर ओलो पोड़ाःका, 21#दानि 12:1; दि.बचन 7:14उना हिलोः नुंकन बिपेत हिजुःआ, जे हिलोः परमेसर ता नुवां दुनिया ता सिरजाव लाःआय, उना हिलोः एते निमीः तक उनकान संकट केहयो का होय्येकाना अरो ना केहयो होयुःआ। 22अरो जदि परमेसर ता उना हिलोः ता काय घटाव लेः रेदोय जहय मनवा हों काकु बनचाव वोःओ होनङ, मुदा सला इकु रआ चलते उनी, उना हिलोः ता घटावियाय।

23“उना हिलोः जदि जहय अपे के मेतापेयाकु, ‘नेलेयपे मसी, नोन्डो मेनायां चाहे हान्डे हेनाया, उनी रे ओलोपे बिसवासिया।’ 24चिलिमेनचि झुठा मसी अरो परमेसर सोझ एते नधनी वान मेन केते बेदा कनाकु उनकु हेच तिंगु नोःओकु, अरो मरंग चिनहा अरो चकरीत कामि देखावियाकु, जदि होय सकाः रेदो सला एकानाकु उनकु केहों भरमाव कुवाकु। 25नेलपे, इञ अपे के पहिल एते गी नुवां सुबिन्‍नाः गाम एकावाःपिञ।

26 # लूका 17:23,24 “इनाते जदि जहय अपे के गामवापेयाकु, ‘नेलेयपे, उनी बुरु रेयाय,’ दो टांड़ी ओलोपे उडुङ वो:ओ, ‘नेलपे, उनकु कोठरी रेकुवा,’ दो ओलोपे बिसवासिया। 27चिलिमेनचि जे लेका ठेरकाव-मलकाव पुरुब एते उडुङ केते पछिम तक चमकाः काना, इनका गी मनवा रिई होपोन तेः हेरेल रआ हों हिजुः होयुःआ।

28 # लूका 17:37 “जे ठिनुः लास हेनाःआं एंडेगी गीध जमानाकु।

मनवा रिई होपोन तेः हेरेल रआ दोबोरा हिजुः

(मरकुस 13:24–27; लूका 21:25–28)

29 # जसा 13:10; जोवे 2:10,31; 3:15; दि.बचन 6:12; जसा 13:10; हेज 32:7; जोवे 2:10; 3:15; जसा 34:4; दि.बचन 6:13 “उना हिलोः बिपेत रआ तयोम एनेन गी सिंगी बोंगा रआ मसकल लुबाः वोःओ अरो निदा बोंगा मसकल काय एमुःआय अरो इपिल सिरमा एते उयुःओकु अरो सिरमा रआ बोल झकझोरावियाय। 30#दानि 7:13; जक 12:10–14; दि.बचन 1:7तोब मनवा रिई होपोन तेः हेरेल रआ चिनहा सिरमा रे नेलुःआ, अरो ओते रेन सुबिन जाइत रेन होर खोभराव-खोभराव इयाम्माकु अरो मनवा रिई होपोन तेः हेरेल के बेचोट सोमोर्थ अरो महिमा लोः सिरमा रआ लिम्बीर एते हिजुः नेलेयापे। 31उनी तुरही रआ मरंग सबद लोः अपन दूतकु के कुलकुवाय, अरो उनकु सिरमा रआ नियां अतोम एते आना अतोम तक चइरो कोना एते अपन सला एकानाकु उनकु के जवरा कुवाकु।

अंजीर दाड़ु रआ उदाहरन

(मरकुस 13:28–31; लूका 21:29–33)

32“अंजीर रआ दाड़ु एते नुवां कहनी सिखाःपे। जोब उना रआ डइर तेः बलेच कोःकाना अरो सेकाम फुनहुर उडुङओः काना, दो अपे सारी केकानापे चि जेठ मेहना हिजुः काना। 33इना लेका एते जोब अपे नियां गानाम ता ओनावियापे, दो सारी केपे चि उना हेनात गिया मुदा दुवेर रिगिया। 34इञ अपे के सच गामवापे कनिञ चि नियां पिड़ही रेन होर रआ जुवेत तहीः रिगी नुवां सुबिन गानाम घटाव वोःओ। 35चाहे सिरमा अरो ओते ओचोः जोना, मुदा इञ रआ गानाम केहयो का टलाव वोःओ।

चेहाव तहीःपे

(मरकुस 13:32–37; लूका 17:26–30,34–36)

36“उना हिलोः अरो उना घरीक रआ बबेत रे जहय, जहन्‍नाः काकु सारीइकाना। ना सोवाराग रेन दूत अरो ना परमेसर रिई होपोन हेरेल। सिरीफ परमेसर आपु सारी कनाय। 37#एटे 6:5–8जे लेका नूह रआ हिलोः होयकेना, इनका गी मनवा रिई होपोन हेरेल रआ रुवाड़ हिजुः हिलोः होयुःआ। 38इनका गी जे लेका मनवा दाः रे डुबाः एते पहिल तक जोम-नुय चित तही एनाकु अरो बार-बिहा चित तही एनाकु, जोब तक नूह जहाज रे काय देच केनाय। 39#एटे 7:6–24जोब तक दाः डुबा का हेच केना अरो उनकु के दाः डुबा सुबिन के काय आतु इदी वेःकुवाय, तोब तक जहय के नियां रआ जहन्‍नाः हों का पता चलाव केना। मनवा रिई होपोन तेः हेरेल रआ रुवाड़ हिजुः रआ हिलोः हों इनका गी होयुःआ। 40इमिन रे बार होर खेत रे तहिनाकिन मिहोर के उठाव केयाय अरो मिहोर के बागी कयाय। 41बार होर कुरी होपोन जाता रे रित इयाकिन मिहोर के रिम इदियाय अरो मिहोर के बागी कयाय। 42इनाते चिरगर तहीःपे, चिलिमेनचि अपे कपे सारीइकाना चि अपे रिई परभु करा हिलोः हिजुःआय। 43#लूका 12:39,40नुवां बुगिन एते सोमझाव कोःपे, जदि ओड़ाः रिई मुवार के पता होयुःकाना चि कुमरु निदा रआ करा पहरा हिजुःआय, दो उनी चेहाव तहिनोःवोय होनाङ अरो अपन ओड़ाः रे काय कुमरु इरिवाकुवाय होनांङ। 44इनाते अपे हों सम्पार तहीःपे, चिलिमेनचि जे घरीक रआ बबेत रे अपे सोंचाव हों कपे सोंचाव वोःओ रिगी, मनवा रिई होपोन तेः हेरेल हिजुःआय।

बुगिन धंगोर अरो दुस्ट धंगोर

(लूका 12:41–48)

45“तोब सोंचाःपे भोरोसा लाइख अरो बुधिमान बन्धुवा ओकोय हेकेय, जेके मुवार ता अपन ओड़ाः रेन धंगोर-धंगरीन मुध ठहरावियाय चि उचित समेय रे जोजोम जिनिस एमाकुवाय। 46धेनया हेनाया उनी बन्धुवा जेके उनी रिई मुवार जोब हिजुःआय दो इनका गी कराव वते नमेय कनाय। 47इञ अपे के सच गामवापे कनिञ उनी मुवार उनी के अपन सुबिन सम्पति रआ जिमेवारी बयेयाय। 48मुदा उनी बयमान बन्धुवा मोन रे सोंचाव लगावोःओय चि इञ रिई मुवार हिजुः रे देरीइ कनाय, 49उनी अपन गाति बन्धुवा के रुड़ु हेलावोःओय अरो आरखी नुनू वन लोः जोजोम नुनू लगावोःओय। 50दो उनी बन्धुवा रिई मुवार नुंकन हिलोः हिजुःआय जे घरीक उनी मुवार रआ हिजुः रआ बबेत रे सोंचाव हों काय सोंचाः कनाय अरो जेकर रआ उनी के पता तक बनुःआं। 51तोब मुवार ता उनी के खन्डा-खन्डा कयाय अरो उनी रआ हिस्सा कपटाहाकु लोः ठहरावियाय ओन्डो इयाम अरो डाटा किटकिटाव होयुःआ।

Currently Selected:

मती 24: BIY

Highlight

Compare

Copy